اهلا اخواتي وشكرا اختي نجد على الفكره كنت داخله باكتب موضوع عن الامور اللي تحتاجها المغتربه وصدفه لقيت موضوعك وقلت اجل اضيف عليه مع ان البنات ماقصروا بس حبيت اقولكم على الاشياء اللي تحتاجونها
مثل كيلو بهارات من النوع اللي تستخدمونه و كيلو قهوه محموسه ومطحونه وهيل وزعفران ونعناع مطحون وحبق اذا تحبونه وسماق شوي وفلفل اسود مطحون لان عندهم هنا انواع غير مطحونه وماادري عن طعمها وكون مطحون وان كنتي من محبي الصنوبر والزبيب جيبي شوي معاك وقرفه مطحونه وزنجبيل مطحون ومره وحبه سوداء وسمسم شوي وجوز هند شوي وسميد مه انه متوفر اتوقع بالبقالات العربيه ومكسرات وحب وتمرعلبتين ومعمول وبقلاوه وغريبه واي شي عربي مع انه بعضه متوفر بس قديم وغالي جدا يعني اضعاف سعره عندنا وانا جبت معاي شوربات ظروف وباشميل وتتبلات مثل البرياني وتتبلة الكبسه وغيره ومره فادتني الحمد لله وهنا متوفر البرياني والكاري بالبقالات العربيه
وبعض انواع الكاكاو ماتقينه هنا مثل الجالكسي المارس الباونتي في هيرشي وتوكس وسنكرس وملك واي وانواع ثانيه واذا كان احتمال تحملين هنا جيبي اغراض النفاس لك وللبيبي مثل قرفه مطحونه وكمون ومره وحبه سوداء وزنجبيل مطحون ورشاد وماشي حق الشوربه اللي يقوي العظم بدل الحلبه ومااذكر وش بعد ههههههههه
وبالنسبه للعلوك انا جبت 7 كراتين وخلال شهرين خلصت كلها وهنا انواعهم مب مره طعمها قوي ولها لون وولاتنسين مهم فيش توصيله لان افياشهم هنا لها شكل واحد اللي يجي خطين ضيقه زي افياش 110 عندنا بالسعوديه صحيح هنا لها فتحه اضافيه مدوره فوق بس مب لازم يكفي تجيين الفيش ابو حديدين ضيقات على شكل خطين ولو كان الخط الايسر اعرض شوي عادي يدخل هنا والاهم ان كل افياشهم هنا 110 يعني خلي اغراضك 110 واذا عندك اغراض 220 عندنا بالسعوديه محول يحول اللي 220 الى 110 والعكس جيبيه معاك لاني ماشفته هنا ومااتوقع موجود ومثل ماقالوا اسلاك الطابعه وممكن سلك بين اللي يوصل بين التلفزيون والكمبيوتر ينقل الصوره للتلفزيون اذا حابه هو موجود هنا بس مب دايم تلقينه واتوقع بالسعوديه ارخص بكثير هنا سعره حول التسعين ريال ولاتنسين السشوار لو قدرتي جيبي 2 لان انواعهم رديئه واسعارهم غاليه والة شيل الشعر لانها مب متوفره هنا بس الموجود رجالي ومشابك ملابس ومشابك شع هنا يبعونك بالحبات عشره الظاهر تجي بورق كرتون بدولار ونص وعدة خياط صغيره قد الكف ام ريالين لان مايوجد هنا عده كل شي لحاله واذا وجد عده تكون كبيره
ومدخنه كهرب وجوالاتك لو قديمه عشان تحطين فيها شريحتك العربيه وتحطين شريحتهم بجوال ثاني ولاب توبك لان هنا الكيبوردات مب عربي وفتمينات الشعر وكريمات الوجه وزيوت للشعر وغيره وجيبي شوي موية زمزم مقري فيها وحطيها بشنط اللي تدخل مع العفش وضيفيها على قارورة المويه هنا وقبل ماتخلص خوذي الباقي وضيفيه على القاروره الي بعدها وهكذا
وانا جبت معاي كيسه اشكال الحلاو لانك بتشتاقين لحلاو بلدك :35: وخصوصا اذا عندك اطفال هنا حلاوهم مافيه اشكال كثيره
والمهم انك تجيبين ادويتك اي ادويه تحتاجينها والمسكنات لان هنا مايصرفون شي الا بوصفه والوصفه تحتاج موعد وساعات انتظار وغيره يعني تطق الحراره بعيالك مادخلوك فجيبي مسكن اطفال وتحميلات ولزقه ظهر وانا جبت بخاخات الربو عشر حبات كلها استخدمتها لان هالشي مايحتاج زيارة طبيب عشانه وهم مايعطونك اي دواء الا بوصفه وغسول نسائي لاني مالقيته هنا بس بصراحه مسالت عنه عند دكتوره ممكن الدكتوره تكتبه لي لو سالت
المهم مابي اطول عليكم وحبوب منع الحمل اذا تستخدمينها وهنا اشوف اعلان لياسمين انها مضره اخاف ياخذونها منك في المطار جيبي نوع ثاني ولاتحطين معاك اي برنامج مب اصلي لان في نظام جديد تتفتش الكمبيوترات واخيرا تحتاجين ثلاث عبايات ملونه او ثنتين وحجابات اشكال والوان وافضلها اللي يجي شيفون او حرير ونسقس معاه اللي تجي تحته زي الطاقيه بربطه قطن ساده عشان تمسكها وماتخليها تشف الشعر وطبعا عطورك ولوشناتك ومزيلات التعرق لجسمك والعاب لاطفالك صغيره اذا عندك اطفال لان العابهم سيئه كلها وحوش هههههههههههههه ولاتستاهل
بعضها مبالغ بسعره جدا مثل الاونو بعشره دولار عدا التاكس يعني يطلع 12 دولار تقريبا يعني ادفعيلك فوق الاربعين ريال على اونو او على مكعب الالوان وادفعيلك سبعين ريال على الصلصال وهكذا واتمنى اكون افدتكم ولاتنسونا بدعواتكم
مساء الخير اخواتي .......مساء الخير ام دحومي الحلوه
س1/هل صحيح ان اللابتوب مايدخل بريطانيا بسهوله؟
س2/وحبوب منع الحمل لازم نجيبها معنا بكميات لبريطانيا؟
س3/فيه وحده اعرفهايوم سافرت اخذت معها ادويه نسائيه وتحاميل للالتهابات تقول احتياط استغربت ليش معقوله هالشده في صرف الادويه؟
س4/يكفي اجيب معي عبايتين لمدة سنه؟
**** وعذرا اخواتي على كثرة الاسئله وفرج الله همومكم****
س1/هل صحيح ان اللابتوب مايدخل بريطانيا بسهوله؟
س2/وحبوب منع الحمل لازم نجيبها معنا بكميات لبريطانيا؟
س3/فيه وحده اعرفهايوم سافرت اخذت معها ادويه نسائيه وتحاميل للالتهابات تقول احتياط استغربت ليش معقوله هالشده في صرف الادويه؟
س4/يكفي اجيب معي عبايتين لمدة سنه؟
**** وعذرا اخواتي على كثرة الاسئله وفرج الله همومكم****
غلاوي
مساء النور :)
1/ ندخله عادي جداً مايدققون
أمريكا على ما أعرف هي اللي تدقق خصوصاً عالبرامج المقلدة
2/ تقدرين تجيبين احتياط حق كم شهر ..
بس بما انك بتقعدين سنة بس يمديك تجيبين حق السنة عشان ماتحتاسين من تغير الحبوب
بس هنا يصرفونها عادي بس لازم تاخذين موعد يعني ماتباع في الصيدلية
لازم وصفة
3/ هذي أنا شخصياً ما أؤيدها لأن هم يعطون لو احتجتي كل المسألة يسوون كشف بسيط
صعب الوحدة تتطبب في نفسها وتصرف لنفسها تحاميل يمكن ماتناسبها في كل الحالات
بس ممكن أشياء شعبية مثل المرة الكمون وهالشغلات ايه أجيب بس أدوية ما أجيب
فيه بنات يجيبون مضادات لأطفالهم ونفس الشيء أحسه خطر ..
هنا يعطون وأحسن مننا لأنهم مو على كل طيحة مضاد
4/ أنا أفضل 3 ممكن تخلين الثالثة عباية سوداء كتف يعني ماتفرق بما انك جاية بريطانيا والحجاب معها بيكون ملون
تعودوا على أشكالنا :)
مساء النور :)
1/ ندخله عادي جداً مايدققون
أمريكا على ما أعرف هي اللي تدقق خصوصاً عالبرامج المقلدة
2/ تقدرين تجيبين احتياط حق كم شهر ..
بس بما انك بتقعدين سنة بس يمديك تجيبين حق السنة عشان ماتحتاسين من تغير الحبوب
بس هنا يصرفونها عادي بس لازم تاخذين موعد يعني ماتباع في الصيدلية
لازم وصفة
3/ هذي أنا شخصياً ما أؤيدها لأن هم يعطون لو احتجتي كل المسألة يسوون كشف بسيط
صعب الوحدة تتطبب في نفسها وتصرف لنفسها تحاميل يمكن ماتناسبها في كل الحالات
بس ممكن أشياء شعبية مثل المرة الكمون وهالشغلات ايه أجيب بس أدوية ما أجيب
فيه بنات يجيبون مضادات لأطفالهم ونفس الشيء أحسه خطر ..
هنا يعطون وأحسن مننا لأنهم مو على كل طيحة مضاد
4/ أنا أفضل 3 ممكن تخلين الثالثة عباية سوداء كتف يعني ماتفرق بما انك جاية بريطانيا والحجاب معها بيكون ملون
تعودوا على أشكالنا :)
الصفحة الأخيرة
فديت خيالي
جزاك الله خير والله يوفقك دنيا واخره
صراحه افدتينا