تفضلي اختي بالدخول بنيه احتساب وابتغاء الأجر من الله ..موضوع مهم((وفاه الجنين))

السلام عليكم ورحمه الله وبركاته

اسأل الله العلي القدير ان يسهل علي وعليكن جميعا اخواتي الحمل والولاده ويرزق كل من تتمنى الذريه عاجلا غير اجل ...

بنات نفسي من زمان اثير الموضوع هذا ... لكن بصراحه كنت افكر انه ماراح يلقى اي اهتمام :angry:
والشي الثاني اقول في نفسي خلينا نتفآءل ... والحمد لله انا متفائله واتمنى لكم ولي الخير ...

لكن هذا مايمنع اننا نتعلم ونعرف اسباب وفاه الجنين في فتره الحمل ... لأني سمعت انه يكون خطر على الأم ... احتمال وفاتها تكون كبيره اذا توفىالجنين في بطنها لاقدر الله ... وقريت من شوي انه احتمال يشيلون الرحم الله يحفظ المسلمات اجمعين ...

انا في اول حمل لي ادعوا لي ربي يسهل ... وبصراحه انا خايفه وافكر بالموضوع ...انا في الشهر الرابع .. تقريبا في الأسبوع الرابع عشر حسب كلام الدكتوره ...وماحسيت بحركه البيبي للحين (( الا بشوي نبضات على جنوبي مدري تسمى هذي حركه او لا )).. والحمد لله احس انه بدري وسألت بنات قالوا ماحسينا فيه الا في الخامس ...

بحثت عن مواضيع توقف نمو الجنين او وفاته لاقدر الله مالقيت شي يفيدني .... اللي يهمني بالموضوع هو كيف تعرف الحامل ان الجنين متوفي برحمها بأسرع وقت ممكن .. لاني قريت انه حتى لو توفى في بطنها وجلس اسبوع في الرحم وهي ماتدري يضرها ... طيب كيف تعرف اصلا ومواعيد المستشفيات للحامل هل كل شهر :09:

شخصيا انا مااقدر اروح للمستشفى كل اسبوع واسبوعين واقولهم افحصوا البيبي :( ....

كلامي ملخبط وافكاري مشتتته وعارفه اني موسوسه وتفكير ي كثير يمكن علشانه اول حمل :) بس والله اني خايفه ليش ماحسيت بحركه البيبي للحين :44:

اناالحمد لله متفائله :) بس خايفه :42: احس الحمد لله اني الجنين بخير بس ابغى اثير الموضوع هذا واتمنى اتمنى اتمنى تتفاعلون معي وتكتبون فيه اي معلومه قريتها او عشتوها شخصيا مع احد تعرفونه ... ويارب مايكون الموضوع مكرر .. انتظركم تطمنوني وتفيدون غيركم بالموضوع هذا وتحتسبون الأجر عند الله وجزاكم الله خير