اول شي تقرري تسويه اذا بتسكني جده

زوجك يغير سيارته لجيب او جمس علشان جده فيها ميزه ماهي موجوده باي مكان غيرها

الحفر و المطبات و اسئلي زوجك و هو بيفهم ههههه

الا و تاكلين لك مطب او تدبجين في حفره ما يعدي مشوارك بالساهل

و انتي ماشيه تحسين انك في ملاهي مو شارع


تاني شي

جده مناطق مو منطقه وحده

تلاقين كل جزء جغرافي منها يكون مجتمع لحاله يختلف عن الباقي

و هذا بسبب انها وجهه للقادمين من الخارج و لان جده مدينه تستوعب كل شي

فتلاقين سهل تكوين مجمعات جاليه

في مناطق فخمه و فيها كل الخدمات و في مناطق وسط و في مناطق تحت خط الفقر

و جنوب جده هذا يعتبر مجمع عربي من كل الجنسيات

الاحياء الفخمه باهظه سواء اسعار الاراضي او الفلل

الاسواق

بين كل شارع و شارعين تطبين لك بمجمع تجاري او مركز تسوق او سوق مركزي

الاسواق فيها كثير

البحر لا شي يذكر اغلبه مسور و فاتحين مساحه بسيطه ارصفه و كم كوشك و الكثير من الفئران

الفار قد البس من كبره بس ما يطلعون الا بالليل ههههه و الباقي مشاريع

تجاريه شاليهات او تاكلين لك ابو ساعتين حتى تروحين خليج سلمان و انواع الزبايل و القرف و الفئران

و مافي خدمات و لا ارصفه ولا شي تراب و بحر و زباله اللي جوا قبلكم عاد عدي كم جو قبلكم

و ايش كمان ؟

بالنسبه للشعب عادي يتعاشر لكن زي ما قلت في مجمعات جاليات

يعني السعودين مع بعض الفلسطنين مع بعض السودانين مع بعض

وترا فيها كثييييييير فلسطنيه و لهم احياء معروفه يتواجدون فيها بكثافه

ترا هذا مو تقليل بس كمعلومه انه الجداويين يتعايشون مع اي انسان قلوبهم وسيعه

حتى الاندنوسيه لهم احياء يتواجدون فيها بكثره هههه عشان كذا اهل جده غالبا ما يعانون كثير من ازمه الشغالات

و فيها شارع المكرونه اللي محد يعرف ليش اسمه كذا الا اهلها هههه

المدارس في خاصه وسط وفي خاصه على مستوا رفيع لكن غاليه تبدا من ٢٥ الف للطالب الابتدائي

الاراضي فيها غاليه و الاجارات تعتبر مقبوله مقارنه بسعر الاجارات في باقي المدن

النظام مافي باي مكان عشوائي الا من فئه تحاول تضبط الوضع بس قليله

و الكثير الكثير من الشحاتين عند كل اشاره وقدام اي مركز او مستشفى

مع ذلك تعتبر مدينه حلوه

تحسي انك عايشه صح حياه صح مو مثاليه وهذا اللي يميزها

صاحيه طول الليل لو تخرجي تلاقي امكان كثير شغاله و ناس صاحيه زيك ما جاها نوم

و افضل ما فيها مكه جنبك و المدينه متى ما اشتقتي تقدري تروحي بسهوله

اممم انا عن نفسي افضل جده
اااه ع جده ارض الرخا والشده
ويااارب ارجع جده في القريب العاجل
ويكفي ان جده بوابة الحرررمين

وانا مع الا خت
وانا مجربه العيشتين
عشت في الخبر والحين أنا في جده
والحمد لله ع كل حال
بس فرق السماء عن الارض

الله يسعد قلب كل وحده ردت علي ومشكورين يالغاليات ...قررنا مبديئآ انا نصلح زياره ل جده في اجازه منتصف العام الدراسي ونشوف كيف جوها مناسب او لا طبعا اصلح لها زياره من فتره وفتره بس تمشيه لكن مو زي هذه المره غير زياره بحث وتفتيشش.
الله يقدم اللي فيه خير وعافيه لي ولزوجي وعيالي ..........اللهم امين...

جده طول السنه تستظيف المعتمرين والحجاج عشان كذا زحمه غير الدمام الدمام مافيها الا اهلها او اللي يروحها يروح عشان شي محدد ياشغل يا دراسه مو مثل جده بوابه لضيوف الرحمن غير نسبه الاجانب الكبيره فيها انا من مواليد جده وعايشه طول عمري فيها جده ناقصها اهتمام في المشاريع والبنيه التحتيه مضروبه وجده العقار فيها غالي يعني شقه في حي مناسب مثل النسيم مثلا فوق الثلاثنين الف بالسنه غالي العقار بجده وانا من خلال تجربتي الدمام انسب لك تقبلي ودي