تفضلوا طبخات سريعة ولذية وبالصور

تفضلوا طبخات سريعة ولذية
سلام على جميع بنات عالم حواء
تفضلوا طبخات سريعة ولذية
لو كنتي مستعجلة وما عندك وقت

كبسة لحم

المقادير:
زيت,بصل مفروم ناعم,طماطم مربعات ,صلصة, قرنين فلفل,البهارات(ليمون ناشف,هيل,قرفة,قرنفل),ماجي فلفل أسود,كمون,ملح,رز بسمتي أو أنكل بنز .
الطريقة:
نحمر البصل مع قليل زيت في قدر ضغط ثم نقلقل اللحم وقطع الطماطم والصلصةوقرنين الفلفل ونطفيها بالماء ونضيف البهارات والفلفل الاسود والكمون والماجي ونضغطة لمدة نصف ساعة ونضيف الملح والرز ونوزن موية الرز علشان يطلع الرز مفلفل سر الرز المفلفل أبو حبة واقفة نوزن موية الرز علشان يطلع الرز مفلفل على قول بابا لما تمسكي حبة الرز تطير من يدك من كتر ماهي واقفة ومو مكسرة ولا مفغصة
كيف أو شئ نقدح الزيت ونحمص الرز ونضيف موية ساخنة الين لما يتغطى الرز ونضع ملعقة شاي صغيرة في نصف القدر إذا وقفت ثابتة مو مايلة يعنى موية الرزمضبوطة لكن لو انهزت يعني يبغالها تنقيص ولما تغلي الموية نهدي على الرز ونغطية ولو كان فية موية واستوى الرز نغلي علية ونكشف غطاية القدر ولو كان القدر ناشف من الموية والرز ما استوى نزيدة موية اوذبدة ونهدي علية ونغطية

صينة بطاطس بالمفرومة
المقادير:
بطاطس مقطعة شرائح ومقلية نصف سوا,مفرومة مطقطقة بالبصل,صلصة , كمون ,فلفل أسود ,ملح ,كزبرة خضراء, ماء.
الطريقة:
نرص في الصينة طبقة من البطاطس وطبقة من المفرومة ونذوب في ماء دافي صلصة ونضيف عليها الفلفل الاسود والكمون والملح ونصبها على الصينية ونرش الكزبرة الخضراء ونحمرها في فرن لمدة عشرين دقيقة ممكن نضيف في الصينة أي خضار موجودة عندك(زهرة مقلية,بدنجان أسود مقلي).

السلطة
المقادير:
خيار,جزر,فلفل رومي,طماطم,خس ,بقدونس,بصل أخضر,فجل ,زيت زيتون,فلفل أسود,سماق,ملح ,عصير ليمون ,خل.
الطريقة:
نقطع الخضار ونضيف عليها زيت الزيتون والملح والسماق وعصير اليمون والخل والملح ورشة من الفلفل الأسود.

رز بالشعرية
المقادير:
سمن فارم أو ذبدة أوزيت ,مستكة ,حبات هيل ,ماجي,شعيريةملح,رز أنكل بنز أو أبو بنت,وماء.
الطريقة:
نقدح السمن مع المستكة والهيل ونحمر الشعرية ونضيف الرز والماء والماجي والملح ونغطية ونهدي النار الين لما يستوي الرز.


دجاج الشواية
المقادير:
دجاجة,ذبدة,زيت زيتون,إكليل الجبل,ثوم مدقوق أو مبشور,فلفل أسود,كمون,ملح,خل,عصير ليمون,ماجي,خيط مطاطي لربط الدجاجة.
الطريقة:
نضف الدجاجة من جوة وبرة بالملح والخل والموية ونضع في ذبدية ذبدة وزيت الزيتون والملح والماجي والفلفل الأسود والكمون وإكليل الجبل والثوم المدقوق وشوبة عصير ليمون وخل لتطرية الدجاجة وندهن الدجاجة بالتتبيلة من برة وجوةوالفن تدخلي التتبيلة مابين صدر وجلدة الدجاجة وتكتفيها بالخيط المطاطيونخليها متبلة ساعة أوممكن نضعها في كيس نايلوا ونضعها في الفريزة ونستخدمها وقت مانبغ أ وتشويها بالشواية لمدة ساعة أو أقل الين لما تحمر الدجاجة
ولو ماكان عندك شواية أشويها في الفرن على شبك والشبك موضوع في صينة فيها فنجان ماء علشان ماتنشف الدجاجة تاخذ مدة شويها ساعة ساعة وربع على حسب حرارة الفرن لما تحمرها خليها على كل جنب 15 دقيقة وفي الاخير رشي عليها عسل وزبدة وفلفل أسود وكمون وملح وعصرتبن ليمون علشان تكون مقرمشة زي المطاعم.


المنتو
المقادير:
(العجبنة)
4 كاسات دقيق,ربع كاسة ماء دافية مذوب فيها ملعقة ملح وتعجن العجينة ونكورها بالزين ونغطيها بالنايلوا .
(الحشوة)
نص كيلومفرومة غنمي كثيرة الشحم أي الدهن , حبتين كبيرة بصل مفروم ناعم,ملعقتين سمن فارم,فلفل أسود ,كمون,ملح
الطريقة:
تفرد العجنة بالنشابة ونكتر عليها دقيق ونخليها بسمك المناديل الورق ونقص العجينة بكاسة شاي لدوائر ونضع في كل دائرة مقدار ملعقة كبيرة من الحشوة ونضفرها ضفيرة الكسر من الطرفين وندهن الصينة بالسمن او الزيت ونرص حبات المنتو في صينية القدر مخصصة للمنتو ونضيف قدر المنتو ماء,ملح ونصف ليمونة وزيت لتبخير المنتو ونرص الطبقات فوق قدرالمنتو لما نخلص الطبقة التانية نضعها فبل الأولى والسر في المنتو انو نرشة بالموية بعد 5 دقايق من وضعة على النار وبعد كدا نرشة بالسمن او الذبدة.
وبالعافية ومحل مايسري يمري.