تقدرين تتركين اهلك ومنطقتك

هذا حال كنت بنت تتزوج مرتبطه بزوجها وتكون معاه وين ما راح بيكون صعب السنين الاولى من الزواج لكن بتتعودين وتتأقلمين وسبحان الله بعدين بتلزقين في زوجك وما ودك تفارقينه ابدآ

كنت عايشه بجده وتزوجت فيها وعشت 3 سنوات بعد زواجي فيها

وتوظف زوجي بالشرقيه ورحت معه وهاذا الشهر يصير لي سنه

بالاول تعببببت بس الان الحمد لله

اكيد الوحده مالها الا الزواج والاستقرار في بيت
الاهل مهما جلستي معهم سنين مو زي بيتك ومملكتك
اول الامر بتتعب الوحده من الفراق ويمكن تمل هي وزوجها من بعض بس بعدين بتتأقلم
وحده من قريباتي كل ما تقدم لها واحد اشترطت عليه تسكن في الرياض وسبحان الله كلهم بيسكنون برا الرياض والحين عمرها 30 سنه وما عاد احد خطبها وش فادوها فيه اهلها الحين تتمنى تتزوج اي واحد المهم تتوفق

عندي ثنتين من اخواتي كانوا يرفضون العرسان اللي من برا الرياض بحجة البعد عن الاهل صعب وانهم مايقدرون
والحين ندمانين قد شعرهم ازواجهم مو ذاك القد وليسوا باخلاق اللي كانوا من برا الرياض لانهم ماشاء الله تزوجوا ومانسمع عنهم الاكل خير حتى واحد منهم مسك منصب حساس والحين يلومون امي يقولون ليش مانصحتينا ان الزوج باخلاقه مو ببعده فانا انصح دايم ان الوحده اذا جاها عريس بمواصفات مناسبه ماترده عشانه من برا المدينه وسبحان الله بتتعود على بيئته وكل ماكانت العلاقه قويه مع نفس الزوج والله ببتعلق فيه الوحده لو راح لقرى والله يوفق الجميع

انا تزوجت وانتقلت لمدينه بعيده عن اهلي بلاول تعبت وبعدين تأقلمت لين جانا الي يفرق صحيح وهو وفاة امي وابوي الله يرحمهم وهانت بعدي عنهم بزواجي عن بعدي عنهم الان