اليوم موعدنا نروح يالوا .. قمنا من النوم و فطرنا .. وجانا السايق ودانا لها اللي تبعد عن بورصه حول الساعه بس ما تحسون فيها من جمال الطريق والمناظر ..
المهم هذا فندقنا اسمه thermalium wellness park hotel .. مكانه بعيد ومعزووول ... لدرجة ان البوفيه فطور و عشا ...
هذا المدخل ..
وهالمنظر الحلو من شباك الغرفه ..
وهذي قعده برا الفندق بس مي يقدر يقعد في البرد .. الا باستكانة شاي تركي :35:
وهذا المسبح >>> احلفي ...
سلبياته :
مثل ما قلت بعيد .. و بوفيه الفطور و العشا مب فرش .. يعني يبين في اشياء مسوينها من وقت قبل .. يعني ما عجبني اكلهم .. و الغرف وايد ضيقه .. وتلفزيونهم مشوش .. مادري مين يحط هالايام تلفزيون عادي مب LCD خخخخ عدو عدو اللي شار عليه هالشور ههههه ...
ايجابياته :
اطلالته حلوه ..
صاحب الفندق دايما موجود و طيب يا حليله ..
شافنا في بوفيه العشا و سألنا انتوا من وين ..قلنا له From Qatar عرفنا بنفسه و ببنته .. >> اثنينهم كبااار في العمر ماشالله .. جا بيسلم على بنتي راحت لمت عليه >> مادري شكانت تحس فيه ذيك اللحظه:mad: .. المهم فرح فيهم وو قعد ينادي الموظفين ويكلمهم .. ويقولنا انتظروا شوي في لهم هديه .. واحنا منحرجين لان كننا واقفين في نص البوفيه .. وتأخروا وقعد يأشر ان اتصلوا و شوفوا الموضوع واحنا خلاص من الاحراج هههه .. شوي الا جاب لهم كافي هوبي و ورده ... وانا اشكره وفيني الضحكه لان زوجي كان يقول الظاهر بيمدد لنا ليله مجانا من كثر ما تأخروا .,,>> طماع بروحه اكلهم مب حلو هههههههههههههههههه .. و يقول : حتى الكافي مادري من اي متحف مطلعه ههههههههههههههههه احمد ربك ههههههه .. ذاك اليوم متنا من الضحك والله .. بس والله ما قصر يعطيه العافيه .. هذا بعد موقف من مواقف طيبتهم و احترامهم ..
يتبع ..
طلعنا بعد العشا ورحنا وسط المدينه .. كان في مثل الكورنيش .. وفيه شارع كامل كوفيات ومطاعم .. الجو كان وايد حلو .. وقعدنا نمشي فيه و لازم نمر الالعاب حق الصغار ..
و رجعنا من برا من بعد ما تعشينا مره ثانيه خخخ >> جوعنا البرد .. بس كانت شوارما لذيذه .. وو حلينا بهالايسكريم اللذيذ و نمنا
شوفوا .. هذا بعد منظر من برا .. اعتقد كان بعد الفطور ..
اتفق معانا السايق نلحق ونروح الشلال .. يا زينه و يا زين البراد ..
هذي بنتي >> صج والله :27:
هني عيالي عند الجسر اللي تحته الماي النازل من الشلال ..
حطينا رويلاتنا في الماي البارد .. واستمتعنا وطلعنا ..
مشينا شوي الا في وحده تخبز هي و زوجها وتسوي خبز مثل خبز الصاج مع بطاطس
او جبن .. وطلبنا منها مع عصير خوخ وكان لذيذ .. تسلم يدها..
وهني المنظر اللي مقابلنا واحنا ناكل .. و من وراننا صوت الشلال
و بعدها ببنتقل لـــ الحمامات المعدنيه ..
و رجعنا من برا من بعد ما تعشينا مره ثانيه خخخ >> جوعنا البرد .. بس كانت شوارما لذيذه .. وو حلينا بهالايسكريم اللذيذ و نمنا
شوفوا .. هذا بعد منظر من برا .. اعتقد كان بعد الفطور ..
اتفق معانا السايق نلحق ونروح الشلال .. يا زينه و يا زين البراد ..
هذي بنتي >> صج والله :27:
هني عيالي عند الجسر اللي تحته الماي النازل من الشلال ..
حطينا رويلاتنا في الماي البارد .. واستمتعنا وطلعنا ..
مشينا شوي الا في وحده تخبز هي و زوجها وتسوي خبز مثل خبز الصاج مع بطاطس
او جبن .. وطلبنا منها مع عصير خوخ وكان لذيذ .. تسلم يدها..
وهني المنظر اللي مقابلنا واحنا ناكل .. و من وراننا صوت الشلال
و بعدها ببنتقل لـــ الحمامات المعدنيه ..
صور من الطريق واحنا رايحين الحمامات ..
طبعا هاذي الفواكه من بيوت ناس ما قصروا عطوننا من التفاح الاخضر كان طعمه لذيذ مب حامض
وفي شجر رمان و خوخ و عنب وطماط وملفوف ..
طبيعه طبيعه :icon33:
طبعا هاذي الفواكه من بيوت ناس ما قصروا عطوننا من التفاح الاخضر كان طعمه لذيذ مب حامض
وفي شجر رمان و خوخ و عنب وطماط وملفوف ..
طبيعه طبيعه :icon33:
صوره سقطت سهوا خخخ
حجمها كبييير يم يم
خلونني اعترف ان ماعندي صور للحمامات لان عيالي اول ما شافوا الحوض افصخوا وزوجي عبا البانيو هههههههه ما عندهم وقت ..
بس هو كوصف .. حمام للمياه المعدنيه .. يعالج الروماتزيم وكثير من الامراض .. احنا اخترنا عائلي خاص .. وفي عام للي يبي .. وو حده ساعه بس .. و الحمدلله لحقنا عليه لانهم كان بيسكرون .. وكان حمام الهنا ياليتكم كنتوا انتوا هههههههههههه
و طلعنا منه دايخين لان الماي الحر يركد الجسم .. ودرنا في الحديقه نفسها وكان فيه مياه للعين و ماي حار للشرب يقولون يطهر الجسم و ماي لتشققات القدم ما صدقت اول شي لكن يوم مسحت يدي فيه حسيته مثل الكريم سبحان الله .. وفيه بخار حار للي فيهم ربو يفتح الرئه ..جدا حلو وممتع .و الحديقه اللي حواليه حلوه وكلها اشجار ظليله >> ايوه يا عربيه ... و الورد اشكال والوان ..
. و رجعنا الفندق و تعشينا .. ونمنا استعدادا للروحه لابانت الجميله ...
اسمحلوي راح ادخل بكره باذن لله ..لان الوقت تأخر وبكره دوااام .. و على فكره ترى التقرير بدون تحضير او شي بس ارتب الصور في لحظتها و الكلام اكتبه في وقته وعلى طول اضافة رد .. و اسمحولنا ..واي سؤال حاضرين يا طويلين العمر ..
حجمها كبييير يم يم
خلونني اعترف ان ماعندي صور للحمامات لان عيالي اول ما شافوا الحوض افصخوا وزوجي عبا البانيو هههههههه ما عندهم وقت ..
بس هو كوصف .. حمام للمياه المعدنيه .. يعالج الروماتزيم وكثير من الامراض .. احنا اخترنا عائلي خاص .. وفي عام للي يبي .. وو حده ساعه بس .. و الحمدلله لحقنا عليه لانهم كان بيسكرون .. وكان حمام الهنا ياليتكم كنتوا انتوا هههههههههههه
و طلعنا منه دايخين لان الماي الحر يركد الجسم .. ودرنا في الحديقه نفسها وكان فيه مياه للعين و ماي حار للشرب يقولون يطهر الجسم و ماي لتشققات القدم ما صدقت اول شي لكن يوم مسحت يدي فيه حسيته مثل الكريم سبحان الله .. وفيه بخار حار للي فيهم ربو يفتح الرئه ..جدا حلو وممتع .و الحديقه اللي حواليه حلوه وكلها اشجار ظليله >> ايوه يا عربيه ... و الورد اشكال والوان ..
. و رجعنا الفندق و تعشينا .. ونمنا استعدادا للروحه لابانت الجميله ...
اسمحلوي راح ادخل بكره باذن لله ..لان الوقت تأخر وبكره دوااام .. و على فكره ترى التقرير بدون تحضير او شي بس ارتب الصور في لحظتها و الكلام اكتبه في وقته وعلى طول اضافة رد .. و اسمحولنا ..واي سؤال حاضرين يا طويلين العمر ..
الصفحة الأخيرة
ماعندي فكره اذا كان لها اسم ثاني
بس هذا اللي اتذكر ان السايق قاله لنا..
بصراحه الحديقه وايد حلوه
و بين مسافه ومسافه في العاب حق اليهال ..
وبين كل زاويه تلاقين حبيب وحبيبته هههه يخلون الواحد يتحسف انه جاب العيال:mad: >>> ام شريره هههه
بس هذا ما يمنع ان نغض البصر >>> عقب ما شبعت شوف :angry:
ولا يمنع ان نروح الحديقه عشان هالشي >> هم عشاقهم في كل مكان الله لا يغير عليهم :39: ويهدي اللي عندنا ههههههه :arb: >> محد مخرب عليهم الا هالغتره والعقال هههههه
بس فعلا حلوه .. و فيها الالات رياضيه مثل الاوربت تراك و الات شد الجسم .. طبعا مش كهربا ..
كوفيات .. و مطاعم .. و حمامات كرمكم الله ومسجد صلينا الظهر والعصر وقعدوا العيال يلعبون ..
هذي البحيره .. فيها الدراجات خذنا لنا واحد نص ساعه .. وقعدنا ندور فيه دار ما دار البحيره .. و عند النافوره الحلوه هاذي ..
و رش علينا شوي مطر ..
كانت الاجواء وايد حلوه ..
و احنا راجعين مرينا المجمع اللي ورا بيتنا ءءءءءءءء قصدي فندقنا .. و كان في العاب صغيره العبوا فيها الشباب .. واحنا طالعين مرينا ماكدونالدز تعشينا فيه ..
و كانوا عيالي ياكلون .. جات ام و تغري عيالي عشان يروحون يلعبون مع بنتها >>> صج اني عصبت لانها ماخلت عيالي يا كلون :mad: بس هاي نقطه حق اللي يقولون ان الشعب التركي همجي و صعب في التعامل ... والله كانوا جدا ودوديين و طيبين .. و روحهم خفيفه بعد ..
هذي البنت مصوره مع بنتي ..
و انتهى التقرير في بورصه انتظروا الروحه الى يالوفا ..