السلام عليكم ورحمة الله وبركاته
بنات ابغا افصل مطبخ وخاايفه صراحه ومحتاره بعد ومالي الا انتم بعد الله
ودي استشيركم بكم شغله عسا ربي يوفق ويساعد اللي تساعدني
اول شي وين الاقي محلات ممتازه تفصل مثل مطابخ ايكيا بالرياض طبعا
ابغا جوده وتعامل وشكل مودرن مثل ايكيا بالضبط ماقدر افصل عند ايكيا لانهم غالييين مره
كمان ابغا محلات كبيره بالرياض للادوات الصحيه يعني صنابير للمطبخ فخمه ومجلى احجام واشكال كثيره وكمان كماليات المطابخ من سلال وغيره
ثاني شي اذا ركبت شفاط اللي يجي فوق الفرن فتحت الشفاط اللي بالجدر اتركها له عشان تطلع الريحه برا ولا اقفلها
فهمتو علي خوات يعني فيه فتحه بالجدار حقت شفاط جدار اذا ركبت شفاط فرن مايحتاجون فتحة الجدر عشان يشبكون فيها شفاط الفرن
ثالث شي عندي براده ابغا ادخلها جوة الدولاب ماابغا شي برا من الادوات الكهربائيه عطوني طريقه تكون مرتبه ادخل فيها البراده ويكون سهل اطلعها عشان اعبي دبه جديده وتكون الدبه مخفيه
بنات اي نصيحه اي فكره اي معلومه تكفون لاتبخلون علي ودي اطلع بمطبخ يفتح النفس واحس افكاري حايسه فوق بعض
ساعدوني الله يجزاكم الجنه
وسامحوني ثقلت عليكم
الهمه طريق القمه @alhmh_tryk_alkmh
محررة ذهبية
يلزم عليك تسجيل الدخول أولًا لكتابة تعليق.
$فدومي$
•
الله يعينا وياك اتمنى يفيدونك البنات اللي من الرياض
الصفحة الأخيرة