تفكيرنا بالزواج ليه كذا

السلام عليكم
بنات عندي اهل ام واخت وخالات تفكيرهم غريب
بتقولون كيف
بقولكم احس اكبر همهم الزواج والزواج
متخيلين ان يشوفون البنت اللي عمرها 27 يوه كبيره وعانس بعد!!
لما عصبت عليهم قلت اذا تشوفو اللي اعمارهم 27 عانس فما بالك باللي تعدو 33
ويقولون الناس هذا تفكيرهم اللي تتعدى 25 خلاص كبيره قسم بالله كل يوم انصدم بتفكير الناس من ناحية الزواج
يعني انا مثلا عمري 26 وجاني خطاب بس ماررتااح لهم او بالعربي مابي الزواج الحين يعني باقي لي سنه واعنس بتصنيف اقاربي!!
واذا قلت لهم انا اللي بيعنس ولا انتم يقولون تطيحين عندنا لما تكبري من بيتحملك كل اخوانك ببيوتهم مع زوجاتهم ماحد راح يبيك بعدين
وجد لاحظت ناس كثير كثير اعمار عيالهم 30 و 33
ويخطبون لهم ام 23 و 24 بالكثير ك اخر حد ليه الامهات كذا اصلا صار تفكيرهم يزوجون عيالهم بزران
لدرجه حضرنا زواج واحد عمره 33 واهله مزوجينه وحده 22 بس جسمها كبير يعني مليانه طول وعرض قسم انهبلت لما عرفت عمر البنت
وخوالي كذا لما جت جدتي تخطب لهم وهو اعمارهم فوق 30 كلهم قالو مانبي البنت اكبر من 23
وامهم تقول اكيد ياوليدي اجل بزوجك عجوز