تفضلو لاهنتو موضووووووع مختلف يارب يعجبكم

السلام عليكم 
كيف السهرانات 
وكيف النايمات اللي تو صحو 
اليوم قلت اغير الروتين اللي بالمنتدى وبما اني احب الشعر
قلت ليش مانتذكر حياة الناس اول وكيف طريقة تفكيرهم
وحبيت انقل لكم بعض القصائد من الشاعرات وقصصهن
وابي تفرقون بينهن وبقوة شعرهن وبعض الشاعرات اللي بالوقت الحال
ترى قلت بعضهن موب كلهن لان من جد احس بعض الشاعرات ودي اقول لها اسكتي بس

ويله اترككم قرائه ممتعه
ويارب تعجبكم 
والله الله بالردود الزينه


 هذه قصة فتاه عانت من تحجير ابن عمها وكانت لاتريده
واشارت لها احدا صاحباتها بحيله للتخلص منه فطلبت منها
ان تتزين واذا اجتمع قومها ظهرت عليهم 
واوضحت ان لاغنى لها عنهم وان لها رغبه في الزواج بشرط ان تكون لها حرية الاختيار
 ففعلت فاستجابو لها فاختارت عكس ماتوقعو  
رجلاً مسناً كي لايغتاض ابناء عمها اذا اختارت شاباً ويرفضون
فوافقو وتزوجت المسن
فتخلصت من التحجير
وجاء الان التخلص من المسن زوجها فبعد فتره قصيره من زواجها لمحت 
زوجها مقبلً 
فاخذت تغني متظاهره عدم رؤيته

ياحمد ياعيد حلفات الركايب
مامعك بالقلب لامن صد حيله
جعل عرس حط في عمري نشايب
ينقطع قطعة رشا بيرً طويله
حظي الاقشر بلاني لي بشايب
مثل صيف اليا نشا خلب مخيله
 كن غزل اذانيه ريفً في شعايب
 مثل ضبع اليا مشى ينفض شليله

فسمعها وكانت تريد ذالك ورد عليها في الحال دون انتظار واعطاها ماتريد

وقال هذه الابيات
كيف هي تختارني بين القرايب
 وانكرتني يوم قد هي لي حليله
 شايبً شيبي على عوصا نجايب
سبرها فأن درهمت فلها دليله
طالقاً بعداد ماهبت هبايب
 وعد دق العرق وانواداً تشيله

هذه شاعره مجهوله
كانت تسكن وقومها في جوار مانع بن سويط شيخ الظفير وعشقها
اخاه فقام بطردها مانع هى ومن معها من قومها فقالت :
يالله عسى ماتكره النفس خيره
ياوالي القدره عليك التدابيـر 
اللي فرق بين العشير وعشيره
هو له وانا ليه ولي المقاديـر 
وراك يامانـع تبتـن بجيـره
زودن على تلطيخكم بمالعايير 
انا صلببية ولانـي نحيـره
وانتم نحايركم رقاب المناعير 
حنا صليب ولاعلينا تحييـره
عاداتنا ننزل خلاف الدواويـر 
مانع اذا ركب الجواد الظهيره
ماله مثيل يعلم الله سوى الزير 
زير العراق اللي ربى بالجزيره
شيخ كبير ووافي بالتشابيـر
 
و حين رحلت عن الظفير ارقبت في ذلك الرجم وقالت :

عند الضحى عديـت رأس عنقـور
اشرف على راعي العلوم الدقاقـه 
ياونتي ياما بصدري مـن الجـور
ونـة ضعيـف ضاهدينـه رفاقـه 
يايااه شفي واحدن من هل الهـور
هو عشقتي مـن ناقليـن التفاقـه 
غديت له عوق وهو صار لي ثابور
والكل منا صـار شوفـه يعوقـه
 
وسمعتها امها فرق فعذلتها بقولها:

برق مصد عنك لو كان بـه نـور
بالك تخيله لـو ربيعـك شفاقـه 
ترى الرجال ابهم تمازيح واغرور
ومن قبل بخصه لا يجي لك عشاقه
 
فردت عليها الدقيس بقولها :

من لا استشارك لاتبدي له الشور
ومن لايودك نور عينـك فراقـه 



في مساجلاة شعرية بين ( مويضي ) وأختها ( بنا ) تمدح زوجها
وتنتقص زوج اختها مويضي :

شوقي غلب شوقك على هبة الريح
ومحصل فخر الكـرم والشجاعـه 
ركاب شوقي كل يـوم مشاويـح
واذا لفى صكوا عليـه الجماعـه 
ياالبيض شومن للرجال المفالـح
لا تقربن راعي الردى والدناعـه
 
فأجابتها اختها مويضي تقول :

ماهو بخافينـي رجـال الشجاعـه
ودي بهم بس المنتاعيـر صلفيـن 
أريـد منـدس بوسـط الجمـاعـه
يرعى غنمهـم والبهـم والبعاريـن 
واذا نزرتـه راح قلبـه رعـاعـه
يقول : ياهافي الحشا ويش تبغيـن 
وأن قلت له : هات الحطب قال طاعه
وعجل يجي بالقدر هو والمواعيـن 
لو اضربـه مشتـدة ٍ فـي كراعـه
ماهو بشاكـي ولا النـاس داريـن

((((( اعجبتني هالمساجله بين مويضي واختها ))))))

*شاعره من نجد فقدت كل اسرتها اثر غزوه وهي طفله.. حيث اختبات مع رجل وامراه من عبيد اسرتها..وبعد ان كبرت حدث وان طلب منها الرجل(الذي كان ذات يوم عبدا لاسرتها)ان تنام باكرا ولاتسهر الى مابعد العشاء..فردت قائله له:مالك شغل يافرج..فلطمها فرج وقال:يالكلبه انا عمك فرج ولا اسمعك بعد اليوم تقولين لي الا ياعمي ... 

فقالت هذه الابيات
 هنيكم ياهل القلـوب المريحـه
مالوم عيني لو جرى دمعهـا دم 
ابكي هلي اهل الدلال المليحـه
اخواني اللـي لابغـو لازم تـم 
يالعبد هاذي من حكايا الفضيحه
خل السهر لي وانت يالعبد قم نم 
من اول نامـر تجـي بالذبيحـه
واليوم ياعصر الندم صرت لي عم

((((( احيييييه انقهرت والله )))))

 رات أخاها  وقدبانت عليه امارات عشق احدى الفتيات وكان ينشد قائلا...

يامرحبا ياللي على بيتنـا مـر
رد السلام ولامعي فيـه حيلـه 
يامرحبا عدة حصى كشب واكثر
وعدد جراد طاير مـن مقيلـه 
ياحلو زوله يوم لبس المشجر
ياطى بمصبوب القدم في شليله
 
فلامته أخته (صالحه) في هذه الأبيات....

انهاك ياغازي عن الحب الأقشـر
انهاك عن درب الهوى وتغديلـه 
خل الهوى يامال جـوع المجـدر
ترى الهوى ماهو خطاة الحليلـه 
ترى الهوى حسك الوبر حلوة الدر
ليـا بركـن حيرانهـا بالسليلـه 
ترى الهوى رمح على حارك اشقر
اللي على الركاب يكسـر شليلـه 
ترى الهوى عزمة ركيب الى مـر
عن بيت خمـع ماينشـط مقيلـه 
خل الشحم والسمن للربـع يكثـر
مع منسف داف عليهـم تشيلـه 
من ضيننا والا فضيـن المتجـر
عطهم ثمنهـا نقـد والا محيلـه 
ماهيب بنت اللي نعوله لهـا كـر
اللي على متنه مدافـق صميلـه 

يالبييييه والله اللي نصحته؛؛؛؛؛؛

هذه القصيده المشهوره وكانت تسكن عين الصوينع ومرت على
مزرعه طليقها فوقفت تنظر الى زرعه ومعاويده :
ياعين هلي صافي الدمـع هليـه
والى انتهى صافيه هاتي سريبـه 
وياعين شوفي زرع خلك وراعيه
شوفي معاويـده وشوفـي قليبـه 
لو مرني في بالدرب ما قدر أحاكيه
مصيبـة يـاوى والله مصيـبـه 
اللي يبينا عيـت النفـس تبغيـه
واللي نبيه عجز البخت لا يجيبـه 
 
احييييه قوييييه

نزيلة الشمريه~
من عقب ماني صايمه بس اصلي
اعرضت انا من حر شي جرالـي 
تسعين لحية كلهـم دنـوة لـي
عوجان الالسن ذبحوا هم قبالـى 
مافيهـم اللـي ذل والا استذلـى
ولافيهم اللـى يتقـي بالجبالـى 
عيالنا بالشمـس ماهـم بظلـى
وحريمنـا دجـن بليـا رجالـى



 كنه الرماليه
بعدان عاد الغزو ولاكن لم ترى زوجها عبدالله؟ 
يهـل الركايـب ويـن عبـدالله
لاو الله اللي غدا بالكون رجالـي 
يبطي عليه الصحن والنجر والدله
وتبكيه رملا عجوز مالها والـي 
وتبكيه حمرا نهار الكون منتلـه
يوم اشهب الملح غاد ٍ له تزلزالي 
ياقلب اصبر على ماجا مـن الله
كم واحد لاعته بقعا وهو غالـي

اعجبني طريقة رثأها
 
وقالت ايضا :
باقي العرب موتهم تخفيف
مار البلا مـوت عبـدالله 
مرحوم يا مهلي بالضيف
يامكثـر الهيـل بالدلـه 
إذا مسك زينة التوصيـف
الدم من مضربـه شلـه 
ياما صفقهن ووردن عيف
وياما حمـى كـل منتلـه 


هيـا الحربيه
هيّـابنت عياده الرشق من بني سالم من حرب متزوجة من رجل فقي
روفي يوم تخاصم مع والدها وأخذها من زوجها دون رضاها وفي
احدالأيام قالت هذه الأبيات فسمعها والدها فأعادها لزوجها::

يا مل عين ما اهتنت نومة الليل
على عشير ٍبالحشا شب ضـوه 
عليك ياللي طبخته نصها هيـل
اللي سعى بالطيب من غير قوه 
المال ماطيّب عفون الرجاجيـل
والقل مانقص بـراع المـروه 
رجال ماحس الرفاقـه ولاقيـل
ذا موذي ٍمايانّزل حـول جـوه 
وله عادة ٍينطح وجيه المقابيـل
هذي فعولـه بالمراجـل تفـوه 
أجواد نسل أجواد جيل وراءجيل
الطيب فيهم من قديـم ٍ وتـوه 

يالبييييه والله

جوزة و سمرا .. بنات محمد القنيني

حوار جرى بين شقيقتين من أهل بادية بني عبدالله المهد ثم إنتقلن للسكن في مدينة جدة .. وجاش حنين البادية في" جوزة " فتمثلت قائلة الأبيات التالية :
 
يا بوي واوجدي على الصبح مطلاع
وجد الطوايا أللي على الما حيامـي 
داجن و راجن ثم راحن مع القـاع
ما قدمهن غير الدرك و المظامـي 
فأجابتها سمرا :
يا بنت حطي فوق شاهيك نعنـاع
كبي البداوة و البلـش و الزيامـي 
ترى البداوة ما تجي لك بالأسنـاع
عسرة ولا تبني لأهلهـا سنامـي 
رحتي تجيبين الحطب و البهم ضاع
واليا الحمير إمـلاوذة بالظلامـي 
وإليا رجعتي للعرب عقب مفـزاع
وأليا ضيوفك مشتهيـن الطعامي



موضي العبيدي
قصة موضي العبيدي شاعرة الكويت التي عاشت في النصف الثاني من القرن الماضي والنصف 
الاول من القرن الحالي في زمن الشيخ مبارك الكبير وحياة هذه الشاعره في حزن وبؤس دائم
بسبب فقدانها لأبنيها، أحدهم أخذه البحر منها والثاني تكفلت به الصحراء.ابنها الأكبر عبدالعزيز 
فقد في رحلة الغوص حين غرق في قاع البحر أثناء بحثه عن اللؤلؤ ويوم رجوع السفن للكويت
كانت تنتظر على الشاطئ حالها كحال كل اهالي الكويت لأستقبال البحاره تنتظر ابنها ولم يطل
الانتظار فقد رأت النوخذه يوسف الفهد وعندما جاءت تسأله حتى بادرها أحد البحارة بالخبر 
المحزن وقالت ترثي ابنها بهذي الأبيات :

يابو سعد عزي لمن ضاعت أرياه
قلبه حزين ودمع عينـه يهلـي 
يسهر طوال الليل والنوم ماجـاه
في مرقـده كنـه بنـاره يملـي 
على وليف عذب الحـال فرقـاه
الطيـب اللـي للرفاقـه يهلـي 
مدري درادير أزرق المـوج ودّاه
والا كلاه الحـوت ياكبـر غلـي 
ياليتنـي دميـت بالهيـر ويـاه
موج البحر فوقي وفوقـه يزلـي 
الله يسود وجه يوسف وجـزواه
ماذكر دمعي وسط حوشه يهلـي 
جتني هدومه بعد عينه مطـواه
لاوفق الله محمـل جابهـن لـي 
ليته ورا سيلان والهنـد مربـاه
وأرجي يجيبه لي شراع معلـي 
البندق اللي عندنـا لـه مخبـاه
نقّالهـا عقبـه عينـه يـولـي 
وصلاة ربي عد ماحـل طريـاه
وأعداد ماسار القلـم بالسجلـي
 
وبعد مرورخمس سنوات على فقدان ابنها الاول كان ابنها الثاني مع الشيخ مبارك في حرب الصريف
وكانت تنتظر رجوع الأبن لكن قرينيس الرشيدى احد رجال الشيخ مبارك كان اول
العائدين ونقل لها خبر مقتل الأبن واشتعلت النار مره ثانية ورثته بهذي القصيدة :

قلت آه من علم ٍ لفا بـه قرينيـس
ياليـت منهـو ميـت مـا درابـه 
علم لفا به مرس القلـب تمريـس
والنار عجت في الضمير التهابـه 
والنوم له عن موقع عيني حراريس
والحنظـل الممـزوج زاد بشرابـه 
علي الذي قفا علي ضمر العيـس
واليوم ما أدري وين حد لفـا بـه 
نصيت بيته قلـت لـه ياقرينيـس
وين الحبيب وقـال ماعلمنـا بـه 
اقفى مع البيرق بحرب السناعيـس
وان سلمـه رب المخاليـق جابـه 
رديت من كثر البكاء والهواجيـس
دمعي كما وبل نشاء مـن سحابـه 
يـاالله يافكـاك حبـل المحابيـس
تفـك لـي محمـد مـن صوابـه 
بجاه محمـد ويعقـوب وادريـس
عسى طلبتي عنـد ربـي مجابـه 
واعداد ماهبت هبـوب النسانيـس
على النبي صليت هو والصحابـه


قمراالمرهوصه الدعجانيه
كانت الشاعرة تسكن مع جماعتها الدعاجين شرق المذنب وكانوا مجاورين للفارس
عبدالله الغميزي
( الغميز : من آل قويفل من بني العنبر من تميم وقد عرف رجالهم بالشجاعة والكرم )
وقد جرى بينها وبين الغميزي قصة غرام شريفه , قالت فيها قصائد غزلية رائعه , منها :

ياونتٍ ماسمعهـا النـاس وأهلـي
ماسمعها غير الولـي يـوم ونيـت
على عشيرٍ يـوم مـد القـدح لـي
بكا وقال إني على الهجـن شديـت
قفا ودمعـي فـوق خـدي يهلـي
ماحدٍ يعوض عنه بالحـي والميـت
من عقبه امشي مل مشي الدبح لي
وزرت رجولـي لاتودينـي البيـت
وزرا لساني عن محاكيـك يسلـي
وزرت عيوني عن مراعاك واغضيت

وقالت ايضاً :

الفدغمي عني هل الجيـش ودوه
أقفا ودمعي فوق خـدي سفايـح
عليه وجدي وجد شالح على أخوه
يزعج عليه من البكـا والنوايـح
حطوه في قبرٍ وحيـشٍ وخلـوه
تحت الثرا ركزت عليه الصفايـح
أو وجد من ربعه على الجال حدوه
أونس من الربع القريبين جايـح
خلي بعيـد والمداويـر ماجـوه
عسا على داره تهـل المراويـح
تسقي تراب اللي على الطيب ربوه
أهل المـروه كاسبيـن المدايـح

ولها :

ياطير سلملي على متعب النيـب
طلق الحجاج اللي يحفظ الوداعه
اللي ضيوفه وسط بيته محاضيب
مارافق إلا كاسبيـن الشجاعـه

ولها هذه القصيدة التي اشتهرت بين الأوساط الشعبيه:
يامل قلب ٍمن هـوى زيـد مطـروق
طـرق الحديـد ملـيـن بالضـويـا
أمسيت قلبي في وأصبحـت مسـروق
وثـورت فـي قلبـي عميـلٍ وعيـا
يفدا عشيـري كـل برقـا مـع روق
واللـي بعيـد الـدار واللـي هنـيـا
ويفداه من يمشي على الأرض من فوق
واللـي يشوفـون القمـر والثـريـا
ويفداه حضرٍ لجـو العصـر بالسـوق
وابن رشيد اللي علـى الحكـم عيـا
...وقالوا لابن رشيد : سبتك اذبحها !!
قال : ماسبتنى مدحتنى!!

جُريّه بنت صويلح المحقنيه العتيبيه~
سافر اخوها واشتاقت له وقالت :

الليله امس داخل القلب هوجاس
هوجاس والهوجاس حرّق عليـه
يقوله اللي ما مشى درب الأدناس
ولا قلبوه اهـل العمـال الرديّـه
واجر قلبي يا جمل جر الامـراس
جر المرس من قاعـة العيلميـه
واخويه اللي حال من دونه اليأس
ما عاد توصلنيـه صفـرا ثنيّـه
اقفوا به الحكام قطّاعـة الـراس
يا جعلها للحي مـا هـي بِنِيًّـه

هيا الطلال

السد باح وبان ما اخفيت كلـه
ما ينجحد شيٍ على الناس باحي
على الذي ياخذ على الخيل عله
تكسرت عنده طويل الرماحـي
والله يا لولا اللوم وادرى المذله
لاحط لي بين النصايب مراحـي
وابني عليه البيت كله رضاً له
واذبح على قبره ردوم اللقاحـي
الفٍ صباح الخير والفٍ مساً له
والفين ما بين المسا والصباحي
لعل من هو لامنـي فـدوةٍ لـه
ولعلهم ذلفة هبـوب الرياحـي

((((( تاملو الفرق بين الماضي والحاضر من زود الكرم تبي تذبح له الف ذبيحه الصبح والف بالمساء والفين مابينهم؟؟؟؟؟؟؟؟ موب كلامنا الحين صباح القشطة وصباح الورد !!!! تعبنا حالنا والله))))) يالبيه يالزمن اللي راح ياليت لحقت عليه وعشت فيه 

الاميره نوره الرشيد ::

ابكي هلي اهل العلـوم المليحـه
ولا لوم عيني لو جرا دمعهـا دم
اخواني ابكي والقصور الفليحـه
اخواني اللي لا بغوا لازمـن تـم
ياما انتخوا باسمي ليا حل صيحه
اليا انتخوا بي كافر الجن يسلـم
اسمي كما نجم ضرب قاع بيحـه
او الصواقع يوم للضلـع ترجـم
نوره انا اخت الشيوخ الفليحـه
ابوي حاكم واخوتي صفوة الجم
ياحيف حايل فارقن ريح شيحـه
بذيك الشفايا تقل ماقيللـي سـم


رحلت فضه الحمود مع زوجها الى مدينة طريف فلم يطيب لها المقام
فقالت :

لا عاد يومٍ نزلـت طريـف
زود همومـي وغربـالـي
اطلب عسى ديرتي للريـف
وديـار شوقـي للامحالـي
لوكان هم يكرمون الضيـف
ما ديار خلي علـى بالـي
القلب به مثل مسطى السيف
ما اجرح شفيقٍ على بالـي

سوده من بنى رشيد
كان لها زوج يسمى بن ملهاب وكانت تحبه كثيرا ولكن اخاها يكرهه
اقسم عليها بان تقاطعه فأطاعت امر اخيها كارهه مجبوره وذات يوم مر بها
زوجها وسلم عليها فقالت له :

ياصاحبي جنّب عن الدرب لاهنت
ترى ماهي بعلومك الماضياتـي
اقسمت لك بالله ماقط لك خنـت
عليك ريقـي مايبـل الشفاتـي
لاشك اخويه قال عيفيه يابنـت
وحرم على ملايمك فـى حياتـى

وعندما طلقها قالت :

ياصرخ قلبى صريخ الباب
لاحركه واحـد ٍ عجلـى
عليك ياولد بـن ملهـاب
لا واحـلالاه يارجـلـى


وقالت الشاعرة دهير بنت دنين الشمروخية حينما رفض أهلها تزويجها بمن تحب  
خافي من الناس يايُمه
خافي من النار يبعيدي
تراى أنا اليوم بالذمّه
مثل الوغد راضع الديدي



وقالت وضحا بنت عبدالله النتيفية بعد أن طلقها زوجها، وقد توافد عليها الخطاب وأشارت عليها إحدى صويحباتها بأن تتزوج شاباً وسيماً، ولكنها رفضت ذلك، ولم ترغب الزواج إلا من رجل جمع الخصال الحميدة حتى ولو كان كبير السن. قالت 

يامن يعاوني على حب راعِ الطيب
احب الشلى لو كان والله ما يبغيني
احب الشلى لو كان نصف العوارض شيب
ولا اريد ولد اللاش هتيش يالزيني


وسلاااااااامتكم