السلام عليكم ورحمة الله وبركاته
الحمد لله على كل نعمة اعطانا اياهاا .. واحلى نعمة هي الحمل والولادة وتكوين الاسرة .. والعيال يكونون بصحه وعافية .. يارب لك الحمد كثيرااا والشكر كثيرااا..
انا يا بنات مثلي مثلكم انسانة اطمع دائما بكرم رب العالمين .. عطاني ربي ثلاث بنات وله الحمد والشكر بصحه وعافية .. نظرة بعض الناس الدونية تعبتني .. خوفهم مني :44:.. الشفقه علي :mad: .. ما ادري شلوون يفكرون هالناس ...
بعد انجابي لبنتي الثالثة شفت نظرات الناس علي .. بدال ما يفرحووني يحسسوني اني مسوية ذنب كبييييييير .. استغفر الله
بحثت بالنت وبحثت بالكتب ورحت لدكتورة عشان تساعدني بانجاب الولد بعد الله .. اتبعت نظام غذائي اووووف تعبني .. اخذت حبوب وابر وغيره وغيره .. وبالاخير ماكتب لي ربي الحمل .. فرجع عقلي براسي وقلت خلااااص اللي كاتبه لي ربي راضيه فيه .. زوجي يحاول يقنعني بس انا راااااااافضة والى الحين انا رااااافضة ..
يا بنات طريقتي كانت بدايتها .. صلاة استخاره .. الاستغفار .. صلاة الليل .. الاخذ بالاسباب والتوكل على الله ..
بعد ما تتمسكين بهالامور نجي حق الجزء الثاني ..
في ملح موجود بالجمعيات واكيد الكل يعرفه اللي اهو الملح الصيني او الماجي الابيض او اجينموتو ..هاذي صورته من النت للي ما يعرفه ..
يمكن في انواع غيره بس هاذا النوع انا اللي استعملته ..
-تاخذين منه كيس الى كيسين .. حسب احتياجج ..وتفرغينه بعلبه او تخلينه .. والافضل تحطينه بعلبه ..
-تخففين كمية منه مع الماي .. يا بنات انا كنت استعمل الكمية على النظر .. التقدير ملعقة كبيرة مع كوب ماي ..
-تشطفين المكان الحساس يوميا فيه ..لمدة مابين شهر الى شهرين .. انا جربتها شهر ...
- تحسبين الدورة من اول يوم .. ولما تجين الى اليوم 16 او 17 يكون فيه جماع بشرط يكون قبلها على الاقل بثلاث ايام مافيه جماع وبعدها بثلاث ايام مافي جماع .. فهمتوو .. يارب اكون فهمتكم ..
*مثال: الدورة كانت بتاريخ 1 /5 .. تحسبين الى تاريخ 16/5 تكون فيه علاقة .. بشرط يوم 13و14و15 /5 ماكو علاقة .. ويوم 17و18و19/5 ماكو علاقة ..
النقطة الجاية شوي جريئه بس اسمحولي ..
- لما يصير وقت الجماع .. خلي وقت الجماع يكون بسرعه من غير ما تبذلين مجهود .. وخلي وضيعتج بالجماع تسمح بوصول الحيوانات المنوية بسرعه .. لان الحيوانات المنوية الذكرية تموت بسرعه والانثوية اتطوول ..واحنا نبي الذكرية توصل اسرع من الانثوية ...
ملاحظات صغيرة كنت اسويهاا :
-لاني جربت النظام مدة شهر فصرت اغسل باليوم مرتين .. وفي ايام التبويض كنت آخذ ابره المستوصف اللي تعطون عيالكم فيها الدوا .. كنت اسحب شوي من الغسول واضغط الى داخل .. اخلي الملح يوصل الى داخل ..
-طووول الفترة اللي كنت اغتسل فيها كان زوجي مسافر ورجع بيوم 17 من الدورة ..
- بالنسبة للضرر اللي بيسألون .. ترا ما شفت شي ولا تغير علي شي ..
- في حملي هاذا ما جربت الطريقة بسبب الكسل .. قالت لي الدكتور فيج بنت .. الحمد لله والله حبيتها ..
مابي منكم يا بنات غير الدعوة لي بظهر الغيب ان ربي يبعد عني عيون الناس والحاسدين ويوفقني بحياتي ويرزقني واشوف عيالي من اوائل الطلبة ومن حفظة القرآن .. ويخلي لي زوجي وما يخلي بقلبه احد غير ..
ودعوة لوحدة من صديقاتي .. عسى الله يشفي لها بنتها ويرزقها بالاولاد ..
لا تنسووون .. ولكـ بالمثل ..
اي سؤال يا بنات انا حاااضر .. وياااارب يرزقككم يااا بنااااات :26:
ويرزق كل وحدة تتمنى الذرية .. :26:
اللي بتنقل حلال عليهاااا ...
لااله الا انت سبحانك اني كنت من الظالمين