كيفكم ياخواتي الغاليات بنات حواء ان شاء الله اموركم تمام
جايتكم اليوم بصور لعشانا البسيط بس لذيذ طبعا ولا عندكم كلام غير كذا امزح ترى
المهم عندي لحمه وحيرانه ايش اسويها وفكرت وفكرت ورسيت على اني احمرها في الفرن وانا جالسه اقطع اللحمه
قررت اغير في التتبيله يعني ماراح احط بهارت وملح بس لازم اغيرشوي واليكم الطريقه
اولا==سلقت اللحم في قدرمع راس بصل وورق غار وهيل وقرفه وشلت الريم لما طلع وبعدين تركته لما استوى
ثانيا==حضرت خلطه التتبيل وكانت مكونه من ملعقه اكل كاتشب =وملعقه اكل خردل=وملعقه اكل كركم وملح=
وملعقه صغيره صلصه=وملعقه صغيره بهار مشكل انامسويته وحاطته في علبه ويجلس معي فتره طويله((فلفل
اسود -كمون -كزبره ناشفه-هيل- قرفه- قرنفل-شوي فلفل احمر)))وممكن تحطين بداله ملعقه كاري على راحتكم
وملعقتين اكل خل ابيض
ثالثا==خلطت مكونات التتبيله وضفت لها شويه مويه وتبلت اللحم وحطيته في صينيه واضفت له كميه بسيطه من ماء
سلق اللحم علشان لا يحف مره مع التحمير
رابعا ==دخلته الفرن وشغلت الشوايه وتركته حتى اتحمر مضبوط وبعدين قلبت اللحم ليتحمر من تحت
خامسا==قدمته مع رز لونه اصفر مطبوخ عادي مع هيل وراس قلفل اخضروقرفه وشويه كركم++صحن سلطه
والله طلع طعمه رهيب ان شاء الله يعجبكم وتسوونه والان اتركم مع الصور
ماشاء الله تبارك الله
يسلمووووو
الله يعطيكـــــ العاااافية