السالفة الله يسلمكم أن أنا وأخواني كل يوم خميس نجتمع على الغداء عند الوالدة
الله يحفظها ويخليها لنا ،، وطبعاً لازم بعد العصر نحلي بكذا صنف من الحلويات
واليوم فكرت أسوي شي غير عن كل مرة فعملت كيكة بالكريمة وحطيت عليها
أكسسوارات من أدوات المطبخ وقدمتها كهدية لوالدتي العزيزة فأعجبتها كثير
شوفوا المقادير والطريقة
المقادير:
* علبة كيك العلالي بالفانيلا ( أنا أستخدمت علبتين )
* كريمة دريم ويب ( أستخدمت 7 أظرف )
* علبة فواكه مشكلة
* علبة صغيرة كورن فليكس
* كيس بسكويت بريتزل حجم صغير
* صلصلة شوكلاته هيرشي + شراب الفراولة هيرشي ( حسب الرغبة )
* ألوان الطعام لتلوين الكريمة ( حسب الرغبة )
* جوز هند مبشور وملون + جوز مفروم ( نسيت أحطه بالصورة )
الطريقة:
تعملي الكريمة بحسب التعليمات وتحاولي تخليها ثقيلة شوي عشان تطلع أحلى في التزيين
تخبزي الكيك بحسب التعليمات وتتركيه ليبرد تماماً وممكن تحطيه بالثلاجة لمدة
نص ساعه قبل البدء بتزيينه حتى يكون متماسك وسهل التقطيع والتشكيل
تقطعي الكيكة نصفين وتسقي النصف الأول بشراب الفواكه المشكله
وبعدين تحطي شوية كريمة وفوقها الفواكه
ترجعي الطبقة الثانية على الأولى وتضغطي عليها بهدوء حتى تتماسك
تمسحي جوانب الكيكة بالكريمة وتحاولي تغطي كل الفتحات بالجوانب
وبعدين تمسحي وجه الكيكة وتسوين سطحها بسكين كبيرة ودخليها الفريزر
لمدة ربع ساعه عشان تتماسك
حطي الكيكة بصحن التقديم
وغطي جوانب الكيكة بالجوز المفروم وابدي بتشكيلها بالكريمة بواسطة
قمع التزيين بالطريقة اللي تحبينها
أنا شكلتها بالكريمة وعملت من فوق خطوط بالبسكويت ومليتها جوز هند
وكورن فليكس وبالوسط حطيت أدوات مصغرة من المطبخ
وهذا شكلها النهائي
وهذا شكل الأدوات من قريب: صحن بحامل وتحته حبة تمر مغطاة بالطحينة والكاكاو
حبتين من الأداة القديمة للطحن والفرم حنا نسميها (الهاون) ، وصحن فخار صغير فيه
حبات من الذرة والعدس والماش (هاذي الأدوات كثير عجبت أمي وأسعدتها )
وعلى فكرة قبل تقديم الكيكة مليت وحدة من أداة (الهاون) بصلصة شوكلاته
هيرشي والثانية بصلصلة الفراولة فصار شكلهم حلو كثير بالأضافة إلي إنا
أستخدمنا الصلصتين بصبهم على قطع الكيك وقت الأكل
إن شاءالله تعجبكم الفكرة وأشوف منكم الردود الحلوة
:27: