اليوم جايبه لكم اسهل طريقة عمل لقيمات واللي تقرا الموضوع تقوم وتعجنها وتخليها ساعه وبعدها تقليها وراح تتذوقون لقيمات روعه وراح تكون ادمان صدقوني حتى عيالي اللي ما يعجبهم العجب حبوها (بصراحه ذوقهم صعب هالمبزره) الله يصلحهم
الموهم نرجع للموضوع
الكميه ممكن تصيرللعائله مناسبه انا اسويها لثلاثه ويصير فيه زياده وما اصلحه كلها ادري اشغلتكم بالتفاصيل
كاس طحين
نفس الكاس لبن دافئ
ملعقة كبيره بيكنق باودر
تعجن مع بعض لحد ما تتجانس العجينه وما تحطين ماء ابدا وغطيها وخليها بمكان دافي لمدة ساعه
اقليها بزيت حار بعدين وطي النار عليها لحد ما تتشقر وانتي تقلبينها وبس
وهذا الشكل الاخير وحطي عليها شيره او عسل تطلع لك روعه
وبس سلامتكم
اتمنى تدعون لي ولأولادي بالهدايه وراحة البال
وفي امان الله
اللهم صل على محمد وعلى ال محمد عليه افضل الصلاة والتسليم
عليكم بالف عافيه