السلام عليكم ورحمة الله وبركاته
بمناسبة قرب رمضان الكريم حبيت اعطيكم فكرة عن عجانة بوش
اول شي حابه اشكر الاخت ام فلونه الله يجزاها كل خير على موضوعها الي ذكرت فيه العجانة وخلتني اتشجع واشتريها فلها الفضل بعد الله اني اشتري هالعجانة
وانا سبق عرضت صور لها في موضوع لوحده تسأل عن عجانة رخيصه وجاتني رسائل كثير تسالني عنها
ففكرت اني احطها في موضوع مستقل اعرض فيه العجانه وتجربتي معاها
بسم الله ابدأ
اولا هالعجانة اوربية الصنع حسب ماهو مكتوب على الكتالوج قوتها 500 واط
في وعاء بلاستك وفي وعاء استيل والجرم بيكون لونه احمر وهذي سعرها اغلى من الي عندي
تشيل تقريبا 5 اكواب دقيق بس راح تكون مليانه للحافه
هذي ملحقاتها الي على اليمين للعجن والوسط للكيك الثقيل والي على اليسار للخفق
هنا لما فتحناها عشان ندخل فيها الخفاقه (نفتحها بالضغط على الزر المستطيل الي على يسار العجانة نضغط ونرفع الراس لحد مانسمع صوت كليك)
وهنا لمادخلنا الخفاقه وبرضه نسمع صوت اذا دخلت (كليك)
ونضغط على نفس الزر لحد ماننزل الراس ونغطيها بالغطاء الازرق ونعجن ميزة الغطاء انه يحمي من تطاير الدقيق عند العجن وممكن نستغنى عنه
صورة العجانة من الخلف ونلاحظ فتحه شلت غطاها الابيض عشان تشوفوه هذا لباقي الملحقات(مفرمة اللحم والعصاره وغيره موجوده صور الملحقات في الكتالوج) طبعا تشتريها لوحدها موشامله في السعر
وهذي صورة العجله الي تشغل العجانه وفيها السرعات
مثل ماهو واضح اربع سرعات وحرف P هذي لتحريك الخفاقة حركة خفيفه عشان نقدر نفتح راس العجانة
وهنا صورة توضح كل ملحق السرعه المستحب استخدامها له
صورة اقرب
وهنا لمن شلت صحن العجن
العجانه ماشاءالله كملت سنه معايه واخذتها من اليكترو وكان عليها عرض ب399 ريال
ودحين سعرها مايزيد عن 500 والاستيل ماتتعدى ال700
تناسب العائله الصغيره سعنونه على قدنا:42:
جا معاها كتلوج وكتاب وصفات طبخ بلغه غريبه لاهي انجليش ولافرنسي :)
سريعة وسعرها حلووو ومناسب
والحمدلله انتهى تقريري واي سؤال انا حاضره
دعواتكم لي بتسهيل أموري كنت بسوي دولاب مطبخ بس ربي ماكتب لي واتأجلت الشغله
الله يبلغنا واياكم رمضان بصحه وعافيه:26: