بسم الله الرحمن الرحيم
شلونكم بنات
ابي استشيركم من باب قوله تعالى و شاورهم بالامر
انا عمري فوق ال30 و تقدم لي متزوج من دوله خليجية و عنده عيال و السبب تقول اخته حرمته شريه وما هي طيبه و مخليها بس عشان عياله و يبي واحده طيبه و تحاف الله تعالى
انا مقدر اكذبها ولا اصدقها ابي اناقش الموضوع وياكم اهلي منقسمين
اختي الكبيره تقولي لاتاخذين واحد متزوج مرده يملك وولاءه لعياله و لمرته الاولى
الوالده الله يطول بعمرها متفتحه تقول اذا هو زين و صالح ليه لا
و العقل و المنطق يقول الى متى نرد؟ يعني اخطبوني كثير بس مافيهم الصالح
وانا من زمان اشجع التعدد بكتاباتي من يوم انا صغيره
بس السؤال هو قادر على التعدد قادر على انه يعدل؟
الي شجعني ان الدوله الي هو منها نفسها الي كنا عايشين فيها من زمان و عارفين طيبة اهلها
بس فيه شي ثاني احنا حضر و هم بدو
ومن خلال قراءاتي لكثير من مشكلات المتزوجات
لقيت الكل مهموم الحضريات و البدويات
يعني العبره بالانسان مو بشي ثاني
و احنا قبايل و هم قبايل الحمد لله
و الي شجعني افكر تقول اخته بار فيهم و بامه لانهم ايتام ارجو يكون كلامها صحيح ايضا انا عانيت من انتظار الوظيفه كثير و ابي لعيالي الصراحه مستقبل افضل الله سبحانه ميزنا بالعقل ما ابي بناتي مثلي ينطرون الوظيفه صح ولا لا؟
عموما لو وافقت بنسال عنه ان شاء الله
بس ابي اسالكم من واقع تجربتكم بالحياة ومن القصص الي تشوفونها وش السلبيات الي ممكن تحوشني
ترا كل معدد و حريمه قصه بحد ذاتها
مو بالضروره الي تاخذ الولد العزابي تتهنا و الشواهد قدامي من طق و سب و اهانات لبنات ملكات جمال العزابي اذاهم
و بنات اخذو متزوج و توفقو
انا مو معارضه التعدد بس شلون اعرف انه رجال فعلا و كلام الحريم ما ياثر فيه؟
بستخير ان شاء الله بس ابي خبرتكم و نصايحكم بارك الله فيكم
بس اذا انتي مقتنعه نفسياا
خلاااص انتهى الكلااام
واهم شي استخيري ربنا والله انه اذا فيه خير بيتيسر لك واذا فيه شر ربنا بيصرفه عنك ويعوضك اللي احسسن منه
وربي يووفقك ..