تقرير ممتع جدااااااااااااااااااااا ماشاااء الله
فعلا تركيا من أجمل الدول التي تستحق الزيااااارة

الله يعطيك العافية على الصور الحلوة والممتعة \
ويحفظ لك أولادك وأبوهم ^_^

ومازلنا متاااابعين
لا توقفي ^_^

قريب من القصر ..هالساعه اللي صورناها امس بس كانت في الليل ..



الحين بنروح لين المتحف الاسلامي توب كابي

معلومات عنه :
يتكون هذا القصر من عدة أجنحة تخدم فعاليات مختلفة، حيث جناح العهد، وجناح والدة السلطان، وديوان السلطان ووزرائه، وكذلك جناح لكل زوجة من زوجات السلطان، إضافة إلى متحف للهدايا التي تهدى إلى السلطان، وساحة للاحتفالات، وأجنحة الحراس والخدم.
تم تحويل القصر إلى متحف وهو مثال رائع على العمارة العثمانية وتوجد به مجموعة كبيرة من الخزف والأثواب والأسلحة وصور السلاطين العثمانيين والمخطوطات والمجوهرات والكنوز العثمانية بالإضافة إلى عروش السلاطين.
وتوجد بالقصر غرفة الأمانات المقدسة التي نقلت من مصر عند فتحها وتوجد بها آثار الرسول محمد صلى الله عليه وسلم، سيفهُ وعصاتهُ وضرسه وجزء من شعرهِ وإحدى خطاباته بالإضافة إلى سيوف الصحابةومفاتيح الكعبة.


ما صورنا وايد كان وايد زحمه .. وقصر دولما تعبنا بالمشي ماشالله يا كبر بيتهم هههه ..
بس كان حلو .. وشفنا فيه ملابس لفاطمة بنت الرسول عليه افضل الصلاة والسلام .. والحسين و
حسيتهم وايد مركزين عليهم مادري هم شيعه ولا شنو !!
وسيوف للصحابه و شعرة من لحية الرسول صلى الله عليه وسلم ..
و حناطير السلاطين وحناطير حريمهم ..

و بصراحه ما عندي اي فكره عن صحة هالاشياء .. >> اقصد المتعلقه بايام الرسول صلى الله عليه وسلم ..



في الطريق للمتحف



بعض المنحوتات



ماشاء الله في منحوتات ورسائل خطوطهم حلوه ..






وهذي عروس في الطريق يحليلها تصور عند المتحف الساعه 4 العصر >> فاضين احنا نروح نصور عند المتحف تلقون كل وحده مننا تحاتي الكوشه و الفرقه هههه ومادري شنو
وعلى فكره مب اول عروس نشوفها ..
يوم كننا في يلوا او بورصه مب متذكره عند الشلال .. ومره في غابات كليوس في اسطنبول بعد >> كان بيدخلنا السايق للعرس بس انا ما رضيت >> ما كنت كاشخه ههههه

مشينا شوي و رحنا لمسجد السلطان احمد .. و طبعا الطابور ماشي .. و الاجانب داخلين طالعين عالمسجد للتصوير !!
شي غريب بس مادري والله شنو موضوعهم .. بس لهم حاجز ما يتعدونه .. ولازم كلهم يفصخون احذيتهم و يحطونها في كيس ويدخلون ولكم ان تشمون الرائحه المنعشه >< ..

دخلنا وصلينا المغرب والعشا ..

طلعنا و رحنا مجمع مترو سيتي .. وطبعا اول ما دخلنا .. رحنا تعشينا كنتاكي ..ألله يديم النعمه عقب المشاوي اللذيذه نتعشى من كنتاكي .. اللي في كل دوله مال امه داعي ..
مع ان كان في مطاعم ثانيه ومشاوي ... لكن الحمدلله ع النعمه .. وما صورت هناك ..لكن المجمع كان حلو كله شتوي ما في ولا شي صيفي .. جاكيتات روعه وباسعار رخيصه .. واشياء حلوه .. و شريت شراشف ..تصدقون للحين ما فتحتها ههههه .. و ثياب حق العيال .. وملابس رياضه حلوه بعد .. وكلها رخيصه ... على قولة السايق احنا بنشتري من هون ان حتى هم يالناس العاديين يشترون من هالمجمع >> حسسنا ان احنا عيال الوليد بن طلال ههههههه

صوره من النت



طلعنا ورحنا شارع تقسيم لين تعبنا .. و رجعنا بعدين الفندق ونمنا ..
بكره موعدنا مع جزيرة الاميرات :)

قمنا عالساعه 10 و فطرنا قعدنا ننتظر السايق لين ما جا ..عشان نروح لجزيرة الاميرات ..وصاننا ناخذ معاننا جاكيتات لان في العباره بيكون الجو بااارد ..

طلعنا تقريبا عالـ 11 .. وحجزنا التذاكر وركبنا العباره من ميناء كاباتاش ..

طبعا الرحله تستغرق ساعتين ... تمر على 3 جزر قبل ما نوصل الى جزية الاميرات (بيوك اضه )


كانت حلوه وبس قاعدين فوق مع الهوااا البارد و نسولف ..و ناكل مكسرات خخخ ونشرب شاي .. وناكل الطيور ...
هاي صور من العباره ..
وفي الرد الجاي بنزل صور الجزيره ..

هاي عباره من العبارات مب عبارتنا ..



من الشباك



داخل العباره











جزيره من الجزر