اليوم جيبتلكم صور تقريري عن القصر الامبرطوري كوريا سيؤل الشماليه,,
القصر مايبعد عن بيتي غير 5 دقايق وانا احب الاشياء التاريخه والتاراثيه عكس زوجي مايحب هاشياء ونشف ريقي يالله وافق اروحله :06:
لي شهور ازن عليه يالله وافق ولا القهر وافق وخيرني بين مكانين وعارف اني محتاجه لكن عشان يقهرني خخخ :mad:
اول شي كنت ابي السوق محتاجه اغراض واحنا في الطريق مرينا على القصر قالي تبين السوق او القصر قلت لا القصر اكيد ولا طلعنا نروح السوق ان شاء الله
بعد مانقعنا بالسياره يالله حصلنا على موقف وكان اندر قراوند وقلنا اكيد بنلقى اصنصير لكن الفاجعه
درج 3 ادوار وزوجي شال عربيه ولدي وقام يهاوشني وانا اردد وش دخلني وش عرفني وش يدريني
الحمدلله تسهلت ووصلنا ولما مشينا اكتشفنا انا الارض كلها رمل وانا جنيي امشي برمل ماحبه يدخل برجلي والشمس حاره وصاقعه وعطش وزوجي ماغير يتحلطم وانا اتحلطم معه غير كذا كنت تعبانه واحس باوجاع ببطني وخفت وسكت وهذا غلط
المهم بعد مادخلنا لازم نقص تذكر يعبدون الفلوس عباده كل شي بفلوس حتى التذاكر يمكن لو تتثاوب قالوا هات فلوس
قصينا التذاكر وصرت فرجه الناس تركوا القصر وقاموا يخزون فيني المهم مالكم الطويله واحنا نمشي فجاءه تسمع اصوات ضحك قريبه التفت لقيت مجموعه بنات وعيال يضحكون علي وياشرون انا انقهرت خزيتهم خز وهذا اكبر غلط
ومادريت الا الي جين جنبي ويخربطون عاد انا سمعت كميرا فهمت انهم يبون يصورون معي مارضيت وباعلى صوتي قلت نووووووووووووووو :mad: مع خزه لانو قهروني وحسيت باهانه من ضحكهم كل الناس التفتوا علي تاسفوا وراحوا وانا مشيت واحس للحين مقهوره صورت كم صوره مع خيبة امل كبيره لانو مب مثل توقعاتي اببدآآآ
يعني تخيلوا انتوا تحلمون تدخلونه وتحسونه شي ولما اخيرآ تروحون تحصلونه عادي وبايخ
كله رمل وفاضي ماعاد مبنى كان مليان ولاجازفت ورحت خفت يتركون ويصوروني لانو عادي عندهم مايستاذنون وزحمه
بعدين لقينا متحف دخلناه وكان التصوير عادي لكن من دون فلاش وانا كميرتي فلاش ولاعرفت اسكرها فاماصورت وكان المتحف عباره عن الحياه الامبرطوريه من ناحية الاكل والمواعين والاسلحه الملابس الادوات الطبيه ومخطوطاتهم ورسايلهم واشياء كثيره وتحت كان عباره عن متحف برضوا لكن تشترين منه مانزلنا وطلعنا وراح وقتي على غير سنع ورجعنا للدرج لكن هالمره شلت ولدي وكان اكبر غلط لاني حامل و3ادوار وزوجي العربانه وصلت تافله العافيه وطلعت وانا مقهوره وراحت علي طلعة السوق مع اني بحاجتها,,,
هذا تقريري
والحين نجي للصور,,,
يتبع بليز بنات محد يرد لين اخلص...
DSCN0247
DSCN0248
DSCN0249
DSCN0250
DSCN0251
DSCN0252
DSCN0253
DSCN0254
DSCN0255
يتبـــــــــــــــع لاحد يرد