طبعاااا اخووواتي كل وحده فيكم لها ماضي طفووولي جميل
راح اقولكم عن ذكرياااتي اللي لازلت اتذكرها ههههه
كنت لمن اشوف بيت فيه جرس اروح ادق الجرس وانحاش>>>عاد مدري ليه بس احس بوناسه هههه
كنت اتهاوش مع اخواني على القرواضه اللي بالدجاجه >>هي زي العظم بيضاء بس لينه
كنت مره ببيتنا بالحوش وارمي هوز بالشارع وطبعا كان واحد مااار الا ويصقعه وجاء طق الباب وشكى لاخوي :angry2:وطبعا
انابريئه ماسويت شيء ههههه
كنت اجمع القرش اللي بالهلله واذا صار ريال اروح للبقاله واشتري به علوك >>كان له قيمه القرش ههه
كنت لمن اودع البنات بالباص للمدرسه اقولهم باي باي مع السلامه عصفور طلق حمامه<,,>بالله عليكم شفتوا
عصفور متزوج من حمامه خخخخ
كنت لمن يطيح ضرسي اجمع سبع نواة حقت الرطب او التمر واذا شفت الشمس اخذ الضرس مع النواة وارميهم على الشمس واقولها
ياشمس هذا ضرس :22:حمااار اخذيه وعطيني ضرس غزال<,<,استغفر الله :(يارب تسامحني
هيا هيا اسدحوووا مواقفكم الطفوووليه:26:
واحب اهديكم هااالقصيده الجميله
ياليتني طفل وكلن يداري دمعتي
ومحدٍ يزعلني ولا اصير زعلان
ياليتني طفل واكبر همومي لعبتي
ولا يضيق صدري ولا اكون طفشان
ياليتني طفل بالغصب تمشي
كلمتي
واللي يباريني أنا أقول خسران
ياليتني طفل ومحدٍ يقاوم رغبتي
واللي ابيه يصير لو كنت غلطان
ياليتني طفل دايم بوجهي ضحكتي
وأشوف كل الكون أشكال وألوان
ياليتني طفل آمر وأنا في غرفتي
وأشوف كل الكون حاضر وفرحان
ياليتني طفل وأمي تسمّى حجتي
تجيب لي كل شي وأنا دوم طمعان
ياليتني طفل وكلن يصدق كذبتي
لان البراءه فخافقي ماسكه شان
ياليتني طفل ومحدٍ يواخذ زلتي
وأمي تبدّيني على فلان وفلان
ياليتني طفل وترجع خطاوي رحلتي
وماراح أزعل لو تقولون بزران
سبحان الله وبحمده