تقبلين انك تتزوجين واحد بهالموصفات ولا لا ؟

مرحبا

بصراحة اختي
ما راح اوافق لان العيب مو في الريال بالرغم من كل شي لكن الظروف المحيطة ما تشجع
مثلا اهله و طبيعة الشخصية اللي انتي تكلمتي فيها عن البنت==على افتراض لو كنت منها

الولد ما ينعاب في شي يمكن التعقيد كله في البنت اللي تنظر لاهله انهم يطالعونها و انهم اقل منها===تقريبا هذا اللي فهمته

اللي اقوله,, اذا هذي البنت شارية الولد عليها تقبل بهالظروف و تتنازل و تخلي عندها تواضع شوي و اذا كان مو وايد هامنها ترفضه و تنطر نصيبها اللي يمكن ايكون متناسب معاها في كل الجوانب

:19:

هلا اختي دنيا الخير ... مشكورة على ردك وماقصرتي ...


بس ابى اعقب على كلامك البنت متواضعه جدا جدا جدا لدرجه زي ماقلت انها اجتماعيه ومن اخلاقها الزينه الكل يبي يتعرف بيها عشان اخلاقها .. وهي من عائله ميسوره الحال تربت على هالمستوى زيها زي اخوانها و اخواتها بس عمرها مااحسست احد باللنقص.. تحب الغني والفقير ..
بس هي تحب الرجل الكفو اللى يتحمل المسوؤليه ..
مسووليه نفسه ونفسها وعيالها فى المستقبل فهمتي علي .. بمعنى انو مايرمي حمله كلو على المراه ... هى مستعده تساعد بس مو بكل شيء فتح بيت .. اقامه زواج .. تثيث بيت ..مصاريف نفسها من ثم عيالها اذا مااتغير الوضع ..مو شرط بنفس المستوى للى هي تعودت عليه ببيت اهلها ؟؟؟ بس تحس انها مسوؤله من احد ...
... طيب هي ايش استفادات من الزواج اذا مااحست انو فى احد مسئول عنهاا وعن احتياجتها ....

اتمنى وصلتك المعلومه ... وشكراا جزيلا على ردك ....:26:

احب اعقب على نقطه عشان الاخوات مايفهمون غلط ...

البنت تراااها اخلاق.. اخلاق.. اخلاق بشهادة الجميع ...

وهذة النقاط الللى ذكرهتها مو معنتو انها تكلمت على المال والجمال انها مغرورة او متكبرة ومحد مالي عينها.. لا هي ذكرت الواقع اللي هي عايشه بشكل مبسط يعني مو بتفصيل الممل ... بس هى زي مااقلت تحب الانسان المسسوول حتى ولو بقدر بسيط جدا بحيث يظهر اجتهادة ومسوليته للحياة الجديدة اللى هومقبل عليها ...واعيد وازيد حتى
ولو بقــــدر بســـــــيـــــــــــــط .....

وتراا معاملت اهله معاها زيها زي بقيه افراد اسرتها من صغيرهم لكبيرهم(اخوان واخوات) ...

ودمتم
:26:

هلا اختي دلوعة موت
سوري على سوء الفهم :27:

الموضوع واضح يا اختي يعني كله يعتمد هل الريال,,,,,,,اذا هي حاسة انه ما راح يتحمل المسؤولية و كل شي بينقط على عمرها (بحيث تكون متأكدة من هالشي 100% يعني لا تظلم الريال و تظن فيه بس ) ترفضه اكيييد لان هي ما راح تتقبل ريال غير مسؤول حتى لو كان دينه و خلقه بهالمستوى الزين
اما اذا كان مستعد يكون مسؤول عنها و عن بيته حتى لو في حدود امكانياته البسيطة و يتناسب الى حد ما بمستواها خلها توكل على الله و توافق

و خل تستخير والله يوفقها

اختي الغالية دلوعه موت

دام اهله ينظرون لها هي واهلها بهالنظرة ليش يخطبونها؟؟؟

إذا عن رأئي في الموضوع:
اولا: بالنسبة للفرق التعليمي، مو شرط ان اللي تعليمه ثانوي او ابتدائي ما يكون مثقف، يعني مش سبب للرفض
ثانيا: بالنسبة للفرق المادي، اذا هي بتستحمل المعيشة في مستوى مادي اقل من اللي متعودة عليه بوااااايد فهذا قرارها، بس لازم تفكر زييييييييين.
ثالثا: بالنسبة لأهله: اذا لهذي الدرجة حسودين وهي بتعيش معاهم في بيت واحد فبلاها هذي الزيجة

المهم اختي في الموضوع انها ما توافق علشان الحب او خوف العنوسة

هذي حياة كاملة ، الحين بتقول براية مو مشكلة بوافق وبستحمل بس بعدين لما تلاقي تفسها تصرف عليه وعلى امه واخته وهي ميته بينهم ، تصرف على عياله وبيتها بفلوسها، صدقيني ما بترتاح ونفسيا راح تتعب... صحيح ان الحياة مو كلها فلوس بس الواحد وما اعتاد عليه في المعيشة ، واحنا بشر في النهاية، وفي مجتمعنا الحرمة لما تعرس ما تاخذ الريال بس وتاخذ اهله معاه<< بالجملة يعني..
خليها تفكر زين وتستخير ربها اذا الريال ما ينعاب
الله يوفقها في أي قرار تاخذه

والسموحة