السلام عليكم ورحمة الله وبركاته
صباح الخير جميعاً
كثير بنات طلبوا يشوفوا صورة للممسحة العجيبة ، وكيفية إستخدامها ، لذلك فكرت
أني أصورها لكم وأراويكم كيف أستخدمها في شقتي
(اعذروني على عدم وضوح الصور لأن التصوير بالجوال)
أولاً هاذي صورة الممسحة الأصلية ، وممكن تجي باللون الأسود بدل البنفسجي
لم تشترينها معاها أسفنجة إضافية غير الأصلية المثبتة بالعصا وتكون الأسفنجة
قاسية جداً وملفوفة بورق بلاستيك شفاف قاسي، وعليها لصقة فيها بيانات كيفية
أستخدامها
طبعاً تنقعين الممسحة بماء لمدة أقلها ساعتين وبعدها بتصير طرية وبسهولة تعصرينها
صورة مقربة
صورة للممسحة والعصا مفتوحة عالآخر
هاذي الممسحة معصورة خفيف
وهاذي معصورة أكثر وشوفوا الماء طالع منها
اهني رشيت ماي على أرضية الحمام
وهنا مسحتها بالممسحة
وهذا بعد مسحها بثواني شوفوا كيف الأرضية جفت وصارت نظيفة
استخدمها لتنظيف مروحة الحمام
ابلها ماء واعصرها وأمسح جدران الحمام من فوق
الحين نجي للمطبخ
عندي وحدة ثانية للمطبخ والصالة ، بوعاء بلاستيك أحط كم رشة من خلطة
(كلوركس+فيري+ديتول) مع الكثير من الماء
هاذي أرضية المطبخ
اعصر الأسفنجة زين وأمسح الأرضية
الحين خلصتها وصارت نظيفة ، ثواني وتجف