انا اشوف افضل مدينه في السعودية
جـــــــــــــــــــــــــــــــــــــــــــــــدة
كل شي متوفر وراحة نفسية
غيرلان
•
والله انا الحين نفس الحيره بس انا من الرياض لجده ادرى انه فى المقارنه اكيد جده الرياض كئيبه بس المشكله انى راح ابعد عن الناس الى بحبهم والله يختارلنا الى فيه الصالح
جده حلوه بس زحمه يادنيا زحمه حديد في حديد السنه كلها الدمام ع ما اسمع مافيها زحمه وتوصولين المشواربسرعه بقولك شي لله نصيحه بيتكم لا تبيعونه جده الارضي فيها نار مره نار ع 800 الف وانت طالعه والله من ناس اعرفهم كل شي غالي فيها ونصيحه ثانيه جربي الحياه في جده فتره موقته انت تقدرين تتكيفين ع الوضع وسلامتك الله يكتب لكم الي فيه الخير
لوجي2005
•
حبيتي اقلك بصراحة وراح اعطيكي تشبيه تقدري تجمعي بين جدة والدمام راح تقولي كيف ؟؟؟ الدمام كلو علي بعضوا حي من احياء جدة فيها هدوء وخصوصية يعني بغيتي الهدوء والخصوصية اسكني في احياء جدة الراقية هدوء و اجمل وارقي من الدمام وكمان اسواق راقية عندنا الكورنيش من بدايتو الين نهايتو مقفل راح ينفتح بعد شهر تخطيط رائع للبحر ومناظر خلابة ( الكلام دا للي جالسين ينتقدوا بحرنا) وراح تلاقي عندنا مناطق كثيرة للبحر الكثير من اهل المناطق اللي يجوا في الاجازة مايعرفوها عندنا ابحر والكورنيش والحمرا هادي 3 اماكن مختلفة و عندن ثول قرية تبعد عننا 45 دقيقة وابحر الجنوبية شاطئ بكر وجميل حتي البجعات تشوفيها وكمان خليج سلمان الاسواق في الويك اند تفتح الين 12 والمطاعم الين 2 او 3 الفجر الايام العادية ينفتح الاسواق الين 11 مساء والمطاعم الين 2 برضو اهل جدة ماراح تلاقي فيهم اللقافة في حالهم مالهم صلاح باحد لا حقد ولا نفسيات ولاعنصرية وتعامل جدا راقي اما الجو عندنا في الشتا غير شكل مع البحر طفشانة زهقانة 45 دقيقة وانتي بمكة 3 ساعات وانتي بالمدينة ساعتين وانتي بالطايف ساعة ونص وانتي في بحر رابغ و ينبع و مطعم البيك في كل ركن بتلاقيه فنادق علي البحر شاليهات علي البحر استرحات خاصة مهرجانات بصراحة حياة غير مرة جدة غير مريحة وممتعة وربنا يكتبلك اللي فيه الخير يعني تبغي الدمام والخبر موجود راح تلاقي في احيائنا احلي منها مع اني رحت كدا مرة الدمام والخبر حلوة وناسها طيبين ربنا يباركلهم فيها
الصفحة الأخيرة
وهذي الشاليهات