تفضيل الذهب على الفضة ؟ (للنقاش)

السلام عليكم ورحمة الله وبركاته
حبيباتي
ايام المرحلة الثانوبة والمتوسطة كنت احب الاكسسوارات بشكل كبير
ففكرت بدال لا اشتري كل كم شهر ب 300 كلها اكسسوارات تخرب مع كثرة الاستعمال
استبدلها بذهب يبقى معي العمر كله او على الاقل كم سنة
رحت وشفت واكتشتفت ان الفضة بعد خيار جيد ورائع
طرحت الفكرة على الوالدة وقلت حابه اخذ فضة
رفضت رفض قاطع والى الان مالقيت لرفضها مبرر
اسألها تقول الناس ماتشتري فضه وش تبي فيه ياتشتري شئ سنع مثل الذهب او الماس
ووقتها كبنت صغيرة رضخت للامر باعتباري ان الذهب لو برجع ابيعه بيعطيني نفس السعر وللامانة فكرت اني ابيعه شلتها من بالي بالاخير ماراح اشتري شئ غاااالي يخليني افكر ارجع ابيعه بس مدري شفت هالفكرة دارجة مع الحريم وكل شوي اقرأ بعت ذهبي وبعت ذهبي
واعتبرت ان الفضة فاااشل وكانه اكسسوار رغم اني ماجربت!
على العموم شريت ذهب وكان على ايام شئ ممتاز يكفي انه من عرق جبيني
للاسف ما كانه ذهب وين اللمعة؟ وين البريق حتى بالنور الاصفر باهت وياما نضفناه بس مافيه فايده
المهم الفضة كان غازي على تفكيري وكل ماطلعت السوق ضاق صدري على الفضه حرام لمعته كذابه
بس كلام امي يرن في اذني وكل ما سألتها رجعت وعادت مثل كلامها الاول
جتنا في يوم من الايام امي وقالت اشتروا فضه ترا الذهب مهنا فرق عنه للعلم انها كانت تشتري ذهب وبملغ كبير
ياترى وش الي خلاها تغير رايها؟ سألتها قالت اكتشفت انه مافيه فرق! كيف اكتشفتي يمه؟ صديقاتي قالوا لي
والى يومكم اتسائل
بحثت في محركات البحث مالقيت الي ابيه او يمكن ماتوفقت في كتابة الشيئ الي ابي اقرا عنه
برأيك انتِ وش افضل الذهب او الفضة ؟ وليييه؟ اقنعيني ابي سبب منطقي
واعتبريها نصيحه والله يكتب اجرك عليها