السلام عليكم من جد احترت احطه بقسم الطبخ ولا هنا لكن بهاذاالقسم افضل زوجي يسوي رجيم يبغى ينحف والحمدلله وصل لدرجة الرشاقه تكفون قولو ماشاءالله تبارك الله لاانه تعب مره له 6شهور لكن الحمدلله مااحرم نفسه عوضهاباالااكل الصحي والمشي مومره قليل لاانه كسوووووول جداً كان يلعب اوربت تراك (الدراجه) وشرب علبة ماء كبيره بااليوم
فطوره _______ شابوره وشاهي لكن مودائم واحيانا سندوتشات ونجي لسرها انا طلبت منه يجيب طحين بر من المطاحن واعجنه بماء تكون شبه سائله تدرون وشو السر انه طحين وماء مافي بكينج بودر ولاشيئ من المواد الرافعه المنفخه
واصبهاباالصينيه طبعا تيفال علشان مااضيف زيت وتتلصق واذا استوت احشيها (بيض وطماطم او خيار)ومره (جبنه وجرجير) ومره(لبنه)ومره(جبنه ساده خالية الدسم طبعاً تحصلونها عند الي يبيع باالكيلو اجبان طبعا انوع له ومرات مايبغى يفطر لكن اجبره لو حبة تفاحه لاان الفطور جدا مهم
الغداء________دجاج وخضار اتبلها ببهارات من غير ملح ابداً وصوص صويا قليل الدسم واحطها وثوم وبصل والسر(زنجبيل )كلهم مفرومين وفلفل اخضر وااااااااو على الريحه والطعم باالصينيه واغلفها باالقصدير وعلى طول الفرن من اسفل حتى تنضج وبعدين افتح القصدير واحمر من فوق وطبعا على الغداء ضروري زبادي والسلطه انوع (جرجير وخيار وطماطم )(خيار طماطم فلفل اخضر بقدونس نص جزره مبشوره ونعناع مفروم وعصرة ليمونه ملح لالالالا(معلومه الملح يزيد السوائل باالجسم وبذكر لكم قصه مره كنت عند جدي ويسولف عن الغنم ويقول بعض الناس الله يهديهم يغشون باالغنم قلت كيف يقول يحطون لهم الملح بكثره وبعد فتره تتنفخ ويروحون يبيعونها والسر بنفخها كثرة السوائل ولا لحمها قليل نرجع لتنويع الغداء مره سويت نفس طريقة الدجاج لكن سمك ومره نفسه بمكرونه طبعا سويت له ليه احرمه لكن مكرونه باالبر تحصلونها باالهايبر قسم الدايت سويتها نفس الطريقه العاديه لكن بدون ملح حطيت بصل وربع ملعقه صغيره زيت زيتون واتوقع اقل وحمست بصل وتوم والسر الثاني(زنجبيل)خيال طعمه وريحته تجنن وكملو المكرونه عادي مثل الطريقه العاديه ومره سويت ايدام صيني قطعت دجاج صغار وخضار كوسه نصف جزره بزاليا وثوم وزنجبيل طبعا طازج وفلفل رومي الااخضر وبهارات وصوص الصويا قليل الدسم بقسم الدايت واخذ الصينيه واشوح البصل ثم اضع جميع مقاديري واغطيهم بغطاء قدر لاتضيفون ماء لا حركوه كل شوي حتى يتغير شكل الدجاج وتتشرب الخلطه كامله لاان الصويا سائل وبيجهز احلى ايدام وجهزو الخبزه مثل خبزة الفطور نسيت اكتب لكم العصير المفضل (عصير اناناس ندى لاانه غير محلى وخفيف وطعمه امممممممم ادمنت مع زوجي على فكره انا اكل مثل اكله القولون كان ذابحني اول الحين ياربي لك الحمد ارتحت مره ابشركم مااستعمل الحبوب خلاص بح السر اول كان بااكلي
العشاء_______سندوتشات وسلطه وشوربه طبعا اسوي الشوفان كويكر ملعقتين على ماء حار واضيف ملعقه من الشوربه الجاهزه علشان النكهه تلاقون الشوربه الجاهزه طبعا بودره بقسم الدايت وخلوهم يطبخون وتطلع لكم احلى شوربه احيانا اضيف فطر او المسمى المعروف المشروم واحيانا اسوي صينية مسقعه اسلق الخضار بعد اضافة البهارات والثوم والزنجبيل الطازج المبشور اذااستوت احطها بصينيه ونجي للبشمل زبادي وزنجبيل مبشور ورشة فلفل اسود واصبهم على الخضار واحطهم باالفرن من اعلى فقط حتى تتماسك الخلطه تؤكل حاره امممممممم لذيذه وبس اذا تذكرت او الفت طبخه ابشرو من عيوني بحطها لكم طبعا ماكتبت الفواكه لاانه بديهي معروف اذا جعتي تاكلين فواكه وصح زوجي يموت باالقهوه باانواعها ماانحرم القهوه العربيه اذا سويتها ياكل حبة تمره ومره سويت حلى دايت قريبا اكتبه لكم ويحب الكابتشينو والحمدلله يشربه وهو مطمئن لاانه من قسم الدايت الكوفي ميت قليل الدسم باالفانيليا تجنن يعني لايت والنسكافيه من نستله مكتوب قولد رهيبه تجنن والسكر زيرو كرتونه كحلي واي استفسار انا باالخدمه اتمنى منكم الدعاء لوالدي باالمغفره والرحمه والله يجمعنا به بجنات النعيم والله دموعنا ماجفت ومستحيل تجف :( ماابغى شيئ من الدنيا بس نفسي ربي يكتب لي الجنه انا وولديني واخواتي واخواني ومن احب :26::26::26:
PWI @pwi
محررة برونزية
يلزم عليك تسجيل الدخول أولًا لكتابة تعليق.
بحرالحنين الدافئ
•
ياااااااااااااااااااااااحبيبتي مااااااشاااء الله الله يزيدكم عزم وثباااات ياااارب ربي لايحرمك وووالدينك واهلك الجناااااان ولجميع المسلمين والمسلمااات يااارب
ام بلول
•
مشكورة ياقلبي والله يعطيكي الصحه والعافية يارب
غفر الله لوالدك واسكنه الفردوس الاعلى من الجنه وجميع موتى المسلمين
غفر الله لوالدك واسكنه الفردوس الاعلى من الجنه وجميع موتى المسلمين
الصفحة الأخيرة