بسم الله الرحمن الرحيم
أبدا تقريري عزيزاتي بالحمدلله على نجاح عمليتي و الحمدلله على الصحة والعافية والله يشافي ويعافي كل مريض اللهم آمين.
بداية اخواتيظ قبل العملية صار لي شهور اتبع اكثر من ريجيم والحمدلله مع التشجيع ف البيت وصلت لفوق الوزن المثالي بشوية بس المشكلة ان صدري الي هو اصلا كبير ، كان اكبر من الرمانة اترهل جداااااا وصار كبير ومرتهل بنفس الوقت يعني لو جلست اسفل الصدر فوق مستوى السرة باصبعين او 3.
غير طبعا الخطوط من جوانب الصدر ....
طولي 161 كان وزني 74 و يوم العملية كان 59 او 58 ماتذكر تحديدا ، انا انسة لم يسبق لي الزواج او الحمل.
طبعا برغم اني نقصت ف الوزن كل مقاساتي اتغيرت ماعدا الصدر ليش؟ لاني اضطريت ان الكب cup يكون زي ماهو عشان يرفع الصدر المترهل الطويل من تحت لفوق وطبعا هذا سبب لي الام في كتفي غير اثارالحبل على الاكتاف ومشاكل ف الرقبة.
تفكيري في العملية جا بعد الاعراض الي فوق و زائد اني دورت كثير ف النت على تمارين شد الص9ر ورفعه ولقيت انه ينفع لدرجات ترهل بسيييطة جدا بعد استمرار . وطبعا هذا ماكان ينطبق عليا.
الدكتور بشخصه عرفته عن طريق 2 من عيلتنا واحدة نحفت زي وضعي بس كانت مسوي تكميم هنا ف جدة، وصار لها ترهل ف الذراعين وكانت تضطر تلبس اكمام طويلة لين الاولى الي من عيلتنا سوت نفس المشكلة عنده،دلتها على هذا الجراح المصري في مصر وسوت عنده العملية وصراحة اختلف جدا جدا جدا مظهرها . وصارت احلى .
وسبحان الله نزلنا مصر نحضر زواجين لقرايب امي هناك، و كنت لسة مترددة واستخرت و رحت، الدكتور طلع جدا مشهووور و
لما رحت هناك شفت ××××× يمنع ذكر أسماء أهل الفن
تم الحذف.. الإشراف
هههه حتى الرجال شغالين وشفت ××××× وشفت وحدة ثانية ناسية اسمها بس انه الكل بيروح له،
رحت وكشفت وقالي اوك نعمل العملية بس طلب تحاليل اول طبعا وسويتها ورجعت له تاني قالي اوك ، وقتها شرح لي طريقة العملية قالي درجة الترهل هيا الي تحدد قصة الجرح، ف رسم لي على ورقة رسمة الحلاوة المصاص يعني دائرة ومن طرفها السفلي خط، قالي كدا راح يكون اصغر ومشدود بس بنفس المقاس ، سي،
رفضت وقلت له لا ابغاه بي، يكون قد التفاحة تقريبا ، لان لسة ورايا زواج وحمل ورضاعة ظ وان شاء الله راح احافظ على وزني
قال كدا راح نغير القصة ونسوي حرف T مقلوب ، يعني فتحة من تحت الصدر على شكل قوس تقريبا، نفس شكل الحرف بالضبط بس مقلوب و اعطاني موعد ف المستشفى.
تخدير كامل و لمدة 4 ساعات ، تنامي يوم الى يومين ، طبعا احساسي بصدري كان ثقيل و كدمات، وطبعا ارهاق شديد من البنج، يعطوكي مضاد حيوي لمدة خمسة عشان لو التهاب في الجرح يتقفل سريع وطبعا فيه شي اسمه ليات التصريف عشان تصرف السوائل الزايدة وبقايا الدم والدهون كمان من كل صدر من تحت يخرح انبوب عرضه اقل من نص سانتي تقريبا ويتقابلوا الانبوبين ف انبوب واحد اكبر يصرف الدم في علبة.
و كل يوم الصبح ف ساعة محددة، تفضي العلبة من السوائل وتحطيها ف كوب بلاستيك و تحسبي بالابرة كم سانتي وكل يوم طبعا تقل، بعد اسبوع رحت له العيادة شلت الانانبيب وصراحة يده خفيفة جدااااا
بعد اسبوعين و نص تقريبا رحت له عشان افك الغرز ، كلها كانت في ناحية تحت الصدر ،
والحلمة لانهم صغرولي هيا كانت كبيييييرة وممطوطة من قوة الترهل ، الحلمة المهم كان عليها 4 خيوط ف الاطراف على فوق وتحت ويمين وشمال، وطبعا الجهة الثانية نفس الشي
وقت شيل الغرزة الم صراحة بس كنت اشجع نفسي كيف؟ كنت اقول غصب عني راح اشيلها مستحيل اعيش فيها طبعا.
و بقالي غرزتين او 3 وقالي دي خليها وتعالي بعد اسبوع ورحت له، وشالها .
وبعدها باسبوع اخر مراجعة عنده، اعطاني لصقات السيليكون وقالي دا مخصوص لاثار العمليات، قصقصيه على شكل الجرح وطوله وتحطيها وعادي اتحممي فيها ، غالبا بتجلي من يومين ل 3 وبعدها تطيح وتحطي تاني ،
طبعا ممنوع النوم على الجنب او البطن قبل 3 الى 4 اسابيع، اما النوم على البطن ممنوع منعا باتا لمدة 4 شهور وفوق.
اعاطني سنتيان طبي زي المشد يشبه سنتيانات الرياضة بس انه فعلا مشد
على فكرة؟ هذا انا صحيت من البنج لقيته فيني بس طبعا حاشيين قطن بعد العملية ،
وتفضلي لابسة المشد على طووووول من اول يوم للعملية الى 3 الى 7 شهور قالي عشان تحافظي على شكله افضل شي 7 شهور. بس لو زاد وزنك بيرجع صدرك لان الدهون بترجع له.
طبعا راح تشتري مشد الصدر مقاس سمول من عنده انا اشتريت 2، عشان اسهل ف الغسيل .من العيادة ولصقات السيلكون لما دورت عليها بالنت لقيتها نوع جيد الحمدلله .
طيب نجي للفلوس ،
العملية كلفتني 20 الف،مع المبيت ف المستشفى يوم كامل بعد العملية ، و السنتيان حبتين ولصقات السيلكون علبتين كانت كلها بحدود 2000 وشوية كله صافي مع المشاوير وكل شي 25 الف يعني بالضبط080 13 ريال سعودي .والمراجعات ف عيادته بعد العملية كلها فري، صراحة اوقات امي توديني له موسوسة ف جرح او شي.
حاليا نجي لمراحل التطور
اول اسبوع كان الصدر مورم وكانه مضروووب كدمات جدا بالنسبة للاستحمام عادي اتحممي كل جسمك بس منطقة الصدر نهائي ماتقربيها المويا الا بعد شيل الغرز باسبوع وهذا افضل شي.احساس بضيقة ف النفس بسبب الانابيب الي ف صدرك .
ثاني اسبوع الورم اقل لكن لازال الصدر فيه كدمات موف وتروح شوية شوية على رابع اسبوع،مجرد تشيلي الانانبيب راح ترتااااااااحي.ويبقالك هم الغرز.
ثالث اسبوع او نهاية الاسبوع القاني حسب مايقرر هوا ف اي وقت تراجعيه هتشيلي الغرز غالبا ف الوقت هادا.وماصدقت الغرز تنشال وانام على حنبي بعد طول انتظار منالنومة على ظهر
رابع اسبوع اخيرا شم صدري المويا واتحممت بكل حذر وبدون تفريك طبعا كانت وقتها اول مرة اشوفه هههههه صراحة مرة فرحت كان مورم طبعا ومنتفخ شوية .
بكرة 12 ديسمبر اكون كملت شهرين على العملية ، والحمدلله العملية نتايجها افضل مما توقعت وحتى الجروح في تحسن وقت ماشلت الغرز لمحت ف المراية (لاني كنت راضة اشوفه خايفة) لمحت لون الجرح كان غامق يعني لون القهوة التركي وانا لوني افتح شوية من لون الممثلة روبي، اسفة اني اضطريت اذكر اسمها بس عشان توضح الصورة لكم.
واالبوم خف لونها بنسبة 30 ف المية ، .
قالي الدكتور الاثار بتختفي من 9 شهور ل سنة .ويوصل لشكله النهائي خلال 3 شهور او شهرين ونص بس اهم اهم اهم شي المحافظة على الوزن ،بصراحة االام اكتافي ورقبتي انتهت تماما وفعلا تحسي الصدر واقف الحمدلله والحلمة صغروها ومتقابلين بالمللي وحجم الصدرين مافيهم اي اختلاف،بصراحة نهائيا ماندمت الحمدلله كان الجرح مقفول وماحصل اي صديد او شي بس كنت امسح مكان الغرز ب فيوسيدين كريم،بعد مااطهر المكان بمحلول ملح.اهم شي نظافة المكان يابنات.
واسفة جدا على الاطالة ولكن الموضوع كان يستحق التفاصيل
الدكتور اسمه، فتحي خضير في المهندسين. في النت بتلاقو رقمه.
بالنسبة لقصة الجراحة دوروها ف النت باسم تي مقلوبة ، او المرساة .لان ممكن لو حطيتها هنا تكون صور ممنوعة ف المنتدى
بالنسبة لانابيب تصريف السوائل اكتبو ف النت درنقة العمليات او surgical drain.