الأخت سهر اللي سألتني عن مستشفى الملك فهد بمدينة الملك عبدالعزيز الطبيه للحرس الوطني

ارسلت لك بالخاص بس ماوصلت

عزيزتي مدينة الملك عبدالعزيز الطبية للحرس الوطني هذي بخشم العان اقصى شرق الرياض

الوصف: تمسكين طريق خريص (هو في بداية الطريق من الغرب يسمونه طريق مكه وبعد ميدان القاهره او مخرج13 يسمونه طريق خريص وهو نفسه الطريق الطويل )

المهم سيدا الى آخر الطريق بيجيك لوحة على اليمين مكتوب مدينة الملك عبدالعزيز او الشؤون الصحية للحرس الوطني اطلعي مع المفرق يمين باتجاه اللوحه ولاتكملين ترى بتروحين للشرقيه ههههه

طبعا انتي سألتيي عن طبيعة المستشفى لأنك بتطبقين فيه وترى الخاص حقك مليان فضيه شوي عشان اقدر ارسل لك

المهم روحيمع المفرق يمين وبعدين لفي يمين على شارع الشيخ جابر الصباح وامشي بيكون وجهك جنوب بيجيك على يسارك مطعم كودو وكافيه عربي وبعده اشاره اول اشاره لفي يسار بيكون المستشفى على يمينك

وبنفس لمدينة فيه كلية الطب لجامعة الملك سعود تابع للمشتفى وطلاب التطبيق مثلك يالغاليه

وطبعا هو مو مجرد مستشفى لا هو مدينة كبيره تضم (_مختبرات_ عيادات واجنحة خاصة بالكلى _جراحة القلب _امراض وجراحة الكبد_ عيادات اضطرابات النوم _ عيادات الأطفال _ عيادات الجهاز الهضمي والمنظار _ الجهاز التنفسي الاذن والانف والحنجرة _ عيادات الأسنان 3 عيادات _ الأمراض الدماغية _صالات العمليات _ اجنحة تنويم _ وحدة تأخر الإنجاب واطفال الأنابيب_ المناظير _ غرف العمليات والولادة _ عيادات امراض النساء ومراجعة الحمل الدور العلوي الاول والثاني _
عيادة العظام _ وحدات كبرى للأشعة _ وحدة اشعة الرنين المغناطيسي _ وحدة الأشعة المقطعية _ الاشعات الاخرى _اسعافات_ وكمان فيه مبرة فهدة بنت العاصي

مركز الأعمال يضم 4 ادوار تشمل الدور الارضي على (الصيدليات 2_ مختبر الدم _ الكافتيريا _ استعلامات المرضى _ شؤون المرضى _ بعدين الادوار العلويه فيها امراض النساء ومراجعات كبار السن .
طبعا الدور لارضي لمركز الاعمال مفتوح على العيادات الأخرى وكبير مره تقدرين تروحين له من برى او من مركز الاعمال بوابة 6 _ مبنى الدراسات والبحوث _ مبنى طلاب التطبيقات _ ومباني ثانيه

وعشان تلفين المستشفى او توصلين للمبنى المطلوب او العيادة لمطلوبه على رجلك خذي خريطة المستشفى تلاقينهم معلقينها بصندوق زجاجي بكل زاوية بالمستشفى ومركز الاعمال او اطلبيه من خدمات المرضى بمركز الاعمال ..


اعتقد معلومات كافيه عن المدينة الطبيه واي معومه زود تبين شرفيني هنا واذا تصلح وضعك مع الرسايل الخاصه ارسلت ك الرابط ماحبيت تطلبيني واردك

عزيزتي ان رحت شارع خالدي بن الوليد
ووصلت حي الملك فيصل لكن ما لقيت المركز
حتى وصلت شركة الكهرباء هناك
انا بدي وصف دقيق للمركز
الله يجزاك الجنة

الله يسعدك في الدارين
ياليت محل باسمة لاني ما اقدر اروح على عماي
بس عمر 2 3 سنوات
الله يوفقك

قلبي ابي مكان الهندوايه في جده وبالتحديد محلات الاواني فيه

كتبت رد 3 مرات وهذا الرابع


اتصلي على 905 ويعطونك رقم المركز واتصلي على المركز يعطونك الوصف بالدقة لأني ما لقيت احداثيات

أو شوفي عندك مركز صحي النسيم
اطلعي مع شارع خالد بن الوليد باتجاه الجنوب إلى نهاية شارع خالد بن الوليد بيجيك طريق خريص انتي كملي قدام بعين لفي يسار على خريص وخلك على اليمين طريق الخدمه لاتمشين بالوسط ووجهك بيكون شرق واشي الى ان يجيك على يمينك شارع عبدالرحمن بن عوف اتركيه وسيدا شوي بيجك على يمينك شارع عبد الله بن مسعود هذا هو الشارع ادخلي معه يمين طبعا وسيدا الى ان يجيك شارع احمد ابن حنبل اتركيه وسيدا بيجيك بعده على اليمين شارع النسائي ادخلي معه يمين وامشي شوي قدام بتحصلين مركز صحي النسيم على يسارك