بسم الله الرحمن الرحيم
اليوم جايتكم ومعي تقرير عن جهاز صانعة الخبز كينوود رغم إن مالي
إلا كم يوم من اشتريتها لكن قلت لازم ولابد أوريها حبايب قلبي بنات عالم حواء
نبدأ :
اسمها : صانعة الخبز Bread maker
موديلها : bm450
حجم حمولتها : 500 جم و 750 جم و 1000 جم
فيها زر للمبه من داخل الجهاز
تحتوي على 15 نظام
جرم الجهاز من الإستيل و غطاها من الزجاج الشفاف من بعض الأماكن
لوحة مفاتيح لمس
سعرها : 699 ريال
طريقة عملها : تحطين المقادير السايله وفوقها الجافه وأخر شي الخميره إذا فيها
طبعاً بدون أي تقليب أو تدخل منك مجرد أنك تحطينها وتضبطين النظام والوقت والوزن
ودرجة التحمير وبس وهي تعجن و تخمر و تخبز
ممكن تعملين أنواع من الخبز بس على شكل توست لكن النكهه الي تبغين ونوع الدقيق سواء أبيض
أو أسمر أو نخاله وفي الكتاب أنواع كثيره للخبز
و ممكن تعملين الكيك وبرضوا في الكتاب الي معاها
وممكن تعجن وتخمر و توقف وانتي تاخذي العجينه وتخبزيها في الفرن زي ما تبغين
سواء بيتزا أو كراوسون أو خبز مفرود و برضوا في الكتاب الطريقه
أترككم مع الصور
هنا من الداخل واضحة الإضاءه
هنا العبله الي تحطي فيها الي بتضيفينها من مكسرات أو كمون أو فواكه مجففه أو زعتر وحبه سوداء
وهي لها وقت تفتح من نفسها
هنا واضح الاناء في الداخل
مرفق معه كتاب للوصفات و كوب معياري وملعقه
هنا تطبيقي للخبز السريع من نفس الكتاب المرفق
وهنا كيك الفواكه المجففه نفس طعم الكيك الانجليزي
رأيي فيها جهاز رائع بمعنى الكلمة
سهل ومريح ويوفر عليك الوقت
ممكن تحطين المقادير وتنامين أو تجهزين نفسك قبل الضيوف
سويت الخبز قبل ما أنام وصحيت على ريحت الخبز
أتمنى إنكم استمتعتم بالتقرير
وأنتظر منكم أي سؤال أو إستفسار
والسلام مسك ختام