خلاص اختك لا تعلق نفسها في واحد لسه ماعاشرته ولا تعرفه وفوق كل هذا ابوكم رافضه وما يبيه يعني من اولها مشاكل

واذا جينا للحق والواقع اللي يدرس لسه ماكون نفسه ولا عنده استعداد للمسؤليه وتفكيره بيكون في الدراسه وكيف يدبر نفسه لان الغربه صعبه

والله اعلم يمكن اهله بيزوجونه عشان تكون معه بنت بالغربه تخدمه وتقوم فيه وتربطه عن الحرام

واختك لازم تحط في بالها ان الزواج مسؤليه مو وناسه وسفر

وش معنى تعلقت فيه ومتمسكه فيه ومطنقره عليكم وهي ماتعرفه ؟!!

خليها تركد وتعقل ولا تصير مطفوقه

انا ممكن اكون بصف اختك واتفهم زعلها وحرصها على الخاطب الاول اذا اكتشفت ان بينهم علاقة حب والرجال جاء يخطبها عشان تكون حلاله

تحاول تقنع ابوك بالي تبيه هذي حياتها هي الي بتعيشها وحدها وحياه عيالها
الام والاب والاخوات كلهم بيبعدون عنها
اختي لها 16 سنه متزوجه طاعت شور ابوي وكانت ماتبي وندمانه قد شعر راسها
تقول ليتني وقفت في وجه اهلي
عالعموم تستخير وتدعي الله

توي قرأت الردود
سبحان الله كل شي عندكم حسد وغيره ؟!!

يا اختي الله يرضى عليك طالما تشوفين اننا حسودين وغيورين ليش طلبتي منا المشوره ؟!!

بس اقول تأكدي ان المشوره أمانه وكل بنت كتبت ردها بناء على ضميرها واللي تشوفه صح من وجهة نظرها

تقدرين تاخذين فيه او ترمينه وراء ظهرك في النهايه احنا مانعرفك ولا تعرفينا ورفضكم او موافقتكم على الخاطب ماراح تفيدنا بشي ولا تأثر على حياتنا لا من قريب ولا من بعيد

وبصراحه مدري وش تبينا نرد عليك يعني ولي امركم ابوكم رافض الفكره وحتى انتي متردده من ناحيته بس متعاطفه مع اختك وش تبينا نقول اذبحوا ابوكم ولا اشنقوه عشان يسسلك لكم الطريق للسفر اقصد للزواج

وصدقيني يمكن انتي واختك ربما تندمون لانكم حالياً في حيره ما تقدرون تنظرون للوضع بمنطقيه وبعيد عن العواطف والمشاعر ، والناس اللي ترد عليكم نظرتهم للوضع اوضح لانه نابع من طرف محايد .


واختك اذا من صوره تعلقت وتمسكت فيه مثل الاطفال شافو لعبه ويبكون يبونها بالله عليك كيف تأمنين عليها او تثقين فيها كأمرأه مسؤله عن عائله وفي بلد غربه مافي عرب الا القليل واغلبهم رجال او بنات عازبات ؟!

الزواج ابعد واكبر من صوره اعجبتها وتعلقت فيها بكرا هذا الوجه تتعود عليه وراح تصحى من غفلتها وتعاشر شخصيته وتكتشف انها تسرعت كثير

ويفترض بما انك اختها توقفين معها وترجعينها للحق اذا شفتيها مالت عن طريق الصواب

يفترض تفهمينها وتوعينها بدال ماتقولين حاسدينها على ولد مثل خلق الله وفوقها مايملك وظيفه ولا بيت وابوكم رافضه

استغفر الله .. ربي يصلحكم ويكتب لكم اللي فيه الخير

ما شاء الله ابوك حكيم
اول شى هذه مش خطبة على خطبة لأنكم ما وافقتوا على الاول و اشهرتوا و قلتوا للناس فلانة أتخطبت لفلان هذه لو جاء واحد ثانى خطبها بعدين حتكون خطبة على خطبة لكن هذا تقدم و أنتوا مازال ما وافقتتوا
ان شاء الله فهمتينى


بعدين الوالد الله يطول فى عمره قال صعبة تسافر بعد أسبوعين من الزواج ياليت تسافر بعد مدة من الزواج و هو صادق كلنا نعرفوا ان اصعب مدة فى الزواج هو الشهور الاولى و خاصة لو الطباع مختلفة من حيساند اختك لا سمح الله لو صار سوء فهم


و هذا المبتعث ما عنده وظيفة و صدقينى الغربة صعبة و اسألى المغتربين اول شهور تجيهم ضيقة صدر بسبب العجائب اللى يشوفوها و عدم سماع الاذان فتخيلىعروسة أسبوعين يعنى زوجها يعتبر مازال ما أخذت عليه و ما عندها اصحاب و لا اخوات و زوجها حيطلع طول اليوم و هى حتكون محبوسة بين اربع جدران فى مدينة ما تعرف لغتها شوفى كيف الوضع


خليها تستخير و اللى فيه خير الله يقدمه

الرجال دائما عندهم بعد نظر وتفكير عقلاني
ابوك فاهم ومهتم بمستقبل اختك الله يكثر من امثاله مو من الرجال اللي مع اول واحد رمى بنته ولافكر فيها وياويلها لو جته مطلقه يذبحها
واذا لها نصيب بتروح مع صاحب النصيب ادعو لها بس ربي يكتب لها الخير