تفكر نفسها أميرة الله يصبرني بس ...

الســـــــــــــلام عليكم


أنا بدخل بالموضوع على طول بدون مقدمات أنا عندي وحدة تقرب لي هي يتيمة ابوها مات بعد ماطلق امها ورماها عند امها ...

المشكلة انها تسوووووووووي مصائب الدنيا قدامي وانا اما اعرف اتكلم يعني ماعندي اسلوب انصح احس لمن ابغى اكحلها اعميها اجي بنصح ينقلب الموضوع عليه فأفضل اني اسكت يعني بقول لكم عن حركاتها الي يمكن ماتصدقونها


هي لسانها طووووويل مرة وماتخاف من حد أمها عجوزة لمن تقولها شي تصرخ عليها الين ماتسكتها :09:

والله تفشل امها عند الناس حتى الي مانعرفهم ولمن ماما تقول لها عيب بنتك كذا تكلمك تقول لها هي عصبية في البيت بوريها شغلها وهي مسكينة ماتقدر تتعامل مع بنتها

تخيلوا والله تتكلم مع شباب اكثر من واحد ومرات تقول لي اعطيني جوالك بسوي رنة انا اعطيها وتعالوا شوفوا المعاكسات بليل ...


أيش اقول لكم بس اشتغلت بمكان عام فيه اختلاط وتقول معجبيني كثيييير وتوريني ورد ورسائل غرامية ومسجات حب وتقول انا حلوة انا احلى وحدة بلعيلة والدليل الشباب وراية وين مااروح

هي تقرب لي من جهة ابوي وعيال خيلاني الي انا ما اعرف اشكالهم هي تخرج عليهم ومايقربوا لها وتكلمهم وقدام الحريم تقول لزوجات خيلاني كيف حال ابنك محمد سلميلي عليه :eek: خير ان شاء الله وجوالها يررررن 24 ساعة نقول لها مين تقول معجبين

لدرجة انها تتكلم عن خطيبي كان يبغاني وهي تقابله وتبعت له رنات بس هو مايجاوب تقول لي مرة خربت سيارتنا ودقيت عليه قلت له بروح عند صاحبتي قلي من عيوني بس ماما مارضيت تقول ما اخليكي لوحدك معاه (تخيلوا ايش موقفي ساعتها ) قاعدة اقولها ايوة خطيبي يحب يقوم بالواجب وذاك اليوم اتصلت عليه قلي الكلام مزبوط انا عاد والله فكرت اطلق كرهته وهو يقول لي يعني ايش اقول لها ما ابغى ...

ويوم يكون في اولاد تلبس القصير و24 ساعة رايحة جاية تبغى تلفت النظر والله يوم رحنا البحر احنا البنات كلنا مع بعض وهيا سابتنا وراحت تلعب مع الاولاد هي مو صغيرة عمرها20 سنة انا اصغر منها بسنتين ..

ولو قلنا لها كلمة امها تزعل وماتجي بيتنا وماما تقول يتيمة واما اليتيم فلا تنهر بس يعني ايش الحل هي مو اجمل وحدة بالعيلة جمالها عادي انا ماهمني فيها تصاحب عيال الحارة كلهم بس توصل لخطيبي والله اني ابكي بليل واقول لماما ما ابغاه كرهته من كلامها تقول كان يبغاني هو والله ماحتى فكر فيها لأنة ولد خالتي وامه اكيد كانت بتقول لنا لو يبغاها وهو صريح يقول وحدة قاعدة عند الشباب اكيد حينبسطوا معاها بس ولا واحد ممكن يفكر يتزوجها بس طريقة تعاملها وكلامها يجرح شوفولي حل ابغى اسكتها تتدخل في كل شي وانها هي الاحلى والاميرة ديانا بس لسانها طوويل اخاف انصحها تسوي لي شي قولوا كيف اتعامل معاها ...