شلونكم عساكم بخير
اليوم سويت صحن شوكلاته مشكل وقلت اوريكم طريقتي البسيطه
والصور بتكون مع المقادير
اول شي ناخذ كاكاو خام ابيض وبني
نذوب الكاكاو في الميكرويف او في حمام مائي مع اضافة قليل من الزبده
ناخذ قوالب السليكون وندهنها بالكاكاو
بتكون بهذا الشكل
وهذي بالكاكاو الابيض
ونحطها في الفريزر عشان الكاكاو يجمد
وفي هذا الوقت نحضر الحشوات
الحشوه الاولى عباره عن مكسرات مطحونه نص طحن + قليل من الدارسين + قليل من السكر البودره
ونضيف عليهم شويه من شيرة الحلويات
وهذي صورتها
والحشوه الثانيه عباره عن شعيريه نحمسها على النار مع قليل من الزبده وحليب محلى
والحشوه الثالثه عباره عن بسكويت اوريو مطحون + قليل من القيمر + قليل من السكر المطحون
نخلطهم مع بعض على النار الى ان تصير الخلطه غليظه
بعدين نتركه يبرد
نبتدي نحشي قوالب الكاكاو بالحشوات
نضيف معاهم حلاوه السمارتيز وبعدين نحط فوقهم الحشوه
نحط طبقه ثانيه من الكاكاو على كل حشوه ونحطهم مره ثانيه في الفريزر عشان تجمد الخلطه وقبل التقديم نقلبهم وبعدين نحطهم في ورق البيسليه
وبتكون الشوكلاته جاهزه
وعليكم بألف صحه وعافيه
ومع السلامه