ماما نونو :

بصي بقي يا ست الكل احنا عندنا التقاليد بتختلف كتييييييييييييييير داخل مصر مابين ناس ملتزمين وناس وسط وناااااااس فري يعني كله عندهم عادي جدا وكمان بتفرق عادات وتقاليد المدن عن الارياف يعني القري في بينهم فرق كبييييييييير .....همسكهم واحده واحده .اولا في مجتمع المدن بيكون فيه ناس ملتزمين جدا وطبعا بيعملو فرح بنسميه هنا في مصر فرح اسلامي .............. وبيكون الجواز بردوه ليه اسم معين ؟؟الا وهوا جواز الصالونات يعني لا يكون العريس والعروسه عارفين بعض ولا حاجه يا اما مامته او اخته او حد من قريبه قالو عليها ويجي يشوفها وهيا طالما من الاسر الملتزمه اكيد لما بيجي يشوفها بتكون محجبه يعني بيشوف الوجه فقط ولبسه لبس محتشم ولو حصل نصيب اما بيعملو خطوبه وطبعا بيكون ملتزمين فيها يعني لا خروج ولا فسح ولا انفراد الا في وجود العائله او بيتوكلو علي الله وبيعملو كتب كتاب علي طول علشان ميكونش فيه اي فرصه لارتكاب الزنوب ..... وطبعا بيكون فيه قعده فيها الاتفاق علي الشبكه ............. بكام الف ؟؟؟؟؟؟؟؟؟ او كام جرام ....... ؟؟؟؟؟؟؟ والمؤخر والقايمه ............... القايمه دي بقي عباره عن كل حاجه اشتراها العريس او جبتها العروسه يعني كل محتويات الشقه ((( من الابره للصاروخ )))) لانها بتبقي من حق الزوجه لو لا قدر الله فيه انفصال والمهر عندنا مش ذي عندكم يعني مبلغ بيتم الاتفاق عليه بس مبيتدفعش وهوا من حق العروسه طبعا في اي وقت تطلبه بس مش شرط تاخده قبل الجواز وممكن تاخده يعني كل واحد علي حسب عائلته وطبعا الفرح الاسلامي بيشبه االفرح عندكم الي حد كبير من حيث عدم الاختلاط ونوع الاغاني وغيره يعني قاعه للسيدات وقاعه للرجال وبس .........اه صحيح لاازم ام العروسه تجهز عشا فاخر من حمام وبط وديوك رومي وغيره اذا كان العرسان هيقضوا اول الايام في عش الزوجيه .................................. ويؤسفني اقول انه النوع ده من الاسر او الافراح قليل جدا عندنا يعني لسه منتشرش اوي بس فيه ناس بداو يطبقوه......................... ثانيا لو اسره عاديه وده اغلب العائلات عندنا بيكون نظامهم كالاتي ................... بيكون الولد والبنت عارفين بعض مثلا من الكليه من العمل او جيران او اقارب المهم انهم عارفين بعض وبيحبو بعض بيروح الولد يتقدم لاهل البنت ولو وافقو عليه بيجيب اقرب اهله اعمامه خلانه والعروسه كمان ويقروا الفاتحه ((((((( يلبسو دبل وبيكون العريس جايب بردوه هديه دهب تانيه ممكن اسورة او خاتم او انسيال او اي حاجه بس مش هيا دي الشبكه )))))) وبتكون حاجه عائليه في البيت طبعا بعد قرايه الفاتحه فيه اسر متحفظه بتمنع ان البنت والولد يخرجو مع بعض لوحدهم وفي اسر عاادي جدا لانهم مخطوبين يعني حسب الاسره مش في نظام معين ......... ويتفقو بردوة علي الشبكه والمؤخر والقايمه وكل حاجه وممكن بعد فتره يعملو شبكه او كتب كتاب او الفرح علي طول يعني حسب الاستعداد لكلا الطرفين ... ويحجزو قاعه حلوة ويعملو فيها الفرح بس طبعا فيه اختلاط اهل العروسه واصحابها واهل العريس واصحابه واغاني عاديه وهاتك يا رقص وضحك ولعب لحااااااااد نص الليل وكللللل حاجه ((((((( ودي اغلب افراحنا )))))))))) وبدأت تظهر من كام سنه عندنا العروسه المحجبه يعني العروسه يتصمم فستان الزفاف بكم وهاف كول وتعمل الطرحه اسبانيش يعني للخلف مش حولين الرقبه وتحط عادي الميكب وكل حاجه ويكون فيه اختلاط بس بتكون العروسه شبه ملتزمه لانها ملبستش فستان عريان وده اللي كان بيحصل دايما العروسه في فرحها حتي لو كانت كحجبه بتخلع الطرحه وتلبس كت او حتي من غير حاجه خالص بس الحمد لله الموضوع ده قل جدا في اغلب الاسر المصريه العاديه ............................... وفيه طبعا اسر فررررررررررررررررررري جدا ومش هحكيلكم بقي دول افراحهم عامله اذاي لحسن تقتلوني ههههههههههههههههههههههه

بصي بقي يا ست الكل احنا عندنا التقاليد بتختلف كتييييييييييييييير داخل مصر مابين ناس ملتزمين وناس...