تفكرين في الطلاق ؟؟وعندك اطفال ,,تعالي ابيك في كلمة رأس

يااختي
عيشي لنفسك ..وأولادك ..فكري فيهم ..
والله أنتي بخيرات ربنا ونعييمه ..
ذرية تملأ حياتك وقلبك , بيت يلمك , نفقه تكفيك ..
والله ماتعرفي قيمتها الا لما تفقديها ..
وياعساك ماتفقديها بيوم ..

آمني بالله , ومن رضي فله الرضا ..
ومن أبواب الإيمان أن تؤمن بالقدر خيره وشره ..
الله أختار لك هذا الرجل من بين كل البشر ..
أهلك ماكانوا الإأسبااااب ..علشان تكونين زوجته ..

ماصرتي زوجه لهذا الرجل بالغلط ..
ربنا أختاره لك وهو عارف إن الأنسب من بين كل رجال العالم ..
هذا الشيء الي لازم تؤمنين فيه ..

الدنيا اللي أنتي متعلقه فيها فااانية
اللي متزوجة شاب واللي متزوجة شايب كلهم بيموتون ..
والله ثم والله سعادتك بيدك جنتك ونااارك جواة صدرك ..
أنتي تولعيها وانتي تطفيها ..



فيه حريم من الرحمه اللي جواتهم
أحسنوا لجيرانهم , بس تعرف إن جارهم رجال كبير
وماله أحد يغسل ثيابه , ويسوي قهوته , وينظف بيته ..
لبست عباتها وخرجت له ..وتعهدته بالإحسان الى أن تولاه ربه ..!

أنتي ضامنه الدنيا ..؟؟
كيف تبغين تقابلين ربنا ..وزوجك غضبان منك ..؟؟
تخيلي نفسك تموتي بيومك هذا ..وهو مازال غضبان منك !!

يااأختي لاتحبيييه , لكن أحسني له زي ماهو يحسن لك ..
أنتي ماعدتي ذيك البنوته الصغنطوطه ..
والله لو تتطلقين ماتضمني يجوك الشباب اللي ببالك ..!
ويمكن مايحصل لك زي زوجك ويمكن أردى !
ع الأقل زوجك ع سوء تعاملك معاه ..حافظ للود والعشرة ..


أقرأي قصة أم سلطان اللي أنتشرت بالمنتديات ..
كانت متزوجة شاب ودلع لكن ماخلفت ..
رزقها ربي وأكرمها بالذرية من شايب فوق الستين سنة ..!!
هي بنفسها تقول ماتزوجته وأنا أبي شيء من وراه الا الأجر ..!!
تبغى تحسن اليه .. وتؤنس وحشته بآخر حياته ..
يأست من الرجال والخلفه وكل شيء ..


اذا تبغين تعيشين مبسوطة
لازم تنسين الماضي , أهلي غصوبني , أكرهه , إلخ
هذي الكلمات لازم تسوين لها دليت من عقلك ..
أسكني بدالها كلمات الرضا ..
هذا إختيار ربنا لي وأنا راضيه ..
هو نعم الرجل , لاضربني بيوم , ولاكسر خاطري بيوم ..ماعشت بحسرة اللقمه ..
أكرمه وأحسن له بعيون عياله ..حتى لما يتولاه ربه ..
يقولون أمي كانت نعم الأم .. أحسنت لأبوي ..وأكرمته ..وقامت فيه ..
رغم شيبته وعجزه وضعفه ..

أحتسبي الأجر من الله ..
في لقمته , وفراشه , ونظافة ملابسه وبيته وعياله ..
..أعرف اللي زوجها أبوها رجل ب 80
وإذا جاء يقوم ويجلس غير يسندونه !!من ضعف صحته ..
لكن أنتي تزوجتيه وهو بحال أفضل ..
وأنا أختك ترى لاشباب دايم ولاصحة ولاشيء ..
أعرف بنت بعمممر الورد , أصابها التصلب اللويحي ..
ع دراجة متحركة وزوجها يقومها ويجلسها ..ويدخلها الحمام وانتي بكرامه ..!!
والله ماتدرين لو تعجزين لمرض او اصابه ومايقوم فيك الا هووو بعجزه وشيبته !!

قولي الحمدلله كل ماأصبحتي وأمسيتي ..
والبسي وأهتمي ,قصي وأصبغى وأحملي وأفشري ..ولاتخلي ع قلبك شيءءءء
... ...
ولاتعجزين بنفسك ولاتبالغين بالحزن بدون سبب ..
والله ثم والله أخاف عليك ربي يعاقبك ربي بحزن حقيقي يخيم ع حياتك ..
ينتزع منك كل ملامح النعيم والفرح وأسبابه ..


أنتي عايشة بفرآغ كبير ..أملئي وقتك ..كل ماشعرتي بذا الحزن ..تجاهليه ..
أشتغلي بدراسة , علم شرعي , حلقة تحفيظ , أنتسبي متطوعه لجمعية خيريه ..
شوفي لك صنعه تملأ فراغك .. مشروع طبخ , خياطه , كوافير ..أي شيء ...
شوفي الدنيا خارج إطار بيتك ..شوفي اللي عايشين بحالة يرثى لها ..
شاركي الناس همومهم وأفراحهم وأتراحهم ..كوني لك بيئة جديدة ..
لاتعيشي بس لنفسك , وعينك بس تطالع أيش عندهم وأيش ماعندي ؟؟!
كبري سقف طموحاتك ..مش قميص نوم , وقصة وصبغه ..!
خليك شيء مميز يشار له بالبنان ..لاتخلي زواجك من هذا الرجل نهاية العالم ..
ماتدرين يمكن لو جلستي ببيت أهلك كان تزوجتي أردى منه ..!!
الآن ع الأقل أنتي حرة نفسسك ..تطلعين , تدخلين ..تدرسين ..تخالطين ..تعزمين ..
مااحد يسترجي يقولك لأ ...


أتمنى يكون هذا آخر موضوع لك ..تشتكين فيه حالك للبشر ..!
صدقيني أنتي مابتضريني لو كتبتي عشر مواضيع ..
بس بذمة كذا أنتي تضرين نفسك ..تخسرين دنيا وآخرتك ..
الشكوى للناس مذله ياقلبي ..والله ما بيدنا خير نقدمه لك ..ولاشر نصرفه عنك ..!
لاتتوقعي الناس بتظل معاطفه معاك ع طول ..!
مره ع مره ..بتشوفين مااحد يعلق ع مواضيعك ولايرد ..!
الناس تساعده مره ..تدعي لك مره , تنصحك مره ..بالأخير ينتظرونك تتغيرين وتطبقين وتستفيدين ..!
شافوك ماتغيرتي بيتجاهلونك ..هم عندهم مشاكل أكبر من مشكلتك ..!!

الله يسخرك لزوجك ويحنن قلبك عليه ويرزقك الرضا والقناعه ويجعل همك الآخره ..



________________________

الموضوع بكامله منقول من رد للرااائعة الله يحميها حرة على كف صقار
حرام يضيع بين المشاركات ف حبيت بعد اذنها احطه موضوع لوحده