لاتتركين الرقية استمري عليها

هذا العارض في الغالب يجيب اشياء تلهيك عن المتابعه وتكميل العلاج

سوي لك برنامج مكثف مع الرقية يتضمن شرب ماء زمزم وتذكري ان (ماء زمزم لما شرب له)
بالاضافة للعسل (فيه شفاء للناس)

وعليك ثم عليك بقيام الليل والدعاء

وشغلي سورة البقرة بغرفتك أو بالبيت يوميا ولو أمكن تخلينها طول اليوم تشتغل افضل

بالنسبة لتفسير الحلم ربما وقعت المفسرة في خطأ وربما هذا من ضمن تضليل الشيطان حتى يقعدك عن الرقية

استمري ثم استمري ثم استمري لا تتكرين الرقية أبد

ونصيحة كل بعد صلاة اقري آية الكرسي وانفثيها على صدرك

الله يشفيك ويعافيك ويسخر لك زوجك ويسخره لك وينزل على قلبيكما السكينة والطمأنينة

الله يجزاكم خير أخواتي

حقيقة أنا كنت مركزة على الرقية لطرد اللي فيني( لو فيني شي) ولمن حلمت هالحلم ظنيت إنها أعراض بسبب الرقية مااء ببالي أبداً تفسيرها مثل ماقالت المفسرة
عشان كذا من لمن فسرت لي وأنا تخبطت وأنشغل فكري!

سبق وسويت الخطة الرباعية وقبعة المسك وواضبت فترة
بس تعبت من الأدهان والروائح وماشفت نتيجة تذكر
قلت يمكن أتوهم

ماكنت الاحظ شي غير أحلامي يكثر فيها سالفة الجنس
أو نبض مرة بظهري مره بساقي
اتثاوب كثير..بس

والله إني في حيرة وأخاف فيني وسواس ووهم

اذكر قبل كم يوم
زوجي قام تعبان فجأة من الضغط
وصار يهاوشني ويعصب علي ويسبني
ويقول لو مااخاف من الله لأنقل أسم البيت على أي واحد
عشان لو مت ماتستفيدين وقال كلام كثير
وأنا أهبطه واسأله وش فيه ووش مزعله مني ووش سويت لهذا كله!

شكله تعود على هواشي وبس

طلع قال بروح المستشفى ولا أبيك تسألين عني
أو تجيني لأتفل بوجهك وكلام كثير قاله يسم البدن

أنا متعودة لسانه وسخ ومايرحم ويظلمني كثير

نزل الله يسامحه وصت بحاله مايعلم فيها غير ربي
خوف عليه وصعوبة إني أقدر أتطمن عليه وإني انحطيت بموقف مالي ذنب فيه

حسبته راح المستوصف أتاريه سكر عليه تحت ونام

وأنا صدعت وجاني غثيان
خوف عليه وعلى عيالي ووضعي
وقهرر من اللي سمعته كنت نايمة وكافة خيري شري
اصحى على دعواي وكلام مادري لأي سبب!!

فصليت ركعتين وقريت كم جزء من القرآن
استغفر الله مادي وش قريت بس كنت أبي أهدأ

وبعد ماشفته الله يسامحه عقب ساعتين بالبيت
وانا اللي خايفة إنه تعبان وفي المستشفى
بعد ماتطمنت نمت مقهورة

وحلمت ببيت لي قديم وشفت جزء منه كانوا ساكنين فيه جيراني
وشفت وجه جارتنا بشكل مثل الأفلام
يعني شكل وجهها بحجم البيت وشفت البيت اللي كانت ساكنة فيه
سمعت كأن شخص يقول هذي حاسدتك!!

أنا ناقلة من بيتي
وهي بعد نقلت
ولا أعرف عنها شي

ومادري لو الحلم له معنى أو خربوطة!

ياشين اللي بوضعي
لاهي عارفة سبب وضعها
ولا هي عارفة وش وضعها أصلاً
ولا كيف تحل أمورها

يارب رحمتك..

اختي ترا بعد الرقيه يطلع شكل حاسدك او حالتك

انتي حاولي ترجعين علاقتك بها واعزميها واقري المعوذات واذكار الصباح اوالمساء قبل ماتشوفينها واقري على ابنائك ثم خوذ ي من مائها واثرها واغتسلي وحطيه بسور زوجك لايدري وحطي على ابنائك واستحمي منه وابناك وانفثي منه على زوجك بمرش وهو نايم بدون لايحس


ترا الحسد اشد من السحر

والله يالغالية لو إنها جارتي الحين كان عزمتها
بس أنا أنتقلت
وهي أنتقلت
ولا عاد أعرف عنها شي
ويستحيل أوصل لها مافيه أي سابق معرفة

يارب أفرجها علي وعليكم..