تقارير مصورهـ عن مطاعم وكافيهات جده ..^_^

ليدي لين راسل • 16 سنة

الــعــنـــوان

جدة - شمال جدة - شارع الامير سلطان بأتجاه الشمال - قبل الوصول إلى مركز الهرم و جرير مول

السرايا

هذا مدخل المطعم .. وكما تظهر لكم صورة الناقة في المقدمة
ولا اخفيكم ان امي بغت تبطّل من العشا يوم شافت الناقه
وفي نفسها تقول : ليش مانروح مطعم ثاني خخخ

وهذي صورة لطاولاتهم

طبعاً نظامهم في الجلسات رهيييييييييييييبه !!
كل سيكشين عاملين له ستايل غير الثاني
يحتار الواحد وين يجلس
وطبعاً عندهم في الدور الثاني جلسات تطل ع البحر
بس مشكلتها انها برا ولا هي مكيفة .. والجو كان رطوبة

طاولتنا كانت تطل ع الحديقة

اول طلب كان شوربة دجاج بالكريمة ..

+2

ليدي لين راسل • 16 سنة

ورق عنب ع الطريقة المصرية

وعندهم على الطريقة الشامية .. مدري ايش الفرق بس قلنا نجرب المصري ماودنا نكسر بخاطر الويتر

حبيب الشعب

هذا طلبييييي كان فوتشيني
بصراحه احلى فوتشيني اكلتها بعد اروما واموري
واللي معطيها طعم اكوس .. انهم حاطين عليها زعتر

العصيرات
كنّا طالبين 4 بس ماصورت إلا اثنين
طلبي كان عصير دريم
والباقي كان ستروبري وليمون نعناع و بنانا ..

ام علي
ما اكذب عليكم من حلاتها كلنا قطينا فيها

طيب غمّضوا عيونكم بوريكم حسابهم

153 ريالز فقط لا غير

اسعارهم جداّ جداّ جداّ مناسبه !!

والمطعم كثير ينفع لـ عزيمة عشاء او غداء والله يديم الرخص

تقيمي للمطعم :

- اكللللهم جداّ حلو ولذيذ .. يمكن لان المطعم مصري - شامي

- اسعارهم مايختلف عليها اثنين انها مناسبه ومن فوق خشومنا

- ترتيبهم وديكورهم وخدمتهم ماعليها كلام ..

- هدوء المطعم كان حلو غير عن بقية المطاعم رغم ان الويتر يقول الدور الثاني مليان فل

- اهم شي حاطين ام كلثوم - عبدالحليم - وفي الاخير شغلوا روتانا كليب

- للأسف مالقيت لهم ويب سايت ولا رقم

موقعهم في الكورنيش قبل تشيكي تشيز

جنب مطعم ابو شقرة ورانديفو وماكدونالدز وصف المطاعم

+3

ليدي لين راسل • 16 سنة

مطعم مرحبا الباكستاني..

في نظري لايوجد فرق بينه وبين الاكل الهندي وخصوصاً معطم شيزان نفس المنيو والطلبات

وهم قريبين في نفس الشارع

نظام الاكل عندهم بوفية مفتوح يوم الخميس والجمعة من الظهر الى ماقبل العصر فقط..

وبقية الايام طلبات ..

سعر الشخص بـ 45 ريال ..

والاطفال نصف السعر

هنا المدخل ..

بعدها جلب الويترز لنا بارتشن وقام بتغطية الجلسة ..

وانطلقنا الى البوفيه ..

ملاحظة نحنُ كنا اخر ناس على البوفية لانو خلاص راح يقفل..جينا متأخرين...

من جهة اخرى..

سمك فيلية مقلي ..

دجاج تكا مشوي..

سبيرنغ رول محشي خضار ..

رز برياني يم يم..

رز ابيض ساده..

+5

ليدي لين راسل • 16 سنة

الايدامات حوالي سبع انواع مشكله من لحم ودجاج و خضار وبقوليات

خبز محشي بطاطس مع الزبد

السلطات عدة انواع لكن صورنا اطعم شي بنسبه لنا ..

سلطة خضراء

تبوله بس بلمسه هندية ... لذيذة جداً

سطله تفاح وااااو

نجي للحلويات ..

+5

ليدي لين راسل • 16 سنة

حلوا الجزر ..

رز بالحليب بارد بس والله لذيذة خصوصاً طعم الهيل وجوز الهند والمكسرات ..نكهة شرقية

مادري وشسمه بس برضه حلى

وفيه نوعين من الشوربة..

والفلافل عدة انواع لانو الاكل خالي من الفلفل..
هذا اختياري طبعاً

شوربه دجاج بالذرة..

سلطه..

شوية فلاش عشان توضح الصورة

ولا ننسى الخبز (الشباتي )..

وحلينا رزبالحليب..

وفي الاخير اعطونا مناشف ساخنه ومعقمة (انتبهوا احياناً تجي حاره مره)

المطعم يقع في الحمرا خلف مفتى لوباناشية

وقريب من شيزان الهندي..وحوله مطاعم كثير ايطالي وايراني

+5