تفشلت مع مرتبة الشرف

السلام علييكم ورحمة الله وبركاته

وكل عام وانت والادارة والمشرفات والعضوات وبيباااان وجدران المنتدى بالف خير

طبعا حبيت اسوي مثلكم واطلع شاطره ومرتبه

فقلت يا بنت وش رايك تسوين ليلة رمونسيه للشايب فشاورة بنتي ما شاء الله كبيره ومتزوجه وعندها وردتان بغاية الجمال

فقالت على خير اشتري كذا وكذا واشموع والعصيرات والورود

طبعا فريره لسوق واشتريها

طبعا جاء في الليل ابو الشباب طبيعته زعلان ومكشر واي كلمة تفتحينها معه يجي بكره وانتم ما خلصتي من التوبيخ

وفي الليل المنتظر خذيت دش ورتبت نفسي ومكياج وبخور والورود في كل مكان طبعا الشايب عن التلفاز يشاهد اخبار سوريا

وجهزت وخلصت طالعه ما شاء الله مثل البقره لا تمكيجت

دخل قال وش ذا قلت ابد ليله ولا الف ليله سكت

جاء وقت العشاء المنتظر واجهز الطاوله

واحط العصيرات

تدرون وش العشاء اللي سويته زينت له قرص هذا اللي تعجنين طحين بر وتحطينه على الطاوه وبعدين تفركينها بسمن

أنا عندي أني خلاص وصلت القمر طبعا ليله رومنسيه وقرص يقولوا ما تظبط بس وش اسوي الشايب فيه سكر

واقدمه وتعشاء وخلص وقال لعاد تتعودين الهبال قلت ابشر

قالت بنتي وش راي اابوي قلت يقول لعاد تتعودين الهبال كل ما كبرتي خربتي ما انتي بصاحيه

قالت بنتي وش رايه في العشاء وش سويتي له في العشاء قلت قرص

اضحكت لين ماتت وقالت مو ليله رومنسيه هذي ليله شتويه

فقلت بعلم البنات في المنتدى لا يتوهقون مثلي وسلامتكم

واذا الوحد ه بتسوي ليله رومنسيه تستشيرني ههههههههههههه