تفضلو الله يجزآكم بالخير ..

السلام عليكم ورحمة الله وبركاته.
مساكم الله بالخير جميعآ..
عفوآ انا كنت دايمآ ادخل اتصفح في هالمنتدى وكان مره يعجبني لذلك حبيت اسجل عشان افضفض وألآقي عندكم حل للحاله اللي أمر فيها ..
يابنات انا متزوجه صار لي سنتين تقريبآ وعندي ولد ولله الحمد..قبل كم شهر حملت واجهضت في شهرين طبعآ ماكان ودي احمل بس الله أراد ويوم أجهضت تعبت نفسيتي مره.ومن بعد الولاده والاجهاض قلت تووووبه من الحمل وصرت اخاف واتجنن من شي اسمه حمل وولاده ومع كذا ما اخذت مانع بس حاليآ نستخدم الواقي لأني برضو اخاف من اللولب والحبوب.انصحوني وش افضل مانع..المشكله الثانيه لآهنتو انا اتوتر دائمآ اذا جاتني الدوره الشهريه أكرمكم الله والله يابنات احس اذا جاتني ما اقدر امارس حياتي الطبيعيه لاشغل بيت ولا مراعاه لزوجي وولدي لدرجة وقتهآ انام انا وولدي في غرفه وزوجي في غرفه ثانيه احس وقتها ماني طايقته ولا طايقه نفسي..انصحوني ابغى ارتاح الله يجزاكم بالخير 
المشكله الثالثه يابنات في فترة نفاسي وانا كنت جالسه عند اهلي حبيت اختبر زوجي من شريحه ثانيه وفعلآ اختبرته واعطاني وجه وكان يتواصل معي بالرسايل وبعدهآ كسرت الشريحه وانتهى المةضوع .بس الى الحين كل ما اتذكر اللي سواه احس اني كارهته وكارهه حياتي معاه..
اتمنى تنصحوني لأني حاليآ والله احس اني مليت من نفسي وزوجي وبيتي والروتين وكل شي
الله يجزاكم بالخير ويعطيكم الصحه والعافيه.
اختكم..نوفآ