السلام عليكم بنات
تعرفون ان الحصه اذا طالت ممكن تكون ممله
ايضا انتي ودك دايم تقيسين مدى استيعاب الطالبات
للدرس وكمية المعلومات
انا وحده احب الشغل الجماعي ....ولكن بهدوء
عشان كذا عندي الفكرة هذه دايم اطبقها
ودايم تسوي شو بحصتي
والحمدالله الكل يمدح الطريقه ويطبقها :)
اول شئ هي عباره عن مسابقه بين المجموعات
انا اتكلم عن الابتدائي والصف طبيعيا مقسم الى اربع مجموعات
وتصلح بالمتوسطه ...المهم
في نهاية حصتي ....عندنا بالانجلش في نهاية الحصه wrap-up
اللي هو عباره عن تدريب او لعبه مثل التقويم
اللي اسويه اني اشتري كتبيات من ابو ريالين
الكتاب اللي فيه صور لصق عن موضوع محدد
الطعام ........الالوان.......الاعداد ......وسائل النقل
مثل هذه شوفوها
اشتري بس اربعه من نفس النوع لكل مجموعه كتيب
واوزع معاها ورقه A4 مكتوب فيها المطلوب تلصيقه
واول مجموعه تخلص هي الرابحه .....طبعا هدايا من ابو ريالين
لا ويطير عقلهم بعد فيها .....ياحليلهم
معلومة اضافيه ......خلي ورقتج ممتعه يعني fun
مثال ....انا سويت عن الطعام وهذا الكتاب اللي استخدمته ....
وشنو كان المطلوب ....؟؟؟
كان المفروض كل مجموعه تلصق من الكتيب صورتين للطعام اللي ابيه
شنو سويت ...؟؟؟؟
طبعت ورقه فيها صورة شخص على كبر الصفحه وبطنه كبير مربع
تقدرون تسووونها بالورد من اشكال تلقائية ....راس مدور وجسم مربع ورجول مستطيل
وبس ....المهم ...بعد ما سويت الشخص ...خليت
يطلع منه كلام يقول فيه اللي يبيه من انواع الطعام .....وعلى الطلبه
انهم يلصقوا الطعام المطلوب في بطنه ....بعد ما يقرأوا كلامه ......
طبعا سويت اربع اورق لكل مجموعه ورقة
اشرايكم ......طلعت وناسه ولووول
وانا اشجع منو اسرع ....طبعا كل مجموعه طعام غير
عشان ما يغشون من بعض
المهم ....بعد التدريب عرفت قدرتهم على القراءة والمطابقه ومعرفة الطعام وهذا اللي ابيه
ايضا عندي فكرة على الالوان بنفذها .....وهذا كتيبه
وبحط بالورقه ....صورة هذه الصحن مال الالوان اللي دايم مع الرسامين
نفس اللي بالفانيله
عرفتوا ....وراح اطلب من كل مجموعه تلصق اللون اللي انا طالبته
هاه .......شرايكم
صدقوني يا بنات جربوها وماراح تندمووون
تنفع في كل المواد
اذا انتي علوم وعندك عن الاالوان او الاجهزة اوا الاعضاء او وسائل النقل
راح تنفعك روووعه
اذا انتي تربية اسلامية في عندك عن خطوات الوضوء او الصلاه او اسماء المساجد او الصحابه او اي شئ ثاني
اذا انتي رياضايات في عندك كتيب عن الاشكال والاعداد ....روعه اذا بتعرفين مدى استيعابهم
اذا انتي اجتماعيات ...في كتيب الاعلام ...او معالم الدول ...او الجو
اذا انتي عربي ....كتيب عن الحروف ...والكلمات ...وغيرها
وغيره غيره من المواد
الى هنا وصل ابداعي .....انتوا كملوا بابداعكم
اتمنى اكون افدتكم يا بنات .....ونفعتكم
انا على طول اشتري من هالكتيبات واخليها عندي
تنفعني وقت الوهقه ...زياره مديرة ولا موجهه ولا غيره
تحياتي اختكم
**ريـــــــــم**
مبدددددددددددددددددددعة ومميزة
هنيئا لطالبتك بمعلمة مميزة مثلك
ايش عندك افكار تناسب الثانوي
لاني معلمة انجليزي ثانوي