كيفكم ان شاء الله تمام
الام : ساره شفتي دانه ولدت ....
ساره : ماشاء الله
ساره : متى بتروحين تزورينها طيب
الام : بكرى .. ليش ..؟
ساره : خلاص اذا جيتي تروحين ترى بروح معك ودي اشوفها.
الام :لا
ساره : ليش ..؟
الام: هاه .. البنت عيب تروح تزوح الوالده
ساره : طيب
**************************************
الام : دقت لبنى تقول خالها توفى .. الله يرحمه
مشاعل: يؤ.. الله يرحمه متى ووشلون
الام: .......................
مشاعل : طيب متى بتروحين لهم ودي اروح معك ابي اعزي بنته اعرفها صديقتي
الام : وشوووو ... لامانتيب رايحه
مشاعل : ليش ..طيب
الام : عيب البنت تروح تعزي
مشاعل : طيب خلاص مانيب رايحه :(
**********************************************
منيره : يمممممممممه دااانه سوت عمليه امس وودي اروح ازورها
الام : لا
منيره : ماراح ازورها بالمستشفى لااذا طلعت وراحت للبيت ان شاء الله
الام : لا ون قال لك اصلا يتزورينها بالبيت او بالمستفى .. دقي وسلمي عليها وتحمدي لها بالسلامه بكفى موب لازم تروحين
منيره : طيب لييييش....هذي صديقتي ؟؟
الام : انتي بنت وعيييييييييب تروحين تزورين
************************************
طبعا قائمه عيييييييييييب انتي بنت طووووويله الى متى ؟؟؟؟؟ وهذا قطرة من بحر من الممنوعات على البنات
معلييييش ماقضينا من سالفة ممنوع دخول العزاب بنبدى شكله بعد ممنوع دخول البنات او العازبات على نفس وزن العزاب .. طبعا اتكلم عن الاهل مو الاماكن العامه
* الموضوع كتبته على عجل واعرف فيه اخطاء كثيــر انا بشر ان اصبت فمن الله وإن اخطاءت فمني...
* تعليقك على الموضوع يهمني .. بنت او ام
*الامهات على عيني وراسي لاتجي وحده وتقول امك اعرف بمصلحتك انا ادري انها اعرف وعلى عيني وراسي امي
رسالتي : ترى ماتوووو اللي يقولون لاانتي بنت عيييب ... خلاص العالم تغير ... صدق انه فيه حدود بس مايمنع