للحين مواصلين يومنا الجزئي في بورصه وقلنا نبتدي بالشلال ..
هو للاسف كان وعر والوصول لين داخل مع اليهال جدا صعب .. خاصه مع الحصى اللي عليه طحالب يزحلق بس وصلنا لين نصه و قدرنا نحط رجولنا فيه وكان مثللللج وبارد يجمد الدم ..
بعد الشلال .. مرينا نتعشى مادري نتغدى ههههه لان الساعه كانت تقريبا عالـ 6 وعادها الشمس ما غربت .. كان المطعم في مكان حلو ...
طاولات وكراسي والماي تحتهم ..
وكان الاكل لذيذ ما عدا طلب كان عباه عن سمك بالمشروم كان زفر بمعنى الكلمه قعدت اكل المشروم خالي .. والحمدلله كننا طالبين مشاوي غير سلطتهم اللي تجنن .. مع انها خضرا عاديه بس فيها شي حلو مادري ايش هو !! و الخبز مالهم بعد حلو نقعد ناكله خالي
تابعوني ..
اقترح علينا السايق يودينا لمدينة العاب مفتوحه اسمها لونا بارك .. وايد حلوه واستمتعوا العيال وكان الجو حلو .. فيها العاب للكبار وللصغار ومتنزه و كوفيات و حلات الايسكريم التركي ( دندرمه ) طعمه لذيذ .. و بنكهات مختلفه طبيعيه مب الوان صناعيه :09:
شوفوا الصور ..
طبعا الملاهي قريبه من فندق الميره >> للي يبون يسكنون فيه ..كان ودي اسكن فيه بس للاسف الموسم كان مزدحم كل الفنادق اللي بغيناها كانت فل ..:30:
و بكذا انتهى يومنا الاول في بورصه ... و من بكره بنروح على ................. :42:
شوفوا الصور ..
طبعا الملاهي قريبه من فندق الميره >> للي يبون يسكنون فيه ..كان ودي اسكن فيه بس للاسف الموسم كان مزدحم كل الفنادق اللي بغيناها كانت فل ..:30:
و بكذا انتهى يومنا الاول في بورصه ... و من بكره بنروح على ................. :42:
بدينا يومنا الثاني من الساعه 9 الصباح .. نزلنا نفطر وكان الفطور حلو .. وخاصه المربى يم يم .. و قعدنا في اللوبي ننتظر احمد سايقنا التركي من منطقة انطاكيا ويتكلم عربي .. سهل علينا وايد من الاشيتء خصوصا ان الشعب التركي من بين كل 10 واحد يتكلم انجليزي .. لكنهم حبوبين وودهم يساعدون .. ويحاولون .. لكن بعد وجود السايق سهل لنا كثير ..
شوفوا بنتي قاعده في اللوبي وتتدلع للتصوير ..
جا .. احمد .. ودانا لحديقة الحييوان .. تعرفون بلد بلا حديقة حيوان ما تسوى <<< مادري شقاعده اقول يعني بس طوفوها ههه
ما صورت فوتو الا عيالي << البط في عين امه غزال ههههه ..
وكان اكثر التصوير بالفيديو ..
بس كانت حلوه و تعرفون اليهال يحبون الحيوانات .. بس عيبها مب مبلطه او حتى انترلوك يعني تحت كله حصى .. غبرنا الا شوي خخخ
و من بعدها خذنا احمد للتلفريك ... تابعوني ..
الصفحة الأخيرة
انا ما اعرف عن الصرفيه بصراحه بس لو حسبتيها ترى التذاكر كلفتنا حول الـ 8 الاف لنا الاربعه .. ممكن تستغنين عن التسوق ... و ممكن تخلون تنقلاتكم بالمترو ..وايد ارخص من التكاسي و السايق الخاص الللي يكلف في اليوم تقريبا 150 يورو يعني حول الـ 400 ريال .. انا ما كان ودي بسايق خاص مع انه جدا طيب وامين و يودينا الاماكن اللي يشوف ان اسعارها زينه لكن هالمبلغ كان للشركه اللي يشتغل فيها .حتى اننا مفكرين لو رحنا مره ثانيه ناخذه في الايام اللي نحتاجه فيها بس.. . و زوجي ما كان مأمن نستخدم المترو خاصه معانا عيال و اول مره نجي تركيا .. بس مره ثانيه ما عليج اضبطه ****لله .. و ولدج على ان تركيا حلوه والحمدلله عيالي استانسوا ..لكن تركيا مب لهم يعني هم استانسوا اكثر شي عالطلعات لكن ان في اشياء مخصوصه لهم لا و خاصه انهم تضايقوا من زحمة شارع تقسيم .. بس ممكن تودينه .. وتاخذيله عربه .. و تثقلين ملابسه لان بعد العيد اكيد بيكون بررررد وايد .. ولاتنسين الادويه ( دوا كحه وحراره ودوا للاذن ونقط للانف ) و اهم شي الملابس ..
يا هلا و مرحبا فيكم ..
ام عزان . قريت متأخر ان المسابقه لازم اكتب معلومات عن البلد ههههه انا كسوله ..