شوفي يَ حبيبتي قبل كل شي لآزم تستخيرين استخيري وان استخرتي من قبل زي ماقلتي عيدي مره واثنين وثلاثه اسألوآ عنه وبعدهآ حددي،

وربي يكتب لك الي فيه الخير ويسعدك ويهنيك ويرزقك الزوج الصالح التقي النقي المخموم القلب،

غاليتي استخيري بالاول
والحمدلله اهله واضحين وقالوا بناته مالك شغل يعني خلاص هذا شرطك
اسالوا عنه وهذا اهم شي
والنصيب بيد ربنا الله يكتب لك اللي فيه الخير لك
فكري عدل ولاتقولي هذي فرصة ووو
ومثل ماقلت الاستخارة
الله يوفقك

استخيري وفكري
لو ماعنده عيال بقولك وافقي وانتي مغمضه
بس افي هالحاله شوفي وضع الرجال واخلاقه واهم شي سبب طلاقه

آولا تو كلي على ربك وآكثري من الدعاء
وثانيا آستخيررري
وصدقيني ماراح بصير اللا اللي كاتبه لك ربي وآفقتي او لم تو افقي

وآذا على رآيي انا الشخصي بو افق آذا كانت هذي مو اصفاته
واذا على بناته ووالدتهم مو جوده آكيد البنات راح يكونو عند امهم
واذا كان عنده بنات و امهم متوو فيه آكيد اح آقبل به وببناته

استخيري اول شي
لان ربي هو ادرى بالخيره لك
ثاني شي اسألو عن سبب الطلاق
لا تسألون أهله , مستحيل اهله يقولون ولدنا فيه وفيه
اسألو طليقته واهلها وجماعتهم وقرايب الرجال , نصيحه لوجه الله لا تاخذين بالسبب الي يقولون اهله او هو يقوله
اعرف وحده خطبها مطلق وقالو ماارتاحو لبعض وبعد السؤال طلع مريض نفسي, وثانيه قالو وحطو في البنت واخرتها طلع راعي بلاوي .. اسالو الناس البعيدين اما اهله لا ..

وقبل توافقين فكري بعقل قبل قلبك
الرجال مسؤل من بناته ومسؤل عن امورهم ومطالبهم بيروح ويجي عليهم بيتواصل مع امهم ويمكن ياخذهم عنده في الاجازات
وفكري ان مصيرهم له اليوم او بكره خاصه اذا تزوجت امهم بيأخذهم
يمكن يقول لا ماراح تتزوج وبتربي البنات بس هالكلام حطيه ورأ ظهرك ( هو مايعلم الغيب )
اي كلام قبل الزواج يتغير بعد الزواج انسي كلام اهله , طبيعي اي اهل بيحاولون يخلون البنت توافق وبيقولون ويزيدون من الكلام الزين عشان ولدهم
فكري بناته وين عايشين ؟ مع امهم في بيت ؟ او عند اهل امهم
اذا عند خوالهم والبيت داخل وطالع وفيه شباب هل تتوقعين بيتركهم اذا كبرو شوي ووصلو لسن المراهقه
بيأخذهم ويخليهم تحت عينه هذا احتمال كبير
وفكري بطليقته يمكن يرجعها اذا مو عشانها عشان بناتها لا تقولين هو يقول مستحيل
ترأ والله ثم والله من تجارب لي ولغيري كلام قبل الزواج ينمحى ويروح
بعد الزواج كل شي يتغير

انتي فكري بنفسك قبل كل شي
هل تقدرين تعيشين معهم لو جو عند ابوهم ؟
انا من رايي اذا انتي صبوره وهو رجال يخاف الله ومافيه عيوب احتسبي الاجر واشرطي شروطك عليه ماتدرين هالبنات بكره يمكن يحبونك مثل امهم ويغلونك وهم الي ينفعونك بكبرك .. بس اشرطي بيت مستقل واذا بيجيهم يجيب لهم شغاله تساعدك
اذا انتي غيوره وماتقدرين تتحملين وجودهم او رجعه امهم وبترفضين وجودهم عندك ارفضي الخطيب ولا توافقين
اذا خذتيه وبعد فتره قال ترأ بناتي بيجون يعيشون عندي وقلتي ماابيهم بيقول هم الداخلين وانتي الطالعه وماراح تكسبين من هالزوواج الا تعب وخساره لك انتي
وهذا صار لبنت من المنتدى وافقت وبعد فتره جاب بناته وندمت اذا تبين الموضوع جبته لك

والله انا انصحك وكأن الموضوع يخصني لازم تدرسين الموضوع من كل الجوانب وارمي اي كلام يقوله هو او اهله الحين فكري بنفسك وسعادتك وراحتك وقدره تحملك بس .. فكري بأيجبياته وسلبياته .. ماتدرين وين الخيره يمكن هالرجال يسعدك ويهنيك وتعيشين معه بسعاده ما شافوها البنات الي خذو شباب عزاب