تفريز الجبنية .. أرجوا الإفادة

لازم حبيبتي الجبنيه فيه كذا طريقه غيرها عندك مثلا اصابع الجبن وتقدرين تلفينها قبل وتجمدينها وعندك السنبوسه المثلثات وعندك اللقيمات المحشيه بس طلعيها ولا سوي عجينه قبل ماتداومين وقللي الخميره وحطيها باثلاجه وخليها براحتها

الجبنية بعد ما تعجنينها وتتخمر افرديها وقصصيها بالشكل اللي تحبين بعدين صفيها في صينية في الفريزر وخليها تجمد ثم طلعيها وصفيها في علب أو اكياس ودخليها الفريزر واذا أحتجتيها طلعيها وخليها تدفى وأقليها وحليها بالشيرة والدونات حتى نفس طريقتها وما تتغير

شوفي اختي بالنسبه لي انا مقدار الجبنيه كبير علينا مثل ما قلتي , فأسوي جبنيه وافردها واقصصها وأقليها
وأخليها بالشبك لين تبرد تماما , بعدين اقسمها الى 3 او 4 أقسام واحفظها في علب بلاستيك وعلى الفريزر واذا بغيتها اطلع علبه قبل بساعه وعند التقديم أسقيها شيره وتطلع مضبوطه.

وبعطيك طريقة جبنيه ما تحتاج تخمير والبنات مدحوها هنا في المنتدى وانا ناويه أطبقها في رمضان ان شاء الله

تفضلي الوصفه مثل ما كتبتها صاحبتها :
إلى كل من يبحث عن جبنية طرية سهلة بدون تخمير""لذيذه""
اهلا وسهلا بكل من يدخل عن جد وبدون مبالغة جبنية روعة والله يجزاها خير اللي عطتنا هذي الطريقة اعتمدناها.... ما..اطول عليكم بس تستحق التجربة


المقادير والطريقة:
كاس ماء دافي بس مش معبأ ناقص منة شوي +ملعقة اكل خميرة فورية
يخلط ويترك دقيقة
ثم يضاف الى:
2كاس دقيق
3ملاعق اكل حليب بودرة
ملعقه متوسطة بيكينغ باودر
3ملاعق اكل جبن سائل
ملعقتين اكل زيت
تخلط المقادير الجافة مع بعض ثم تفرك با الجبن وزيت ثم تعجن بــ ماء الخميرة إذا كنتي مستعجلة افريديها على طول وقطعيها ثم اقليها وإذا فية عندك وقت اتريكيها عشردقايق اوربع ساعة ترتاح وبالعافية اذا عجبتكم ادعولي

شو هي الجبنية الله يرضى عليكم
و هل هي نوع من الحلو او شنو

الجبنية مثل ما قلتي يا اختي المهندة نوع من الحلو وتكون عجينتها في مقاديرها أي نوع من الجبنه ويكون شكلها بعد القلي منفوخة بس تكون فاضيه ما تنحشي وتكون أشكالها حسب الرغبة ممكن مربعات او معينات اواي شكل تحبيه ان شاء الله تجربيها وتعجبك