تفضلوا أقرؤا قصة ولادتي

هذه أول مشاركة لي في عالم حواء فلذلك حبيت أن تكون مشاركتي في هذا القسم ]

ودي أقول قصة ولادتي وهي :

جاني الطلق بعد معاناة التسعة أشهر فذهبت الى مستشفى خاص الى الآن بتقولون عادي مافيه

شيء أنا أقولكم وش صار لي بعد اجرائات الدخول كشفت علي الدكتورة وقعدت أصرخ من شدة

الألم بعدين رقتني فوق للغرفة وصارت تجيني كل 3ساعات تكشف علي يوم صارت الساعة2

فجرا قالت لي راح أفتح كيس الماء عشان تسهل الولادة وأنا بكر ما أعرف شيء قلت okوأنا

ما أدري أني أقتل أبني بعدين تمت الولادة بعد 15ساعة فتح الكيس طبعا طلع المولود تعبان

كثير ووضع بالعناية المركزة ومن هنا بدأت معاناتي أنا وأبوه وتصدقون أن دكتورة الأطفال

اللي بالمستشفى نفسه ما تدري وش فيه يوم شفنا أن الأمور كذا خرجناه على مسؤوليتنا الى

مستشفى عام في نفس مدينتي ومن هنا بدأ التحول...........

طبعا عالجه صح وكان في بداية الأيام ممنوع عن الرضاعة وأشوفه يتقطع من الصياح واذا

سألت الممرضة قالت لي من الجوع يبكي وأنا أتعذب من داخل قلبي وأقول قلعتي أنا شريت

راحتي على حساب ولدي وكنت أبكي بشدة والله ما كنت أنام بالليل والله يعلم خياط وجرح

ولادة وتعرفون هذا ولدي البكر .......

وبعد تقريبا 10أيام من المعاناة طلع ولدي بالسلامة وكانت فرحتي أنا وأبوه ماتسعها الدنيا

والحمد لله........

وأنا أنصح كل وحدة على وشك الولادة أنها تالد في مستشفى حكومي لأنه ماراح يسببون أمراض

عشان يسحبون من فلوسها ....... وأتمنى اني ماطولت عليكم وأزعجتكم بمشكلتي وشكرا لكم..