العفو حبيبتي

انا وضحت في بداية الموضوع اي اخت من الاخوات تقدر توصف ياليت تشاركنا بالموضوع وبنكون شاكرين لها

مشكوره عزيزتي

اكيد قوم تعاونوا ماذلوا يالغلا:26:

ابشري واحنا حاظرين حبيبتي






حبيبتي

غرناطه مول اقرب لك من الرياض غاليري

انتي بتطلعين من النسيم على طريق خريص واذا وصلتي لمخرج 13 الدائري الشرقي ادخلي معي يمين وامشي سيدا الى ان يجيك طريق عبدالرحمن الغافقي ادخلي مع طريق الخدمه وامشي الى اخر طريق الدائري وبتتعدين مخرج 9 بتحصلين غرناطه بوجهك فوقها اعلام زرقاء او ابراج حديد وكارفور قريب منه




انتي جايه من طريق الملك عبدالعزيز امشي مع احد الطرق الي توصلك لطريق الملك فهد (طريق الملك عبدالله او طريق الامير سلطان او طريق الامير محمد بن عبدالعزيز ) اسلكي احد هذه الطرق الى ان توصلين طريق الملك فهد وخلاص خليك على طريق الملك فهد امشي سيدا الى ان يجيك شارع الوشم ادخلي مع شارع الوشم يسارك وامشي على شارع الوشم الى ان يجيك طريق الملك فيصل ادخلي معه يمين وامشي سيدا الى ان يجي تقاطع الملك فيصل مع طريق الامام فيصل بن تركي بن عبدالله ادخلي من عند التقاطع يسارك وامشي الى ان يجيك شارع ابي ايوب الانصاري خلاص تلاقين حي المرقب عند شارع ابي يوب الانصاري واسألي عن المحل المعين اللي تقصدين وهو كله اسواق

اكيد ان شاء الله برد على استفساراتكم كلها واحده تلو الاخرى

يعافيك يارب مشكوره حبيبتي

شوفي انتي وقعك يعتبر جنوب شرق امشي من مخرج 15 على طريق الدائري الشرقي سيدا الى ان تطلعي مع يسارك على طريق خريص من عند العثيم مول خذي يسارك بيطلع لك طريق خريص امشي عليه متجهه غرب وامشي وتعدي كل لطرق والمخارج الى ان يجيك طريق مكه كملي عليه سيدا وانتبهي للوحات كويس الى ان يجيك العليا خليك يمين بيجيك تقاطع العليا وخريص ادخلي يمين مع العليا من عند مدينة التكنولوجيا او حراج الكومبيوتر او مختبر سمير عباس كلهابصفه وحده انتي ادخلي من عند مختبر سمير عباس على شارع العليا من يمينك

امسكي الخط سيدا بيجيك اشارة طريق الامير سلطان اتركيها بعدين بتكون الفيصليه على يسارك ثم ,اشاره ثانيه طريق الامير محمد بن عبدالعزيز (التحليه )هنا من بعد الاشاره على طول خذي يمينك وخليك على شارع الامير محمد الاشاره الاولى اتركيها وامشي الاشاره الثانيه اشارة مطعم تشيليزلفي يسار وامشي سيدا الى ان يجيك حرف T طريق الامير مشاري بن عبدالعزيز تحصلين مطعم التاج الهندي قدامك بس انتبهي للوحه على طريق مشاري حي السليمانيه ..

ان شاء الله يكون سهل
هو طويل لأانك جايه من بعيد




والله بالنسبه للمدينه ما اعرف طرقها, ان شاء الله تدخل احد البنات من المدينه وتفيدنا

وجزاك الله خير ياهلا فيك




وعليكم السلام ورحمة الله
انتي ماحددتي موقعك من وين بتجين لكن بوصف لك

موقع حي النخيل على طريق التخصصي شمال قبل الدائري الشمالي ,,

مثلا انتي جايه من طريق الملك عبدالله امشي معه باتجاه الغرب الى ان يجيك طريق التخصصي خذي يمين من عند مطعم كودو وخليك ماشيه الى أخر طريق التخصصي عند الدائري الشمالي على يمينك حي النخيل هذا موقع الحي .

واذا تبغين رقم المركز اتصلي عل 905 ويعطون الرقم ان شاء الله






مركز يارا - حي الروضة - شارع حفصه بنت عمر - مقابل بلدية الروضة
برسل لك تلفونهم على الخاص


انتي جايه من الشمال اسهل شيء لك انك تجين من طريق خريص

مثال : انتي بشارع العليا الفيصليه بتكون على يمينك امشي وتعدي طريق الامير سلطان وسيدا على العليا العام الى ان تجيك اشارة طريق مكه (تقاطع لعليا وخريص) لفي يسار وامشيمع طريق خريص (مكه) وخليك ماشيه بالوسط وتعدي كل شي ء وبيجيك مخرج 13 تعديه وخليك سيدا بس انتبهي بعدها للوحات وامشي الى ان يجيك شارع الحسن بن علي تعدينه , وسيدا بعدين بيجيك لوحة (طريق خالد ابن الوليد ) اطلعي فوق وبيكون على يسارك ادخلي مع خالد بن الوليد وامشي سيدا الى ان يجيك شارع حفصه بنت عمر عند الرياض مول خلاص ادخلي مع شارع حفصه بن عمر وبتحصلينه مقابل بلدية الروضه على امتداد شارع حفصه

اذا ما اتضح لك خليهم بس يوضحون لك بجانب اي مكان في شارع حفصه!!


**************

المنتجات الوطنيه : طريق الملك عبدالله قبل مخرج 10 مقابل الغرفه التجاريه ومركز الامير سلمان الاجتماعي


يعني مثلا وانتي جايه من العليا على طريق الملك عبدالله سيدا تعدين ثلاث اشارات الاشاره الاخيره اشارة تقاطع عثمان بن عفان مع الملك عبدالله سيدا شوي تلاقين مركز المنتجات الوطنيه يمينك




العفو يالغاليه


بوصف لك شارع سلمان الفارسي بحي النهضه


انتي بتكونين طالعه من النسيم على طريق خريص (ليتك حدتي اي طريق بالضبط بتطلعين منه ) النسيم لها اكثر من 4طرق تطلع على طريق خريص فلو طلعتي من طريق عبدالرحمن بن عوف او اسامه بن زيد او عبدالله بن مسعود او عبالله بن عمر كله واحد اطلعي على طريق خريص من يمينك وامشي سيدا باتجاه الشرق ط خريص وانتبهي للوحات الى ان يجيك طريق سلمان الفارسي على يسارك اطلعي فوق وادخلي مع شارع سلمان الفارسي وبحصلين العنوان واضح

جهد تشكرين عليه ..
جزاك الله خير :26: