تقدم لي قريبي ومحتاره !!!

السلام عليكم ورحمة الله وبركاته




اخواتي حابة استشيركم ( وتعطوني نصايحكم من تجاربكم ) تقدم لي واحد من قرايبنا ومواصفاته عادية وظيفته عادية ( عسكري ) بس للامانة يمدحون اخلاقه واختي سألت زوجها ومرا يمدحه وانه رجال ووو لكن انا خايفة من المستقبل او تصير مشاكل لا سمح الله وامه انسانه تحبني وما ابغى في يوم تندم انها اختارتني او تصير مشاكل وتكرهني ( هي من النوع اللي ما يرضى ع اولادها ولا تشوف خطأهم وولدها قريب منها ) انا باقي ادرس وقالوا عادي ننتظرها حتى تخلص دراسه ... الشيء الثاني انا انسانه طموحة وحابة اكمل دراستي واصير معلمة او معيدة ( وبضطر للابتعاث الخارجي وما ادري عن ظروف عمله يقبلون او لا ) يهمني الجانب المادي كثير يعني ما ابغى اعيش بداية عمري بديون وتعرفون رواتب العسكر وانا ما اضمن اتوظف بسرعة واحتمال اصير عاطلة سنين


جدا متخوفه ومحتاره وبنفس الوقت اقول اهم شيء الرجال يكون كفو والكل يمدحه وكريم والفلوس مو كل شيء ( متناقض التفكير ) حبيباتي انصحوني سواء لقراري الحين او تعاملي معاه ومع اهله بعدين