تفضلو بسبوستي..............بس يارب تطلع الصور.

احلى سلام الى احلى بنات.........ادري بتقولون من وين طلعت هذي
:22: بس الدنيا مشاغل ماودي اطول عليكم من زمان ودي اكتب لكم طريقتي في البسبوسة
اللي ولله الحمد كل من ذاقها انهبل عليها وحدة:hahaha: ماخذه بنفسها مقلب
بس قلت لازم اتعلم انزل الصور بعدين اكتبها لكم بس ان شاء الله ماتفشلني وتطلع الصور

الطريقة :
لازم ومهم تستخدمي صينية المعدن القديمة ولا يمكن اسوي بسبوسة الا فيها عشان تطلع محموسة
ومتماسكة زي البسبوسة القديمة.
المقادير _ كاسين ونصف سميد - كاس الاربع جوز هند - علبة قشطة -ربع كاس سكر - نصف كاس زيت - ملعقة صغيرة بكم بودر ونصف كاس ماء .
اخلطي جميع المقادير مع بعض وممكن تزيدي شوي ماء بعدين ادهني صينية المعدن بالزيت
وحطي البسبوسة و ادهني يدك زيت و ساوي سطح البسبوسة بعدين قطعيها بسكين
وحطي فوق كل قطعة حبة لوز او صنوبر او اللي تبين بعدين دخليها الفرن
من تحت مدة ساعة الاربع تقريبا او حتى تتحمر حوايفها بعدين حمريها
من فوق وكل ماكان تحميرها اكثر كانت احلى بعدين طلعيها من الفرن
ومرري السكين مكان التقطيع الاول حتى تشرب الشيره (مهم )
بعدين اخلطي شيرة مع حليب محلى بس الشيرة تكون اكثر وسقيها
البسبوسة وخلي البسبوسة حتي تبرد عشان تشرب الشيره زين
وما تتفتت يارب تعجبكم ويارب تطلع الصور