تفسير الأحلام ..

بنات سؤاااااااااااال كدا عالسريع ...

أنا حلمت بوحده من صحباتي وكان الحلم على الساعه تقريبا 3 الفجر ولمن جيت فسرت الحلم قالت لي
المفسره انو الإنسانه هادي حتكون صديقه وفيه لكي ...وباين عليكي انك بعيده عنها وكان كلامها صح
لأنو الفتره ديك كنت متخاصمه معاها وبعيده عنها ..

بس اللي ملاحظتوا أنا انو دايما تسير بيننا مشاكل صحيح نرجع لبعض بس برضو ماأحس انو تفسير حلمها
سار ولمن سألت عنها قالوا لي بالعكس دايما تفسر للناس وهذا الشيء ورثته من امها كانت دايما تفسر للناس
حتى انها مرره صحبتي حلمت بحلم ولمن جات تفسرلها هو سألتها انتي مريضه بحاجه قامت صحبتي تقولها شيء
من عندها قالت لا منتي مريضه بهذا الشيء انتي عندك ألم في الكليه صحبتي ماعرفت اش تقولها قامت
اعترفت لها وقالت ايوه ... واللي بين للمفسره هذا الشيء الحلم ..

فإنتوا اش رأيكم واللا الموضوع هو إنو مو بسرعه يسير تفسير الحلم ممكن يكون بعد مده ...