تفشلت قدام جدتي بس لقيت حل للمشاكل الي أرقتني تعالو شوفو سوالفنا

بسم الله الرحمن الرحيم والصلاة والسلام على أشرف خلق الله
سيدنا محمد عليه أفضل الصلاة والتسليم :39:
بدخل بسرعه في السالفه ماأعرف أنسق مواضيع :icon33:

السالفه ومافيها أني كل عصرية متعودة أسوي لجدتي قهوة وأجمع لها بلح من مزرعه أبوي وأقهويها بعد وأجلس أدردش معها
ويوم جيت أقهويها الا وسمع صوت بطني :09:والله فشيلة يتفرقع وأصوات تفشل
قالت لي الحنونة : يابنيتي وراتس متاكلين زي الناس وراتس جويعانة
قلت :لاوالله ماخليت ولا بقيت كل شي بالعتة
قالت :أجل فيتس الي موذي خلق الله
رديت : وش الي موذي خلق الله ياجدة الله يهديك
قالت : الي في العنود أختك
قلت : بسم الله علي مافيني قولون
صاحت وقالت ياويلي عليك يالخبلة
والله أني خفت قلت وش فيك ياجدة صحتي وفتحتي عيونك المفروض تقولين الحمد الله حفيدتي مافيها شي
قالت : الحمد الله أني سمعت صوت بطنك أثاريك خربانة
قلت : وش خربانة ياجدة منيب غساله ولا ثلاجة
قالت :أمحق لتس ثلاث سنين في الكلية متعرفين الخوا ماتدرسينة يلخبلة
قلت :الا أعرفه بس أدرسة كثري منها
قالت :يمتس الخربانة يهج منها رجلها وشوشتها متقطعه وبشرتها وجعانة وجلست تسال أسئلة محرجة وأذا أستحيت قلت :ياجدة وأنا أصيح
قالت : وحطبة صيري مرة والا والله ماتعرسين
عاد كلش ولا العرس وأنط وأجيب لها كتاب أسرار ألحريم وأقرا نظام فيافي قالت زين بس لاتستخدمين الرشاد يسبب العقم على المدى البعيد الله أعلم

وقالت المكملات لا بس خذي المفيد




المهم أنا أستخدمت نظام من جدتي الي هو وقت الدورة قسميها ثلاث ثلاث

الايام الاولى
على الريق كوب شاي وحطي علية ملعقتين من السفوف التالي كوب من الحلبة نصف كوب من الحبة السوداء فنجان من الشمر ملعقه كبيرة من القرنفل طبعا بعد طحنها جيدا

بعد الغداء بربع ساعة أشربي هذا المنقوع ملعقه كبيرة من العنزروت وملعقة صغيرة من المرة ملعقه صغيرة من الحلبة وماء خليها ربع ساعه وأشربي طعمها حلو المنقوع هذا يعمل ملين ومنظف للارحام
فترة العصر
شوي شاي أعشاب ثلاث أكواب من الماء مع ثلاث ملاعق كبيرة من مرامية وكمون وقليل من قشر القهوة وقرفة ويانسون
وياحلوة القهوة العادية حطي في فنجالك شوي كمون وتقهوي الكمون يطرد الغازات


الايام ألاخيرة
على الريق ملعقتين كبيرة من السفوف التالي كوب حبة سوداء ملعقة كبيرة قرنفل وم ك دارسين م ك فلفل أسود فنجان كمون م ك نونخة فنجان شمر

ولا تنسين شاي الاعشاب أنا في الدورة ماشربتة ألا مرتين

أستخدمية كل دورة النتائج بعد أربع شهور وكا بنت راح تختلف عن الثانية حسب الحالة
طبعا أنا أذا خلصت من الدورة أستخدم كبو الهواء وأتغطى زين وأنام


أنا قبل النظام كنت أعاني من أفرزات الوان أكرمكم الله وأظطر أبدل ملابسي الداخلية أكثر من مرة
والم في المنطقة نفسها وأنتم كرامة والم أسفل البطن الارحام وأصوات في بطني قبل الدورة ومعها فضحتني عند جدتي والرائحة الكريه حدث بلا حرج
بس الحمد الله والله العظيم الحمد الله الالم أختفت والاصوات ودعت والله أني صرت طول اليوم نظيفة والريحه الحمد الله مافية ماشاء الله


الممنوعات وقت الدورة
الاسكريم لاتاكلينة ولاشياء الباردة
الغاريات باأنواعها لاتشربينها
دفي نفسك زين ألبسي شرابات والبسي شورت لا تقولين حر
لاتتسبحين ورجولك لايجيها ماء
لاتمشين حافية
لاتشيلين الشي الثقيل ولا تسحبينة
لاتكلين المولخية ولا البامية ولا البصل الاخظر وشمام والبطيخ
والحوامض وخاصة الليمون
لاتشربين اللبن يطلع ريحة في الارحام
طبعا هذا وقت الدورة ولا تتعرضين للهواء وأذا دخلتي الحمام أكرمك الله طفي مروحة الشفط ولا تنامين قدام المكيف
والمهم لاتجوعين أذا جعتي الجوع الشديد راح كل تعبك
والي بتسوي مثل ماقلت وعندها مشاكل والله بتلاحظ الفرق وبقوة





في الختام الي تستفيد تدعي لي أن الله ييسر لي أمر و تدعي لجدتي وللمسلمين جميعا
والعذر والسموحه على هلاأسلوب :icon33:المهم أنكم تستفيدون
وياويل الخربانة الي تجربة بس دورة وحدة أو تسوي شي ممنوع وتقول مانفع والله لاعطي جدتي أسمها وهي تصرف أقل شي أربعه شهور مع كل دورة أنا بسم الله ماشاء الا الله شهرين أختي أربعة شهور



تقبلو خالص حبي وتقديري لكم دمتم بصحة وعافية