تقدم لي ولد خالتي و محتاره .. لا تبخلون علي بالرد

الله يكتب لك اللي فيه خير...

والعمر مو مشكلة حبيبتي:27:

السلام عليكم ورحمة الله وبركاته

اختي انا مادري اقدر افيدج او لا بس انا تزوجت قبل سنه وما كنت مقنعه بقرارة نفسي فيه بالمره بالرغم من اني صليت استخاره وافقت لبعض الضغوط من اهلي لكني ما قدرت استمر معاه ابدا وانفصلت بعد 6 شهور بطلب مني عموما انا ما كنت اعرفه وهذا اللي يفرق بيني وبينج لكن نصيحه اذا مو قادره تتقبلينه بالرغم من انج اتعرفينه استخيري واذا ما ارتحتي انسحبي وانتوا بعدكم على البر لان الزواج مستقبل وحرااام تعلقين ولد الناس معاج .... والله يوفقج انشالله ويكتب لج اللي فيه الخير .................... اختج جودي

اختي العمر المهاجر

قرأت قصتك صراحة مااحس ان عندك سبب قوي
لرفضك لــــــــــه ...

نصيحة اذا طيب وخصوصا بهالزمن البنات كثرو
والعنوسه في ازدياد !

وعمرك مناسب للزواج ليه تدققين في اشياء في علم الغيب
وحتى لو طلع الأنسجام ناقص بيدك تغيرينه طالما ان اساسه طيب

الأشياء الثانيه مقدور عليها واهم شئ انه شاريك زي ماقلتي ومن اصل طيب ..

بس ملاحظة صغيرة طالما انه قريب لك لابد من اجراء فحص ماقبل الزواج
تجنباً لحدوث اي مشاكل في المستقبل لاقدر الله ,,

الله يكتب لك مافيه الخير :26:

اختي شوفي اذا بغيتي تستخيرين لاتحطين في بالج انج من الاساس ماتبينه او مترددة او عمره صغير.

على شان يبين بعد الاستخارة اما انج ماتبينه او ما انتي مقتنعة من داخل مولازم تستخيرين قولي ما ابيه وبس شنو فايدتها الاستخارة.

وصدقيني مثل ماقالت لج وحدة من الاخوات اذا مو مقتنعة خلاص قولي له انت مثل اخوي والشي الثاني اصغر مني
وبس والله يوفقج ويوفقه.

بس لاتعلقينه على ابو انج مترددة وتالي بفترة ترددج وانتي ماعطيتيه الرد بيتقدم لج واحد بنفس الوقت وتوافقين عليه وتقولين لولد خالتج انج ما انتي موافقة وجذية بتصدمينه وتهينينه وبتصير بنفسه .
ماانتي مقتنعة قولي ماابي وبس .
ولا توافقين على اساس انج يمكن تتغير نظرتج من ناحيته اذا عاشرتيه ترى بتظلمينه وتظلمين نفسج معاه الزواج سفر طويل ولازم الشخصين اللي بيسافرون هالسفر يكونون مقتنعين من بعض اثنينهم .
اما انهم يأملون انفسهم على انهم بيقتنعون من بعض اذا سافروا فهذا مستحييييييييييييييييييييل.
وترىالقريب اذا صرتي من البداية مو مقتنعة فيه وتالي ضغطتي على نفسج واقنعتي نفسج بالغصب مستحييييييييييل يستمر الزواج مو مثل اذا كان غريب .
والله يوفقج ويكتب لج اللي فيه الخير.
واتمنى تكونين استفدتي .
واسفة اذا طولت عليج وتفلسفت.