السلام عليكم ورحمة الله وبركاته

الله يعطيج العافيه حبيبتي ويرزقج من حيث لا تحتسبيين ويعيينج يااارب

الحلم رقم ( 5)

حلمت كأني كنت في الجمعيه مع 3 حريم .. ثنتين مو ذاكره منو بس وحده منهم كانت على مااعتقد عميه ولابسه نظاره وكانت واقفه بزاويه بس نايمه وهي واقفه بمكانها والثالثه اللي أذكرها كانت اسمها حذامى
اللي أذكره بالضبط من الحلم اني كنت رايحه أدور على مكنسه علشان أشتريها (المخمه) اللي هي مكنسه عاديه فلقيت على الرف عصايتها وكنت محتاره بين اني أخذ اللون الأحمر ولا البرتقالي ورحت لرف ثاني ومعاي العصايه علشان اركب فيها المكنسه اللي تحت وكان في وايد أنواع بس أنا كنت ألمسهم أدور اللي ملمسها ناعم ولقيت وحده عجبتني وخذيتها وقمت أركبها على العصايه ولمن ركبتها وفريتها اطلعت بمقاسها وركبت عليها وأخذتها وبنفس الوقت رحت أدورلي وحده ثانيه وأخذت وحده هم بعد عجبتني
وانا أفتر بين الأرفف كنت اشوف حذامى مع الحرمه الثانيه واقفين بين الأرفف يسولفون ولمن خلصت وخلصوا راحوا عند العميه وعلقوا عليها شلون انها نايمه وهي واقفه ويضحكون فقتلهم عادي محد بيلاحظ .... وبعدها قمت من النوم


بياناتي ..
متزوجه وعندي أطفال
حالتي الدينيه .. الحمدالله أحاول اني ألتزم وأحافظ عليها
اتمنى الحمل وانتظره وادعي ربي انه يرزقنياه بهالشهر ان شاءالله

حلم رقم 6
انا حامل في الشهر الرابع
لدي 3اولاد وبنت
الحالة الدينية أحافظ على صلواتي والالتزام بتطبيق السنة
حلمت اني في بيت وكأنه لأهلي بس هيئته غير وكنت في الحوش ودق الباب وفتحته وطلعت جارتنا فسلمت عليها
وقالت لي انت بتجيبي بنت وبطلب منك تسميها على أمك الله يرحمها وأنا في نفسي أقول أنا ناويه أسمي من قبل والي ما تعرفيه أني حامل بتوأم بس ما خبرتها لانها معروفه فيها عين.
وقبل عن أحمل حلمت أني جالسه أولد بالبيت وأمي الله يرحمها تولدني فجبت بنت وقالت لي لسى ما خلصت في طفل ثاني وكانت تحاول تطلعة وانقطع الحلم وما عرفت جنسه.

حلم رقم 7

ماعندي اطفال أنا حامل بالسادس الان وقبل عندي حالتين اجهاض أداوم ع الصلاة بوقتها والأذكار والرقية يوميا الحمدلله

حلمت ان شعر زوجي كله شيب وطويل مو قصير . وسلامتك

الحلم ٨


متزوجة وام لبنتين وولد وحامل بالشهر الثاني

الحالة الدينية جيدة ومحافظة على الاذكار

وقت حدوث الرؤيا الصباح الساعة 8 تقريبا

رايت فيما يراى النائم انني وزوجي نسير على رصيف في ارض وااسعة ويوجد عمال وافدين يعملون في جمع ياجرجير يابصل اخضر

ماني فاكرة بالضبط وقلت لزوجي نفسي بجرجير قال بعدين اجيب لك

بعدين شاهدنا مثل الكشك الخشب وبه سرير من الخشب ومرتكي فيه الامير احمد

وعنده عامل في الكشك يرتب المعروض وكانت رياحين مرتبة بشكل رائع في مجموعات صغيرة وكذلك باقات صغيرة من الفل

اعجبني جدا منظرها واهدانا مجموعة من الرياحين وباقة صغيرة من الفل فابتسمت للامير وطلبت منه ان يقوم العامل باعطائي باقة فل

اكبر فتبسم لي وقال اعطيها اكبر وفعلا اخذتها وفرحت بالهدية

واهدانا 6 خيول صغيرة شقرا او بنية

وذهبنا الى منزل اهلي واعطيت امي الرياحين وقالت هذي راح اوزعها ونظرت لزوجي لارى ردة فعله وكاني احدث نفسي ان المفروض

اعطي ام زوجي جزء منها ولكن ماكان لزوجي رده فعل عادي

علاقتي جيدة بكل من في الرؤيا

حلم رقم 9

متزوجه لي بنتين
ملتزمه
لااتبع رقيا شرعيه اذكار بس
حامل
ربة منزل


رأيت انني خرجت مستعجله من البيت وكنت اظن انني نسيت جوالي في البيت وقلت لوالدي في السياره لاتقلق اذا دقيت على الجوال ومارديت عليك لاني نسيته في البيت وكان والدي غير مهتم
ثم فتحت شنطتي ووجدت جوالي نوكيا ابيض موجود فيها وفرحت وحسيت بارتياح ثم وصلني والدي لمدرستي ووقف بعيد عن المدرسه وقال امشي من هنا وبتلاقينها وفعلا مشيت شويه وشفت المدرسه من الخلف ومشيت الى ان دخلتها

جزاك الله خير