اخباركن مع العروس والمناسبات اللي كسرتنا كل يوم في مكان :icon28:
اليوم حابة اسوي تقرير عن أحلى عرس رحت له إلى الآن وهو كالتالي :
في يوم الأثنين ذهبنا إلى عرس من العروس طبعا محدثتكم
من الصبح وأنا استعد خصوصا انو الناس هذولا ما نعرفهم من قبل الزبدة انتهينا على صلاة العشا ء ورحنا بعد الصلاة وصلنا للقاعة وطبعا اكيد تفحيط على الحمام للأطمئنان على الشكل تعرفون حر الشرقية وما يسوي المهم عند باب القاعة الرئيسية كانت طاولة الضيافة وعليها شكلاتة من محل جهينة و كانو حاطين وحدة من العاملات سعودية لابسة ابيض وهامة على راسها ولابسة كمان ذهب بسيط وحاطة مكياج ناعم ونسيت حاجة كانو حاطين دفتر الذكريات للعروس الآن نجي للقاعة بشكل عام حلوة كان لون القاعة أبيض وأحمر سواء تلبيس الكراسي أو الطاولات وعلى فكرة الطاولات حاطين القماش الأحمر مخمل طالع شكلة حلو والورد الطبيعي إللي على الكوشة والطاولات لون احمر وابيض وطول الوقت وما شاء الله الضيافة ما انقطعت من قهوة وحلويات والشاي والمعجنات بس استغربت على كل هالتكلفة في ضيافتهم بس ماجابوا عصير يعني ما يعرفوا انو فيه ناس مثلي ماتشرب القهوة وخصوصا أحنا في الصيف بس ماعلية على الساعة تسعة ونصف جات الطقاقة وكان حلو صوتها بعدين على الساعة 11 جات العروس وهنا المهم ...........................................
أول شي انزفوا خواتها وكانوا 7 وكانوا صافين طابور أول وحدة معها فانوس وأكيد يشتغل الثانية معها مبخر كبير والثالثة ماكان معها شي والرابعة والخامسة معهم سلال وفيها ورد والسادسة والسابعة معهم سلال فيها معجنات وحلى من جهينة طبعا الزفة كاملة كانت مصورة بفيديو مشو البنات وعلى فكرة كلهم كانو كبار بس الأولى كانت صغيرة يمكن 10 سنوات بعد ماوصلن على الكوشة شغلو أغنيةلطقاقة ما اعرفها بس هي حساوية لأن اخوال العروس حساويين البنت الثالثة الى ماكان معها شي هي اللي رقصت حساوي والباقيات واقفات بعدها بدأ شعر لأبوليان بالأسامي ثم طلعت العروسة مكياجها جدا ناعم ومسكتها مثل هذي بس لون احمر
فستانها كان حلو وبعدها ياحلوات طلعنا لأنو الوالد الله يحفضه وراه دوام الصبح :09:وخلاص تعبت كتابة الله الله بالردود الزينة
وعوافي يالغاليه