تفسير لموضوع انضغطت من اهلي

https://www.hawaaworld.com/%D8...
كنت ابغى ارد عليكم بس كان فيه عدد محدود للرد واللي تقول مكرر ايه انا قد شكيت من نفس الموضوع لاني كاتمه ومالقيت حل واللي مزعلها اني ارتاح لاهل زوجي طيب هذي الحقيقه اذا فيه مشاكل بينك وبين اهل زوجك انا مابيني وبينهم شي واللي تقلي ليش تلبسي عبايه اذا جو اهلك فجأه لاني مو متعوده البس قدامهم قصير او ضيق وانا ماكتبت تفاصيل كثيره احتياط لكن رسميتي مع اهلي هم سببها انا الكبيره وللاسف ابويه شخص انتقادي وعصبي وبيتنا اغلبه صريخ وكان مخلينا نخرج براحتنا وجوالات ونت يعني حريه بس كان ينتقد كل شي فينا حتى طريقة مشيتنا وكلامنا كل شي سببلي عقده وكنت هاديه مااتكلم كثير وكل ماشافني يناديني الكئيبه النفسيه واذا سمعني اسولف قال عيدي عيدي بالله هذي سالفه ماتعرفين تتكلمين لدرجةاني ماكنت اقول كلمه صح يعني ابغى اقول راحت اغلط اقول ريحت غصب عني عشان كذا كنت ساكته مع صديقاتي وبعدين تركتهم وامي كانت تشكي كثير من ابويه وانتقاده وصريخه واحيانا تبكي وهذي نصيحه للامهات مهما كان بينك وبين زوجك لاتسبينه قدام الناس واطفالك يسمعون امي الله يهديها كنت اروح معاها والمجلس مليان واغلب كلامها سب بابويه وتحكيلهم عن مشاكلنا وامس ضرب فلانه ونامت وهي تبكي وهالشي سببلي احراج وانطوائيه اكره اروح معاها او اجتمع مع ناس قد تكلمت عندهم حتى قريباتي تركتهم لنفس السبب كبرت وانا مااقول كلمتين على بعض واكتم وتزوجت وكنت ماابغى اتزوج خايفه لكن ابويه قلي انه رجال ومابيجيني احسن منه وبعد زواجي مدري هو كان احساسي لوحدي ولا الاغلبيه كذا نسيت كل شي سئ صدر من اهلي وكنت مشتاقه لهم وجيتهم اول زياره فرحانه واسولف عن سفرتنا ومواقفنا يصرخ فيني ابويه اسكت ويقلي وجه فقر يعني انا ماسفرتكم ولا مشيتكم طيب انا ماقلت كذا وكل مازرتهم يسب زوجي ويقول ان واحد من اخوانه ارجل منه واحسن منه وان هو مايسوى شي جنب اخوه طيب يعني تبغاني احب اخوه! احسه تضايق اني مبسوطه مع زوجي وصارت نفسيتي احسن وصارت زياراتي لهم اغلبها ساكته لانه دايما موجود بالبيت واخو زوجي تزوج بعدنا يوم عزموا ابويه اتصل وقال مااتشرف فيهم لكن باروح لعب بنفسيتي طيب كيف ماتتشرف فيهم وانت مزوجني ولدهم وليش تتصل تعلمني بكلامك ورأيك والمشكله اخواني كبروا وصاروا مثله انتقاد وصريخ وجلست فترة ماحملت وزوجي رفض يخليني اروح للدكتورة وكنت متضايقه ابغى افضفض مالقيت الا امي اكلمها وقلتلها لاتعلمين احد وعلمت ابويه واخواني وزعلت منها تقول ايه لازم يعرفون هذول اهلك طيب اهلي بس لي خصوصيتي ورحت معاها سويت فحوصاتي تمام وجلست هي وابويه يقولون انت صغيره لاتضيعين عمرك معاه جيتهم زياره مسكوني وخلوني اقفل جوالي وابويه قله تبغى زوجتك جيب تحاليلك طيب ليش كذا كبرتوها ماكان فيه مشاكل بيننا والين الحين زوجي مستغرب يقول كذا فجاه ابوك يصارخ فيني يعني هو ماكلمني من قبل ولاقلت له شي وجاء زوجي بنفس اليوم جاب معاه تحاليل سواها قبل الزواج وكانت تمام لكن رفض ابويه قال سوي تحاليل جديده وزعل زوجي وطنش وجلست فتره عند اهلي وكانت اسوأ ايامي اذا تضاربت مع اختي يسكتني ابويه يالعقيم واخواني مثله بالطبع والالفاظ ينادوني من غرفتي عشان اجيبلهم مويه وارفض يقولن عقيم ربي مايظلم وكل مازعلوا مني يقولون رماك زوجك حتى هو ماتحملك وابويه يضحك والمشكله امي دايما تزعل من تصرفات ابويه لكن اخواني عادي تضحكلهم وتعزز لهم مع ان طبعهم واحد وجاب زوجي تحاليله ورجعني والحمدلله بعدها بفتره حملت وجبت اول حفيده لهم توقعت يطيروا فيها انصدمت ان ابويه يقول انها بنت الغريب ويتناقش هو واخواني بالسالفه كانه شي عادي وان عشان كدا هي ماتشيل اسم عايلتنا طيب اكيد بتشيل اسم ابوها لكن بنت بنتك كيف صارت غريبه؟ وبعد ماخلصت نفاسي حجز زوجي سفره لنا هديه بدون بنتي واني اتركها عند امي وخواتي وكنت فرحانه خرجت اعلم امي اني باسافر واني باترك بنتي عندها الا اخويه يقول بنتكم جبتوها تاخذوها انا سفهته ومارديت لانه مراهق وقالتلي امي ايه اتركيها شوي اخوي يصارخ والله ماتجلس بنت الناس عندنا ويحذف يد البليستيشن قامت امي قالت طيب طيب ودي بنتك لاهل ابوها انصدمت مرره من امي قلت مو على كيفه انا باتركها لك انقهرت مره لكن مااهتميت بكلام اخويه واعتبرت رفض امي تسكيت له كلمتها اليوم الثاني قالت ايه وديها لاهل ابوها انا كلمت ابوك وهو يقول ماهو مسؤول لو صار للبنت شي ولا مرضت وتحتاج صرفيه قلتلها زوجي بيعطيكم مصروفها قالت لا واختي تطلبها توافق وامي رفضت وكلمت زوجي قلتله مااقدر اخلي بنتي كذبت عليه اني اخاف عليها وزعل لانه حجز وأجلنا السفره الين ماسوى لبنتي جواز ومع ان امي رفضت راحت علمت ابويه اني قلتلها بنعطيكم مصروفها وهي تعرف ابويه وطبعه ليش تقله بيسويلي مشكله شويه جاني ابويه يصارخ مين فلان عشان يعطيني فلوس انا اعطيه هو واهله وسب وكلام كثير وقلي اول ماتزوجتي جبت فلوس عطيتها زوجك عشان اكسر عينه طالعت فيه ساكته قام يقول هي تزوجت وخلفت شافت نفسها علينا بعدها صارت ظروف وبعدت عنهم والحين رجعت وموقادرة اتأقلم معاهم مع انه ظروفهم الحين احسن ابويه التهى بنفسه مايجيهم كثير واخواني اغلب اليوم مع اخوياهم بس كل موقف يذكرني بالماضي كنت اتمنى اني صارخت عليهم او اطنشهم واعيش حياتي بس مقهورة على ايامي اللي راحت بدون ماانبسط زي البنات وكنت اتمنى امي تكون قويه ودافعت عني عشان كذا ابغى اكون قويه وادافع عن اطفالي لكن لازال فيني ضعف وتردد انا بعد الزواج صرت اسولف عادي وزادت ثقتي بنفسي شويه بس باقي مااواجه اذا زعلت من احد واكتم واختي اصغر مني كانت تجي من المدرسه تنام وتقوم اخر الليل وتسوي كذا هروب من الوضع واستمرت الين ماتزوجت ومع كذا متأثره نفسيتها وهي تقلي بنفسها انها تتضارب مع زوجها ويطردها وترفض تخرج وفيه مشاكل عند زوجها وماتبغى تعلم اهلي عشان لايعايرونها او يطلقونها وامي باقي مو مستوعبه وضع بناتها وموقفي مع اخويه لاتلوموني لمن يكون عندك اخوان يزورك وقت دوام زوجك وانت مشغوله تطبخي ويجلسوا نص ساعه يصورون ويخرجون وهم اصلا مايحبون الاطفال بتتوترين والحين امي صارت تشبه ابويه تنتقد بس اسلوبها اخف منه لكن لازال يضايقني خاصه اذا جات بيتي